- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჩოგბურთი
10 ყველაზე საშინელი შემთხვევა ფორმულა 1-ის ისტორიაში
<p>დიდი ცირკის საშინელი მხარე - "ლელომ" ფორმულა 1-ის ისტორიაში ყველაზე მძიმე ავარიები გაიხსენა</p><p><br> სამი წლის წინ, იაპონიის გრანპრიზე ჟიულ ბიანკის დაღუპვა - ბოლო სასიკვდილო შემთხვევაა "სამეფო რბოლებში".</p><p>"ლელომ" გადაწყვიტა გაიხსენოს ფორმულა 1-ის ისტორიაში ყველაზე მძიმე ავარიები, რომლებსაც ფატალური შედეგები მოჰყვა ან დაზარალებული პილოტი სასწაულებრივ გადაურჩა სიკვდილს.</p><p>და ეს სია სულაც არ არის სრულყოფილი - აქ მხოლოდ 10 ყველაზე საშინელი შემთხვევაა მოყვანილი. და კარგია, რომ დღეს, ასეთი ინციდენტები ფორმულა 1-ში ძალიან დიდი იშვიათობა გახდა.</p><p><p><div style="text-align: center;"><strong style="font-size: 12.16px;"><span style="color: #ff0000;">ლორენცო ბანდინი, მონაკოს გრანპრი, 1967 წელი</span></strong></div></p> ეს მოხდა 82-ე წრეზე, როცა ბანდინი მეორე ადგილზე იყო დენი ჰიულმის უკან. მისი "ფერარი" ვერ შევიდა მოსახვევში, უკანა მარცხენა საბურავი ბარიერს გამოსდო და მანქანა განათების ბოძს შეასკდა. დარტყმისგან დაზიანდა საწვავის ავზი, მანქანა გადატრიალდა და ცეცხლი წაეკიდა. ხანძარს ოთხი წუთის განმავლობაში აქრობდნენ და მთელი ამ დროის განმავლობაში ბანდინი ბოლიდში რჩებოდა.</p><p>საწვავის ავზი აფეთქდა, რამაც კიდევ უფრო გაართულა გადარჩენის ოპერაცია. როგორც კი პილოტის ბოლიდიდან ამოყვანა მოხერხდა, ის კიდევ 15 წუთი იწვა ტრასის მიღმა, სანამ იქ სასწრაფო დახმარების მანქანა არ მივიდა. ჰოსპიტალში დასვეს დიაგნოზი - სხეულის 70 პროცენტის პირველი ხარისხის დამწვრობა, ნეკნების მოტეხილობა და მკერდის არეში დაზიანება. ლორენცო ლიონში დამწვრობის სპეციალიზირებულ კლინიკაში ავარიიდან სამი დღის შემდეგ გარდაიცვალა.</p><p><p><div style="text-align: center;"><strong style="font-size: 12.16px;"><span style="color: #ff0000;">ნიკი ლაუდა, გერმანიის გრანპრი, 1976 წელი, ნიურბურგრინგი</span></strong></div></p> რბოლის მეორე წრეზე ავსტრიელის "ფერარი" მოწყდა ტრასას, დაეჯახა ბარიერს და ტრეკზე დაბრუნდა, იქ კი უკან მოძრავ ბრეტ ლუნგერს შეასკდა. ორივე ბოლიდი დაიწვა. ლუნგერმა თავად შეძლო მანქანიდან ამოსვლა, ლაუდა კი გაიჭედა. ლუნგერი და ტრასაზე დარჩენილი არტურო მერცარიო და გაი ედვარდსი ცდილობდნენ კოლეგის აალებული მანქანიდან ამოყვანას, რაც სწრაფად არ გამოუვიდათ.</p><p>შედეგად, თავისა და სახის ძლიერი დამწვრობისა და მხუთავი აირისგან მოწამვლის გამო ლაუდა კომაში ჩავარდა და ექიმებს ეჭვი ეპარებოდათ, რომ გადარჩებოდა. მაგრამ ლაუდა გადარჩა, ავარიიდან ექვსი კვირის შემდეგ რბოლებში დაბრუნდა და წააგო საჩემპიონო ტიტული ჯეიმს ჰანტთან სულ რაღაც ერთი ქულის სხვაობით.