<p>ჩვენი ფალავნებისთვის ერთ-ერთმა ყველაზე არასასურველმა მეტოქემ, ხეტაგ გოზიუმოვმა კარიერა დაასრულა <br> მორიგი ოლიმპიადაც მიიწურა და ახალ ოლიმპიურ ციკლში მოსალოდნელი საკადრო ცვლილებებიც დაიწყო - ტოკიოს თამაშებამდე ბევრი ცნობილი ათლეტი დაამთავრებს სპორტულ კარიერას.</p><p>ერთ-ერთი პირველი, ვინც ეს გააკეთა, თავისუფალ ჭიდაობაში აზერბაიჯანელი ევროპის ოთხგზის და მსოფლიოს ჩემპიონი, ოლიმპიადის ვერცხლის და ორგზის ბრინჯაოსმედალოსანი <strong>ხეტაგ გოზიუმოვია</strong> (97), ვინც ჭიდაობას თავი დაანება და თავისუფალ ჭიდაობაში ჩრდილო ოსეთის ნაკრების მთავარ მწვრთნელად დაინიშნა.</p><p>33 წლის ფალავანმა "გედის სიმღერა" რიო დე ჟანეიროში იმღერა, სადაც ძალიან ახლოს, ერთი ხელის გაწვდენაზე იყო კარიერის უმთავრეს მიზანთან - ოლიმპიურ ჩემპიონობასთან, მაგრამ ოცნების ასრულება ამერიკელმა <strong>კაილ სნაიდერმა</strong> არ დაანება და ვერცხლის ამარა დატოვა.</p><p>ხვავრიელი ტიტულების მიუხედავად, ის მაინც უიღბლოთა კატეგორიას ეკუთვნის, რადგან სამ ოლიმპიადაზე მოიპოვა მედალი, მაგრამ ოლიმპიური ჩემპიონი მაინც ვერ გახდა. უიღბლობაზე მიუთითებს ისიც, რომ ოთხჯერ იჭიდავა მსოფლიოს ჩემპიონატის ფინალი, თუმცა მხოლოდ ერთხელ მოიგო.</p><p>ამის მიუხედავად, ზედმეტია კამათი იმაზე, რომ ფრიად შთამბეჭდავი კარიერა ჰქონდა - 3 მედალი ოლიმპიადაზე, 5 - მსოფლიოზე (ერთხელ მესამეზე გავიდა) და ამდენივე - ევროპაზე! ეს ყველაფერი მის სტაბილურობაზე მიუთითებს და ასაკის მიუხედავად, ასეთი კონკურენტის გამოკლება შვებაა წონის ყველა ლიდერისთვის.</p><p>გოზიუმოვი ეროვნებით ოსია და 2006 წლამდე რუსეთის სახელით ჭიდაობდა, მერე კი აზერბაიჯანს მიაშურა და მის ნაკრებში 10 წელიწადი გაატარა, რადგან რუსეთში კონკურენტად <strong>ჰაჯიმურატ გაცალოვი</strong> ჰყავდა. ისინი ორივენი ვლადიკავკაზიდან არიან, სადაც გოზიუმოვიც ხშირად ჩადიოდა მოსამზადებლად და ერთადაც ვარჯიშობდნენ. სწორედ აზერბაიჯანში გადასვლას უკავშირდება მისი გვარის ცვლილება - შეცდომით თუ რუსულის გავლენით პასპორტში გაზიუმოვი ჩაუწერეს, არადა, როგორც თავად რამდენჯერმე განაცხადა, რეალურად გოზიუმოვია.