- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
საბონისის ფილოსოფია: თუ გტკივა, ე. ი. ცოცხალი ხარ
<p>ლეგენდის ისტორია <br> "სსრ კავშირის ჩემპიონატში არაერთი კარგი ცენტრი თამაშობდა. სიმაღლეში ბევრს ჩამოვუვარდებოდი, მაგრამ ზოგს მოქნილობით ვჯობდი და ამის წყალობით ვუგებდით, ზოგი სხვადასხვა ხერხებით გამომყავდა წყობიდან (მაგალითად ჩქმეტით)... თუმცა იყო ერთი ცენტრი რომლის წინააღმდეგ თამაში ძალიან რთული იყო. ეს გახლდათ არვიდას საბონისი. იგი მაღალიცაა და ჭკვიანიც. მისი მწყობრიდან გამოყვანასაც ვერაფრით ვახერხებდი," - ეს სიტყვები ქართული კალათბურთის ლეგენდას ნიკოლოზ დერიუგინს ეკუთვნის, რომელმაც 1982 წელს საბონისთან ერთად კოლუმბიაში მსოფლიო ჩემპიონატი მოიგო.</p><p>სწორედ დერიუგინისა და საბასის მაგალითზე შეიძლება ითქვას - დიდი სპორტსმენი მაშინ ხარ, როცა, ამა თუ იმ გუნდს 40 წელს მიტანებულიც სჭირდები. სხვათა შორის, არვიდასმა ნბა-ში "პორტლენდის" მაისურით ნიკა ცქიტიშვილის წინააღმდეგაც ითამაშა. ნიკა 1983 წელსაა დაბადებული, საბონისმა კი მსოფლიო ჩემპიონობა 1982 წელს მოიგო...</p><p>ახალგაზრდა სპორტსმენთათვის 224 სმ. სიმაღლის ლიტველი გიგანტის კარიერა სამაგალითო უნდა იყოს, ამიტომ გავეცნოთ საბონისის გზას "ჟალგირისიდან" - ნბა-მდე, მილიონებიდან - უხელფასობამდე.</p><p>1979 წლის ზაფხულში ივან ედეშკოს ბინაში ტელეფონის ზარი გაისმა. ყურმილის მეორე მხარეს მოდესტოს პაულაუსკასი იყო: "ჩემი გუნდის შეკრებაზე გელი. საოცრება უნდა განახო. სასწრაფოდ გამოდი..." პაულაუსკასი ედეშკოს ძველი მეგობარი იყო. მათ მიხეილ ქორქიასა და ზურაბ საკანდელიძესთან ერთად 1972 წელს ოლიმპიური ოქრო მოიგეს. 1979 წელს კი პაულაუსკასი სსრ კავშირის კადეტთა (16-წლამდელთა) ნაკრებს წვრთნიდა. რამდენიმე წლის შემდეგ ედეშკო გამოტყდა, რომ ნოვოგორსკში, ნაკრებების ოლიმპიურ ბაზაზე წასვლა გულზე ნამდვილად არ ეხატებოდა, რადგან მანამდეც არაერთხელ შეხვედრია ამომავალ ვარსკვლავებს, რომლებსაც დიდი კალათბურთი არ უთამაშიათ.</p><p>თუმცა, პაულაუსკასის ნაკრებში გამოჩენილმა არვიდას საბონისმა ედეშკო პირველივე შეხედვისთანავე გააკვირვა: გამხდარი და აწოწილი ლიტველი ბიჭი 15 წლისაც არ იყო, მაგრამ 209 სანტიმეტრს უკაკუნებდა. თუმცა, ყურადღებას სიმაღლე როდი იქცევდა: თუკი საბონისის თანატოლები მოთავისეობით გამოირჩეოდნენ და ინდივიდუალური ოსტატობის დემონსტრირებას ცდილობდნენ, არვიდასი გუნდზე თამაშობდა.