</p><p><p><div style="text-align: center;"><strong style="font-size: 12.16px;"><span style="color: #ff0000;">ტომ პრაისი, სამხრეთ აფრიკის გრანპრი, 1977 წელი. კიალამი</span></strong></div></p> 21-ე წრეზე აალდა რენცო ძორძის "შედოუ" და მარშლებმა ხანძრის ჩაქრობა დაიწყეს. ერთ-ერთი მათგანი, 19 წლის ფრედრიკ იანსენ ვან ვუურენი საათში 270 კილომეტრი სიჩქარით მოძრავმა პრაისის "შედოუმ"გაიტანა. ვან ვუურინენი ადგილზე დაიღუპა, ხოლო მისი ხელიდან გავარდნილი ცეცხლმაქრობი პრაისს სახეში მოხვდა და პრაქტიკულად თავი წააცალა პილოტს.</p><p><p><div style="text-align: center;"><strong style="font-size: 12.16px;"><span style="color: #ff0000;">ჟილ ვილნევი, ბელგიის გრანპრი, 1982 წელი, ზოლდერი</span></strong></div></p> კვალიფიკაციის დროს ვილნევმა არააქტიურ წრეზე არ დააგდო სიჩქარე და შეეხო ტრასაზე ნელა მოძრავ იოხენ მასას მანქანას. "მარჩის" უკანა საბურავთან კონტაქტით "ფერარი" ჰაერში ავარდა, ამობრუნდა და ცხვირით ჩაესო ასფალტში. დარტყმა ისეთი ძალისა იყო, რომ ვილნევს ჩაფხუტი მოძვრა, თავად პილოტი ბოლიდიდან ამოვარდა და ტრასაზე დაეცა. ქარიზმატული კანადელი რამდენიმე საათის შემდეგ ხერხემლისა და თავის ქალის ტრავმებით გარდაიცვალა.</p><p><p><div style="text-align: center;"><strong style="font-size: 12.16px;"><span style="color: #ff0000;">რიკარდო პალეტი, კანადის გრანპრი, 1982 წელი, მონრეალი</span></strong></div></p> სტარტის მომენტში ჩაქვრა ძრავა დიდიე პირონის "ფერარიზე". მისთვის გვერდის ავლა სცადა რაულ ბოეზელმა, მაგრამ უკანა ანტიფრთას მოედო, მისი მანქანა დატრიალდა და დაეჯახა ელესეო სალასარსა და იოხენ მასას. მიუხედავად ამისა, მათ შეძლეს გაჩერებული "ფერარისთვის" გვერდის ავლა, მაგრამ ამ ქაოსში პირონის მანქანას უკნიდან საათში 180 კილომეტრი სიჩქარით მოძრავი "ოზელი" შეეჯახა, რომელსაც 23 წლის პალეტი მართავდა.</p><p>პილოტი უმოძრაოდ იყო ბოლიდში, რომელსაც ცეცხლი გაუჩნდა. პირონი და ავტოსპორტის საერთაშორისო ფედერაციის მედსამსახურის შეფი სიდ უოტკინსი შეეცადნენ რიკარდოს მანქანიდან ამოყვანას, მაგრამ ძრავა აფეთქდა. ხანძარი პირონიმ ჩააქრო, პალეტი გაჭირვებით ამოიყვანეს ბოლიდიდან, მაგრამ ის ჰოსპიტალში მიყვანამდე გარდაიცვალა - გულმკერდის არეში მიღებული ტრავმებით.</p><p><p><div style="text-align: center;"><strong style="font-size: 12.16px;"><span style="color: #ff0000;">გერჰარდ ბერგერი, სან მარინოს გრანპრი, 1989 წელი, იმოლა</span></strong></div></p> რბოლის დასაწყისში "ტამბურელოს" ლეგენდარულ მოსახვევში ბერგერის "ფერარიმ" დაკარგა მართვა და 320 კმ/სთ სიჩქარით ბეტონის კედელს შეეჯახა. პირთამდე ავსებული საწვავის ავზი მაშინვე აალდა, ხანძარი დაახლოებით ნახევარი წუთი მძვინძარებდა, სანამ ის ცეცხლმაქრობებით არ უვნებელყვეს. მთელი ამ დროის განმავლობაში ავსტრიელი ცეცხლმოდებულ ბოლიდში იმყოფებოდა. რაღაც სასწაულით ბერგერი მხოლოდ უმნიშვნელობა დამწვრობითა და ჭრილობებით გადარჩა.