გურამ კაშია: არ შევიდა გოლი და...

საქართველოს ნაკრების კაპიტანმა ირლანდიასთან (0:1) მატჩის შემდეგ სფფ-სთან კომენტარი გააკეთა
საქართველოს ნაკრების კაპიტანმა გურამ კაშიამ ირლანდიასთან (0:1) მუნდიალი 2018-ის შესარჩევი ეტაპის მატჩის შემდეგ სფფ-სთან კომენტარი გააკეთა.

"მართლა დავიმსახურეთ მინიმუმ ერთი ქულა მაინც, მაგრამ რა ვქნათ ახლა... რაც მთავარია, არის პროგრესი თამაშიდან თამაშამდე და ალბათ, იღბალიც უნდა მოვიდეს.

პირველ ტაიმში ორი-სამი მომენტი ისეთი შევქმენი, რომ უნდა გაგვეტანა. რა თქმა უნდა, ჩვენ უნდა გავიტანოთ, მარტო უიღბლობას ვერ დავაბრალებთ, მაგრამ არ შევიდა გოლი და...

პირველ ტაიმში რომ გაგვეტანა გოლი, სულ სხვა თამაში იქნებოდა. მეორე ტაიმში ისეთი გოლი გავუშვით, რომ აი, ერთმანეთს მოხვდა ბურთი და კარში შევიდა. კარში არც დაურტყიათ ირლანდიელებს. ძალიან სამწუხაროა და ყველას ძალიან ეწყინა, მაგრამ რაც ფეხბურთი ვანახეთ, ამ თვალსაზრისით მე ძალიან კმაყოფილი ვარ, იგივე თამაშის რიტმით, ბურთი დავიჭირეთ კარგად, შევქმენით მომენტები და ეს იმედს მაძლევს შემდეგი თამაშისთვის", - თქვა კაშიამ.

- ირლანდია-საქართველო 1:0 - ტრადიციულად, ქართულად... [VIDEO+PHOTO]

- მუნდიალი 2018. II ტური. D ჯგუფი: ომი და მშვიდობა ვენაში [VIDEO]