</p><p>"ბურთის კალათში იოლად ათავსებდა, რადგან სიმაღლით ყველას აღემატებოდა. იგი კარგადაც ხტებოდა, იყო მოქნილი და კოორდინაციაც არ დაეწუნებოდა. რაც ყველაზე მნიშვნელოვანია, საბონისი ბუნებისგან ბოძებულ მონაცემებს ბოროტად არ იყენებდა: რაციონალური, წინდახედული თამაშით გამოირჩეოდა," - იხსენებს ივან ედეშკო.</p><p>...ასეთივე იყო ზრდასრული არვიდას საბონისი. ლიტველი გიგანტი სხვა ცენტრებისგან გააზრებული პასებითა და სროლის სიზუსტით გამოირჩეოდა. მოხსნებისას კი პოზიციას სწორად არჩევდა და წინასწარ იცოდა დაუფლების შემდეგ რა უნდა ემოქმედა. ამიტომ, საბონისისთვის 15-20 ქულა ჩვეულებრივი ამბავი იყო. სსრ კავშირის ჩემპიონატში მისი სარეკორდო მაჩვენებელი 57 ქულაა, საერთაშორისო შეჯიბრებებში - 42, NBA-ში- 44.</p><p>ძალიან შორს წავედით... არვიდასი 12 წლამდე აკორდეონის გაკვეთილებზე დადიოდა და ეს საქმე კარგადაც გამოსდიოდა. თუმცაღა, ერთ დღეს მუსიკის მასწავლებელმა მეცადინეობაზე არმისული მოწაფე ტბის პირას აღმოაჩინა. საბონისი ბაყაყებს აკვირდებოდა. იმავე დღეს მასწავლებალმა პატარის მშობლებს ურჩია: ეს ბავშვი ან ბიოლოგიურ სკოლაში მიიყვანეთ, ან სხვა პროფესია შეურჩიეთო.</p><p>არვიდასს ბუნება პაპამისმა, პრანასმა შეაყვარა, რომელიც მეტყევე იყო. კიდევ უფრო მნიშვნელოვანია, რომ მომავალი კალათბურთელი პაპას სიმაღლეშიც დაემსგავსა. მის ოჯახში ყველაზე მაღალი სწორედ ბატონი პრანასი იყო - 202 სმ.</p><p>2 მეტრს არვიდას საბონისმა 13 წლისამ მიაღწია; 15 წლისა 209 სმ. იყო; 1981 წელს, 17 წელს რომ მიუახლოვდა 213 სმ.-მდე გაიზარდა; 1985 წელს, როცა "ჟალგირისმა" ცსკა-ს ჩემპიონობა წაართვა საბონისი 216 სმ. იყო; 1988 წლის ოლიმპიადაზე მისმა სიმაღლემ 224 სმ. შეადგინა.</p><p>საბასი სროლის სიზუსტით გამოირჩეოდა როგორც ფარქვეშიდან, ასევე საშუალო დისტანციიდან და პერიმეტრიდან, რაც, პირველ რიგში, იური ფიოდოროვის დამსახურებაა. ეს კაცი არვიდასის პირველი მწვრთნელი გახლავთ. იგი მომავალ ვარსკვლავს ფართან ტრიალს კი არ ასწავლიდა, არამედ ბურთთან მუშაობას აჩვევდა და ხშირად გამთამაშებლის ფუნქციებსაც ასრულებინებდა.</p><p>სხვათა შორის, საბონისს თავიდან არც "ჟალგირისში" ტვირთავდნენ. ლიტველთა მწვრთნელ ვლადას გარასტასს კარგად ესმოდა, რომ ნორჩი საბასისთვის ტკაჩენკოსა და ბელოსტენის დარ ჩამოყალიბებულ კალათბურთელებთან ჭიდაობა სასარგებლო არ იყო. ამიტომ მწვრთნელს მოცდა მოუწია და როცა დრო მოვიდა, არვიდასი ტრენაჟორების დარბაზშიც შეუშვა და სსრ კავშირის ოქროს მედლისთვისაც შეერკინა ცსკა-ს.