</p><p>გოზიუმოვი ჩვენი ფალავნებისთვის ერთ-ერთი ყველაზე არასასურველი მეტოქე იყო. ფაქტობრივად, მას ჩვენების სამ თაობასთან მოუწია პაექრობა - ჯერ <strong>ლუკა კურტანიძე</strong> იყო, მერე - <strong>გიორგი გოგშელიძე</strong>, ბოლოს კი <strong>ელიზბარ ოდიკაძე</strong>. ამათგან ყველაზე მეტი შეხვედრა გოგშელიძესთან ჩაატარა. ის ოდიკაძესაც ჰყავს დამარცხებული, თუმცა მერე ოსმა რამდენიმე პრინციპული შეხვედრაც მოუგო. მათ შორის - პირველი ევროპული თამაშების ფინალიც შარშან, ბაქოში.</p><p>თუმცა გოზიუმოვი აზერბაიჯანელთა ნაკრებში მომხდარი ერთადერთი ცვლილება არაა - ფედერაციის გადაწყვეტილებით, პოსტები დატოვეს თავისუფალი სტილით მოჭიდავეთა ნაკრების მთავარმა მწვრთნელმა <strong>საიპულა აბსაიდოვმა</strong> და "ბერძენ-რომაელთა" ირანელმა დამრიგებელმა <strong>ჯამშიდ ჰაიდარაბადიმ</strong>. მათ ნაცვლად მოვიდნენ, შესაბამისად, <strong>ფირდოუსი უმუდოვი</strong> და <strong>აკიფ ალიევი</strong>.</p><p>მოსკოვის ოლიმპიადის ვიცე-ჩემპიონი უმუდოვი დაღესტნელი ავარია, ვინც წინა ოლიმპიურ ციკლშიც წვრთნიდა ჩვენს მეზობლებს და ლონდონის თამაშების შემდეგაც დაატოვებინეს ეს პოსტი, იმის მიუხედავად, რომ ბრიტანეთში აზერბაიჯანს მხოლოდ ორი ოქრო ჰქონდა და ორივე "თავისუფალთა" ნაკრებმა მოიპოვა.</p><p>კულუარებში ამბობენ, რომ აზერბაიჯანელები ავარელის პოლიტიკურმა აქტიურობამ გააღიზიანა - იგი თურმე ჩრდილო აზერბაიჯანის რაიონებს დაღესტნიდან მიტაცებულ ტერიტორიებად მოიხსენიებდა (დაღესტნელებს მართლაც აქვთ ამ მიწებზე დავა). თუმცა ეს იქით იყოს, ჩვენთვის კი ცუდი ამბავია, რომ უმუდოვმა ახალი სამწვრთნელო შტაბი დაასახელა, რომელშიც ქართველი მწვრთნელი <strong>დავით ხურცია</strong> აღარ ჩანს.</p><p>დასასრულ, გეტყვით, რომ ბულგარეთის თავისუფალი სტილით მოჭიდავეთა ნაკრების მთავარ მწვრთნელად მსოფლიოსა და ევროპის ჩემპიონი, ოლიმპიადის ფინალისტი <strong>სერაფიმ ბარზაკოვი</strong> დანიშნეს.</p><p>(იბეჭდება მცირე ცვლილებით)</p><p><strong>ყოველდღიური სპორტული გაზეთი "ლელო"</strong></p>
საქართველოს თავისუფალი სტილით მოჭიდავე 20-წლამდელთა ნაკრები ევროპის ჩემპიონია!
პეტრიაშვილმა და ჭეჭელაშვილმა ევროპის ჩემპიონატზე ოქროს მედლები მოიპოვეს!
