<p>ჩვენმა თავისუფალი სტილით მოჭიდავეებმა წარუმატებლად იასპარეზეს იაკუტსკში, დმიტრი კორკინის მემორიალში <br> ჩვენმა თავისუფალი სტილით მოჭიდავეებმა წარუმატებლად იასპარეზეს იაკუტსკში, დმიტრი კორკინის მემორიალში, რომელიც სახა-იაკუტიის ავტონომიის დედაქალაქში ამ უქმეებზე ჩატარდა.</p><p>ის საკმაოდ წარმომადგენლობითი გამოდგა - მასში 20-მდე სხვადასხვა ქვეყნის ნაკრები გამოდიოდა, რასაც რუსეთის რეგიონებიც ემატებოდნენ. ციმბირში რიო დე ჟანეიროს ოლიმპიადის გამარჯვებულსა და მსოფლიოს ორგზის ჩემპიონს, თურქ ტაჰა აკგულსაც (125) ელოდებოდნენ, მაგრამ თურქებს ვიზის მიღებასთან დაკავშირებით პრობლემები შეექმნათ.</p><p>იაკუტსკში ჩვენგან ქუთაისელი მოჭიდავეები წავიდნენ მასპინძელთა პერსონალური მიწვევით. წინასწარი მონაცემებით, იქ სამ ქართველს უნდა ეჭიდავა, მაგრამ <strong>დავით ნიშნიანიძეს</strong> (57) რატომღაც არ უასპარეზია და ორი ათლეტის ამარა დავრჩით. მათ თითქოს ურიგოდ არ უჭიდავიათ, მაგრამ მაინც ხელცარიელნი დარჩნენ.</p><p>57 კილოგრამში <strong>ტრისტან ჩირგაძემ</strong> ორი პაექრობა მოიგო - 1/16-ფინალში მასპინძელი აისენ პოტაპოვი 14:4 დაამარცხა, მერე კიდევ ერთ ადგილობრივს - გიორგი ოკოროკოვს 5:2 უგებდა, როცა ბეჭებზე დააწვინა, მეოთხედფინალში კი უკვე თავად დამარცხდა ისევ სახას ავტონომიის წარმომადგენელ ალექსანდრ პასადინთან: 1:12. სამწუხაროდ, ნახევარფინალში პასადინმაც წააგო და ჩვენებური სანუგეშო წრეში ვერ გადავიდა.</p><p>მძიმე წონაში <strong>თორნიკე ხიდეშელი</strong> ჭიდაობდა და მხოლოდ ერთი პაექრობა მოიგო - საკვალიფიკაციო წრეში ოსი ვიტალი გოლოევი დაამარცხა. ეს მისი ბოლო წარმატება გამოდგა, რადგან მომავალ ჩემპიონთან, ბურიატ ბალდან ციჟიპოვთან 0:4 წააგო. მან თავი ვერც დამამშვიდებელ წრეში გამოიჩინა, სადაც პირველივე პაექრობა დათმო უკრაინელ ალექსანდრ ხოციანოვსკისთან.</p><p>მედალოსანთა შორის ეროვნებით ქართველი კი მოხვდა, მაგრამ უკრაინის სახელით გამოდის - ერთ დროს ჩვენი ნაკრების წევრ <strong>გურამ მჭედლიძის</strong> შვილი, ახალგაზრდებში მსოფლიოს ჩემპიონი <strong>მურაზ მჭედლიძე</strong> მეორეზე გავიდა. მან ფინალი კრასნოიარსკელ იური ბელონოვსკისთან 0:5 დათმო.</p><p>შეგახსენებთ, რომ წინა უქმეებზე ჩვენი სპორტსმენები კემეროვოში გამოვიდნენ საერთაშორისო ტურნირში - "მეშახტეთა სიტყვა", თუმცა მედალი ვერც იქ მოიპოვეს.</p><p>(იბეჭდება მცირე ცვლილებით)</p><p><strong>ყოველდღიური სპორტული გაზეთი "ლელო"</strong></p>
ევროპის ჩემპიონატზე ბოლქვაძემ და ხეცურიანმა ბრინჯაოს მედლები მოიპოვეს
ზოიძის ვერცხლი და ლოლუას ბრინჯაო ევროპის ჩემპიონატზე
სოლომონ მანაშვილი ევროპის ჩემპიონატის ფინალში დამარცხდა
38 წლის ჟირუ MLS-დან ლიგა 1-ში ბრუნდება - ცნობილია სად ითამაშებს ვეტერანი
ილია თოფურიამ სასურველი მეტოქე დაასახელა
[VIDEO] "რეალის" ლამაზი გოლები "ზალსბურგთან" - ალონსოს გუნდმა ჯგუფში პირველი ადგილი დაიკავა და "იუვენტუსს" შეხვდება
"ლივერპულმა" "ნაპოლის" თავდამსხმელი ძვირად დაუფასა
"დილა" სუპერთასის პირველი ფინალისტია
Tutto Juve: ეს შანსი გამოსაყენებელია - მიქაუტაძის შეძენის სურვილი იტალიურ გრანდსაც აქვს
ლუნინი "რეალს" მხოლოდ ერთ შემთხვევაში დატოვებს
ფედელე: კვარაცხელიას შეცვლა? - მხოლოდ ღმერთის იმედი უნდა გვქონდეს
2022 წლის შემდეგ პირველად - ნიკოლოზ ბასილაშვილი უიმბლდონის ძირითად ბადეში ითამაშებს
რონალდომ "ალ ნასრთან" კონტრაქტი გაახანგრძლივა
ისტორიული დაპირისპირება: საქართველო ირლანდიის წინააღმდეგ მიხეილ მესხის სტადიონზე - ემოციები და მოლოდინები
კასანომ "ნაპოლის" კვარაცხელიას შემცვლელი ურჩია
"ალ ნასრმა" სტეფანო პიოლი გაათავისუფლა
"მანჩესტერ იუნაიტედმა" და "ჩელსიმ" შესაძლოა ფეხბურთელები გაცვალონ
ზაზა ფაჩულიას აკადემია 14-წლამდელთა ჩემპიონატის გამარჯვებულია | მენსანა ვერცხლს დასჯერდა
"თუ მოიგებ, ოქტაგონს შენი სახით მოვწმენდ" - რატომ დაუპირისპირდნენ თოფურია და ცარუკიანი ერთმანეთს?
ქომაგის რეაქცია, მას შემდეგ, რაც დრაფტზე მისმა გუნდმა რუსი კალათბურთელი აირჩია - ვიდეო სოციალურ ქსელში ვირუსულად ვრცელდება [VIDEO]
მესიც საუდის არაბეთში? - "ალ ჰილალის" პრეზიდენტმა მოლაპარაკებები დაიწყო
ტეო ერნანდესი "მილანიდან" "ალ ჰილალში" გადავა
"წაეთრიე" - "ლიონის" ფანები კლუბის ამერიკელ მფლობელს აუმხედრდნენ
დავით მოძმანაშვილი იაკუტსკის ტურნირის გამარჯვებულია
U23. ევროპის ჩემპიონატი: ქართველები 2 ოქროსა და 1 ბრინჯაოსთვის იბრძოლებენ
მოჭიდავეთა გეგმები - პირველი დმიტრი კორკინის მემორიალია
იაკუტსკის ტურნირი: მოძმანაშვილის დუბლი და ქართული ფინალი ციმბირში
U23. ევროპის ჩემპიონატი: ავთანდილ კენჭაძეს წილისყრამაც გაუმართლა