</p><p>ვიდრე არმიელებთან დაპირისპირებებზე ვიტყოდეთ, უნდა გავიხსენოთ, რომ საბონისი სსრ კავშირის ჩემპიონატში რეკორდით შევიდა. მისი დებიუტი 1981 წლის 24 ოქტომბერს "კალევთან" მატჩში შედგა. კაუნასელებმა 91:78 გაიმარჯვეს, ხოლო დებიუტანტმა 14 ქულა მოაგროვა. ალექსანდრ ბელოვი და ვლადიმირ ტკაჩენკო 17 წლისანი იყვნენ უმაღლეს ლიგაში რომ ითამაშეს, საბონისს კი დებიუტი 16 წლისას ჰქონდა - ესეც რეკორდი.</p><p>დავუბრუნეთ "ჟალგირისი"-ცსკა-ს ფინალურ დაპირისპირებებს. 1983 და 1984 წლებში ფინალში დამარცხების შემდეგ, ლიტველებმა 80-იან წლებში პირველად 1985-ში მოიპოვეს სსრ კავშირის ჩემპიონობა. ხოლო 1987 წელს "ჟალგირისს" ოქრო პირადად არვიდას საბონისმა მოუტანა: მოსკოვურ ფინალში, წესითა და რიგით საბასს არ უნდა ეთამაშა. მას ლუჟნიკების დარბაზში არც არავინ ელოდა, რადგან მოსკოვის საავადმყოფოში ტრავმირებული იწვა. თუმცა, თამაშამდე ნახევარი საათით ადრე იგი საავადმყოფოდან გამოიპარა და გუნდს შეუერთდა. მან არა მხოლოდ ითამაშა, არამედ იმ დღეს მატჩის ბედი გადაწყვიტა - არმიელთა მეფარეებმა ვარაფერი მოუხერხეს საბონისს, რომლის წყალობით "ჟალგირისმა" დამატებითი დროის ერთი მონაკვეთი 10:0 მოიგო და საბოლოოდ ოქრო ლიტვაში წაიღო.</p><p>ფაქტია, რომ ასეთი ქმედებით ლიტველმა გიგანტმა საკუთარ ჯანმრთელობას ზიანი მიაყენა, მაგრამ მასვე ეკუთვნის სიტყვები: "რადგან გტკივა, ე. ი. ცოცხალი ხარ".</p><p>ოვერტაიმიანი ფინალის შემდეგ ერთ თვეში, არვიდასი ფეხზე წამოდგა და სსრკ-ს ნაკრებს შეუერთდა, თუმცა შერემეტიევოს აეროპორტიდან ორი თვითმფრინავი გაფრინდა: პირველში, ათენისკენ, ევროპის ჩემპიონატზე მიმავალი ნაკრების წევრები ისხდნენ, მეორეში - თაბაშირდადებული საბონისი. ერთ-ერთი ვარჯიშისას მან აქილევსის მყესი და ჯვარედინი იოგები დაიზიანა. ასეთი დიაგნოზის შემდეგ, უკეთეს შემთხვევაში სპორტსმენები ინვალიდობას თავს აღწევენ, საკალათბურთო კარიერის გაგრძელებაზე ხომ საუბარიც ზედმეტია... არვიდას საბონისი კი 20 წლისა იყო და უამრავი ტიტული ჰქონდა მოსაგები.</p><p>მისი ტრავმა არა კონკრეტულად ერთი დღის, არამედ წლების განმავლობაში მიღებული დატვირთვების შედეგი იყო. როდესაც მას ჰკითხეს, კარიერაში რას შეცვლიდიო, უპასუხა: "ახალგაზრდობაში კადეტებიდან დაწყებული, პირველი გუნდით დასრულებული ყველა ნაკრებში მიწევდა თამაში.</p><p>ამას ემატებოდა სსრკ-ს ჩემპიონატში ასპარეზობა, რაც ადრეულ ასაკში ჯანმრთელობისთვის სასარგებლო სულაც არ არის. რომ შემეძლოს, სწორედ ამას შევცვლიდი."</p><p><strong><em>გაგრძელება იქნება</em></strong></p><p><strong>ყოველდღიური სპორტული გაზეთი "ლელო"</strong></p>
-
dato
საბონისი არის ლეგენდა!