ევროპის ჩემპიონატზე ბოლქვაძემ და ხეცურიანმა ბრინჯაოს მედლები მოიპოვეს
[VIDEO] ოგბაიძის გოლი და საგოლე პასი "ცვიკაუსთან"
[VIDEO] მესის მორიგი გაბრწყინება და ინტერ მაიამი ლიგის თასის ფინალშია
"ჩემპიონთა ლიგიდან გამოვარდნა? სამაგიეროდ, ევროპალიგის მოგებისთვის ვიბრძოლებთ" - ჟოზემ მოურინიო
ევროპაში ამიტომ არ გაუშვეს? - სპერციანს მოულოდნელი მსურველი გამოუჩნდა
[VIDEO] უდიდესი სენსაცია - "მანჩესტერ იუნაიტედმა" მეოთხე დივიზიონის გუნდთან წააგო
ჩემპიონთა ლიგა სრულად დაკომპლექტდა
უკრაინელი თავდამსხმელი "ვილიარეალში" არ გადავა, რომელიც მიქაუტაძის შეძენას ცდილობს
"ყარაბაღი" მეორედ იასპარეზებს ჩემპიონთა ლიგაზე
თურქეთი მაგრად იწყებს - ლატვია შინ 20 ქულით დამარცხდა
ახალგაზრდული ახალ შესარჩევს ქუთაისში - ჩრდილოეთ ირლანდიასთან მატჩით დაიწყებს
დეშამმა საფრანგეთის ნაკრებში პსჟ-ს ხუთ ფეხბურთელს უხმო
ევრობასკეტი 2025. ჯიკიჩმა საქართველოს ნაკრების შემადგენლობა დაასახელა
იური ტაბატაძე "კადისის" ფეხბურთელი გახდა
ლიეტუვამ ევრობასკეტი მარტივი გამარჯვებით დაიწყო
საქართველოს ნაკრების შემადგენლობა სექტემბრის მატჩებისთვის ცნობილია
2020 წლის ევროპის ჩემპიონმა საფეხბურთო კარიერა დაასრულა
პსჟ-მა მეკარე გაასხვისა და საფონოვის წასვლა თითქმის გამოირიცხა
ოფიციალური შეთავაზება გაგზავნილია - მიქაუტაძე შესაძლოა, ამავე სეზონში ჩემპიონთა ლიგასა და ცნობილ ესპანურ კლუბში ვიხილოთ
"ფიორენტინა" 24 წლის იტალიელი ფორვარდით გაძლიერდა
პსჟ გამოცდილი მცველის გასხვისებას აპირებს
ბოლო წამების სინდრომი - ოდიკაძე ბოლო წამებზე დამარცხდა [VIDEO]
"მოჭიდავეს წაგება არ უნდა აშინებდეს, მის გარეშე მოგება არ მოდის"
მსოფლიოს საკლუბო თასი: ელიზბარ ოდიკაძე საუკეთესო მოჭიდავედ აღიარეს
ოდიკაძემ კრასნოიარსკში მედალი მოიპოვა
ქართველები ევროპის ჩემპიონატის ნახევარფინალში! [VIDEO]
SPORTALL - გადაცემის სტუმარია თავისუფალი სტილით მოჭიდავე ელიზბარ ოდიკაძე [VIDEO]
დოპინგ-სკანდალი: ზოიძეს ოქროს აძლევენ, მელიას ვერცხლს ართმევენ
იაკობიშვილის ოქრო და ბუჯიაშვილისა და გამყრელიძის ბრინჯაო ევროპირველობაზე [VIDEO]
საქართველოს ეროვნული ოლიმპიური კომიტეტის აღმასკომის განცხადება
ლუკა კურტანიძე: არავის მივცემ იმის უფლებას, რომელიმე სპორტსმენი დაიჩაგროს ან ჭიდაობის ფედერაციას შეეშალოს ხელი მუშაობაში
მოჭიდავეებმა გეგა გეგეშეძის დაკავების გამო პროტესტის ნიშნად ვარჯიში შეწყვიტეს [VIDEO]
დოპინგ-სკანდალი - დავით მოძმანაშვილი ოლიმპიურ ჩემპიონად გამოცხადდება?
"ჩემპიონი" მსოფლიოს საკლუბო თასზე ბრინჯაოსთვის იბრძოლებს
მსოფლიოს ჩემპიონატი ვეტერანებში: კურტანიძე ახალგაზრდობას იხსენებს
მომნატრებია ჭიდაობა - ინტერვიუ დავით მარსაგიშვილთან
კიდევ ერთი მედლის შანსი - ოდიკაძე ბრინჯაოსთვის იჭიდავებს
რა ბედი ელის აზერბაიჯანელების ქართველ მწვრთნელს, დავით ხურციას?
დავით მარსაგიშვილი: პატარა არა ვარ, ასეთი შეხვედრის წაგება არ მეპატიება
ლუკა კურტანიძე ვეტერანთა შორის მსოფლიოს ჩემპიონია [VIDEO]
აქცია, მცირე ინციდენტი და პრეზიდიუმის სხდომის შედეგები - ჭიდაობის ფედერაციასთან მომხდარის ქრონოლოგია [VIDEO]
მსოფლიოს საკლუბო თასზე "ჩემპიონმა" მეხუთე ადგილი დაიკავა