</p><p><p><div style="text-align: center;"><strong style="font-size: 12.16px;"><span style="color: #ff0000;">მარტინ დონელი, ესპანეთის გრანპრი, 1990 წელი, ხერესი</span></strong></div></p> დონელმა გრძელ და ჩქაროსნულ მოსახვევში საათში 250 კილომეტრი სიჩქარით მოძრავ "ლოტუსზე" კონტროლი დაკარგა და ბარიერს შეეჯახა. ძარა მთლიანად დაიმსხვა, მანქანა ფაქტობრივად ორ ნაწილად გაიყო, პილოტი კი თავის სავარძლიანად ტრასაზე გადავარდა. ავარიის შედეგად მარტინს ორივე ფეხის მრავალრიცხოვანი მოტეხილობა ჰქონდა, დაუზიანდა ფილტვები და თავის ტვინი. უკვე საავადმყოფოში აღმოაჩინეს თირკმლის დაზიანება, რის გამოც პილოტი რამდენიმე კვირა შეერთებული იყო დიალიზის აპარატზე. ექიმების მონდომებით დონელი გადარჩა.</p><p><p><div style="text-align: center;"><strong style="font-size: 12.16px;"><span style="color: #ff0000;">სან მარინოს გრანპრი, 1994 წელი, იმოლა</span></strong></div></p> ეს სამი ავარია, რომელმაც შეცვალა უსაფრთხოების სიტუაცია ფორმულა 1-ში, სამი დღის განმავლობაში მოხდა ენცო და დინო ფერარის სახელობის ტრასაზე. თავდაპირველად, პარასკევის ვარჯიშზე ერთ-ერთ მოსახვევში ჰაერში აიჭრა რუბენს ბარიკელოს "ჯორდანი", ამოტრიალდა და უკუღმა დაეცა ბარიერზე. როცა პილოტი ბოლიდიდან ამოიყვანეს, ის უგონო მდგომარეობაში იყო, მაგრამ გატეხილი ცხვირით, ხელითა და რამდენიმე ტრავმით გადარჩა.</p><p>კვალიფიკაციაზე როლანდ რატცენბერგერის "სიმტეკს" "აკვა მინერალეს" მოსახვევში წინა ანტიფრთა დაუზიანდა. მომდევნო წრეზე 320 კმ/სთ სიჩქარისას ფრთა ბოლიდს მოძვრა და მანქანა ბარიერს შეეჯახა. რატცენბერგერი თავის მრავალრიცხოვანი ტრავმებითა და ფუძის მოტეხილობით რამდენიმე საათში გარდაიცვალა.</p><p>კვირას, პირველ მაისს კი რბოლის დროს "ტამბურელოს" მოსახვევში მოხვდა ავარია, რომელმაც მოგვიანებით ბევრი პილოტი გადაარჩინა დაღუპვას. "უილიამსის" პილოტი აირტონ სენა საათში 350 კილომეტრი სიჩქარით მოძრაობდა, როცა მართვა დაკარგა და ბეტონის კედელს შეეჯახა. დიადი ბრაზილიელის ავარიისა და დაღუპვის მიზეზები დღემდე ბოლომდე არ არის გარკვეული. ოფიციალური ვერსიით, სენა იმის გამო დაიღუპა, რომ დაკიდების ბერკეტის ნაწილმა ჩახუტში გაიარა და თავის ტვინში შევიდა.</p><p>როგორ ცინიკურადაც არ უნდა ჟღერდეს, 19 წლის წინ, იმოლაში მხოლოდ როლანდ რატცენბერგერი რომ დაღუპულიყო, ეს დიდად არ იმოქმედებდა ფორმულა 1-ში უსაფრთხოების საკითხზე. თავისი სიკვდილით ბრაზილიელმა ჯადოქარმა სამუდამოდ შეცვალა "დიდი ცირკის" სამყარო.