-
ნიკოლოზ
ჩვენი კოლია უფრო ჭკვიანი და სასარგებლო იყო გუნდისთვის, დერიუგინი რომ ჰყოლოდათ ლიტველებს უფრო მალე გახდებოდნენ ჩემპიონები.
ერტელს "ზენიტში" გადასვლა არ აპატიეს და საფრანგეთის ნაკრებიდან მოკვეთეს
გარდაიცვალა ერთ-ერთი საუკეთესო პოლონელი კალათბურთელი ადამ ვუიჩიკი
აღიარება ლეგენდისგან - ოთხგზის ოლიმპიური ჩემპიონი ჰომოსექსუალია
7-კაცა | მაკარსკაში კლოდ სორელის ხსოვნის პატივსაცემად
რეგიონების განვითარების პროექტის ფარგლებში თანამედროვე ტაბლოები თელავისა და ლაგოდეხის დარბაზებმაც მიიღეს
"ტოტენჰემმა" პოსტეკოგლუ დაითხოვა და მის შემცვლელთან მოლაპარაკებებს უკვე აწარმოებს
[VIDEO] დონარუმას პირველ ტაიმში სამი გაუტანეს - იტალია ნორვეგიასთან განადგურდა
კალანდაძის ლიდერობით - საქართველოს ნაკრებმა ლუქსემბურგსაც მოუგო
პსჟ-ს მძიმე დანაკლისი - ესპანეთთან პარიზელთა ორმა ფეხბურთელმა ტრავმა მიიღო
სომხეთის ნაკრები ისევ დიდი ანგარიშით დამარცხდა
ზედიზედ მესამედ - ვახტანგ ახობაძე ევროპის ჩემპიონია!
ისტორიული ოქრო პარაკაიაკის ევროპის ჩემპიონატზე
კიმი შეიძლება იტალიაში დაბრუნდეს
საბო: რა ჯანდაბა უნდოდა შევჩენკოს უკრაინის ფეხბურთის ასოციაციაში?
ანშლაგი ქუთაისში - საქართველო - კაბო-ვერდე | 7 ივნისის განრიგი
უარი "სიტის" - მიქაუტაძის თანაგუნდელის გოლი და საგოლე პასი ესპანეთთან
ევრობასკეტისთვის მოსამზადებელ პერიოდში საქართველოს ნაკრები 6 ამხანაგურ მატჩს გამართავს
საქართველოს რაგბის ეროვნული ნაკრები, სულ რაღაც, ერთ თვეში თბილისში ირლანდიის ნაკრებს ხვდება!
როგორია ნაკრები ხვიჩას და ლიდერების გარეშე და რა დავინახეთ სექტემბრისთვის?
"ვერ ვხვდები, ჩემგან უპატივცემულობა სად დაინახა" - სპალეტიმ აჩერბის უპასუხა
"მბაპე ცენტრფორვარდია და ამ პოზიციაზე თამაშს გააგრძელებს" - დეშამი ესპანეთთან მარცხის შემდეგ
უარი "ალ ჰილალს" - ოსიმენისთვის ბრძოლაში ახალი კლუბი ჩაერთო
ცნობილია ის ოთხი ფეხბურთელი, რომელთა შეძენაც კონტემ დე ლაურენტისს მოსთხოვა
ᓙᓝᓑᓘ ᓑᓠᕐᓘᕐᓜᓢᓡ ᓕᓐ
ევრობასკეტი 2017: რას ფიქრობენ საქართველოს ნაკრებზე მისი მეტოქეები
შერმადინმა არვიდას საბონისსაც გადაასწრო და ესპანეთის ლიგის ყველა დროის რეკორდი დაამხო
[ევრობასკეტი 2017] NBA-დან ევროპამდე
HoopsHype: ევროპის ყველა დროის 15 საუკეთესო კალათბურთელი
უკიდურესობიდან უკიდურესობაში გადავარდნა ხეირს არ დაგვაყრის