</p><p><p><div style="text-align: center;"><strong style="font-size: 12.16px;"><span style="color: #ff0000;">მიკა ჰაკინენი, ავსტრალიის გრანპრი, 1995 წელი, ადელაიდა</span></strong></div></p> სწორედ სენას ავარიამ იხსნა მსოფლიოს მომავალი ორგზის ჩემპიონის სიცოცხლე. ჰაკინენის "მაკლარენი" საბურავის მწყობრიდან გამოსვლის გამო დიდი სიჩქარით შეეჯახა ბარიერს. მიკამ თავის ქალის მრავალრიცხოვანი დაზიანებები მიიღო, იყო ტვინში სისხლჩაქცევა და ფინელმა ენაც გადაყლაპა. და მხოლოდ პროფესორ სიდ უოტკინსის პროფესიულმა და რისკიანმა მოქმედებამ გადაარჩინა ჰაკინენი. მან პირდაპირ ბოლიდში ჩაატარა ტრაქეოკრიკოტომია, რათა პილოტს ჟანგბადი მიწოდებოდა. რამდენიმე დღე მიკამ კომაში გაატარა, შემდეგ რბოლებში დაბრუნდა და ორჯერ მოიგო ტიტული.</p><p><p><div style="text-align: center;"><strong style="font-size: 12.16px;"><span style="color: #ff0000;">როჯერ უილიამსონი, ჰოლანდიის გრანპრი, 1973 წელი, ზანდვორტი</span></strong></div></p> მერვე წრეზე "მარჩის" მანქანაზე მწყობრიდან გამოვიდა საბურავი და ბოლიდი საათში 300 კილომეტრი სიჩქარით შეეჯახა ბარიერს, რომელმაც გადაბრუნებული მანქანა ტრასაზე დააბრუნა.</p><p>"მარჩი" აალდა. უილიამსი ბოლიდში გაეჩხირა. ერთ-ერთი პილოტი დეივ პიორლი გაჩერდა და კოლეგისთვის დახმარების გაწევა გადაწყვიტა - ცდილობდა აალებული მანქანის გადაბრუნებას. ცეცხლმაქრობებით შეარაღებული მარშლები საწვავის ავზის აფეთქების შიშით, მოშორებით იდგნენ და არც კი ცდილობდნენ დახმარებას. პიორლის დასახმარებლად ტრიბუნებიდან მაყურებლები ჩამოვიდნენ, მაგრამ მარშლებმა მათი ტრასიდან განდევნა დაიწყეს.</p><p>მთელი ამ დროის განმავლობაში უილიამსონი ცოცხალი იყო და მარტო მებრძოლ პიორლს ესმოდა პილოტის განწირული ყვირილი. მაგრამ მალე უილიამსონის ხმა შეწყდა. ის დაიღუპა არა ტრავმებისგან ან დამწვრობისგან, არამედ ასფიქსიისგან.</p><p><strong>ყოველდღიური სპორტული გაზეთი "ლელო"</strong></p>
წარმოუდგენელი პატივი - ანტონიო ბანდერასმა ილია თოფურიას პირდაპირ ეთერში უმღერა [VIDEO]
“გავედი ოთახში, არჩევნებიდან რამდენიმე საათში რეკავს ტელეფონი და სააკაშვილი მეუბნება…” - ნემსაძემ სფფ-ის პრეზიდენტობის სკანდალური არჩევნები გაიხსენა
სილქნეტის აქცია: თემატური სპორტული პაკეტები დამატებითი გადასახადის გარეშე
20 წ. | მსოფლიომდე ინგლისთან
თოფურია vs ოლივეირა: დიდ დაპირისპირებამდე – წინასწარი ანალიზი და მოლოდინები
"მათ კომპლექსები არ გააჩნიათ" - ლაპორტა "ბარსელონას" ფეხბურთელებზე
დღეს საფრანგეთის ჩემპიონატი დასრულდება - ხვიჩას ოქრო და სხვა ქართველების ამბები...
[VIDEO] ბრწყინვალე იამალის გოლი და საგოლე პასი - "ბარსელონა" ვადამდე გახდა ჩემპიონი
[VIDEO] უმძიმესი კადრები "ელ პრატიდან" - "ესპანიოლი" "ბარსელონას" მატჩი რამდენიმე წუთით შეჩერდა
ლეგენდა მიდის - "ლიონის" მთავარი თავდამსხმელი მიქაუტაძე გახდება
ევროპის ჩემპიონატზე საქართველოს ნაკრების მეტოქეები ცნობილია
Ballon d'Or 2025: კვარაცხელია რეიტინგში კიდევ უფრო დაწინაურდა
მოურინიოს პორტუგალიის ნაკრების მწვრთნელად არ დანიშნავენ
მარადიშვილი საქართველოს ნაკრების ფეხბურთელი უნდა გამხდარიყო, ახლა კი შეიძლება კარიერის დასრულება მოუწიოს
"ესპანელი ბიჭუნა ხარ" - მახაჩევმა თოფურიას მიმართა
პსჟ გოლების მანქანის შეძენას გეგმავს
"რეალისთვის" ყველაფერი გავაკეთე" - კარლო ანჩელოტი
სუპერლიგის ფინალურ სერიაში "ქუთაისი" და თსუ შეერკინებიან
ფეხბურთელი, რომელმაც კვარასთან ერთად სკუდეტო მოიგო, სერია C-ში ითამაშებს
"დე ბრუინს "ნაპოლის" შესახებ ეს უთხრეს" - ცნობილმა იტალიელმა ჟურნალისტმა ბელგიელზე ისაუბრა
"ქართული ფეხბურთის ხარისხი იზრდება და ეს შთაგონება სხვა პატარა ქვეყნებისთვისაცაა" - სავიოლა ლეგენდების მატჩის წინ
"იცით, "ალავესის" ფეხბურთელმა რა მითხრა?" - მამარდაშვილი
უარი "ლივერპულს" და "ჩელსის" - ალონსოს ინიციატივით "რეალმა" პირველი ტრანსფერი შეათანხმა
20 ᓬᓔᕚᕘᕐ ᓯᕐᓓᕝᓥᕐᓠᓘ ᓐᓦᓐᕠ ᓐᓠᕡᕔᕑᓝᓑᕡ - ᓐᓘᕠᓢᓝᕜ ᓡ
ფორმულა 1: პირველი მსხვერპლი სენას შემდეგ
ზუსტად 20 წლის წინ: მიხაილ შუმახერი დაბრუნდა, თანაგუნდელს ჩემპიონობა დააკარგვინა და საუკეთესო გახდა
ფორმულა 1-ის საგაისო კალენდარში ავსტრიის გრანპრი იქნება
ლეგენდარული ნიკი ლაუდა ფორმულა 1-ის პროგრესით აღფრთოვანებულია
ფორმულა 1: "დიდი ცირკი" ყოველთვის სახიფათო იყო
ფორმულა 1. მიკა ჰაკინენი და ოპერა
მუდმივი დავა: სებასტიან ფეტელი უფრო მაგარია, თუ მანქანა?
ფორმულა 1. იაპონიის გრან-პრის წინ: შარშანდელი არ უნდა განმეორდეს
ფორმულა 1: ასე იბრძოდნენ თანაგუნდელები
ფორმულა 1: თასები მანქანის რეცხვის სანაცვლოდ
ფორმულა 1: სეზონის რესტარტი ბარსელონაში
ფორმულა 1-ის ტრაგიკული ამბავი - ნიჭიერი ჟიულ ბიანკის გარდაცვალება და მისი მეოცნებე ნათლულის მისია - ჩემპიონობა ნათლიისთვის!
ფეტელი - წლის პილოტი, "რედ ბული" - წლის მანქანა
"ასაკის მატებასთან ერთად შენი პრიორიტეტებიც იცვლება" - ჰაკინენმა ჰამილტონზე ისაუბრა
ფორმულა 1-ის ლეგენდა ნიკი ლაუდა 70 წლის ასაკში გარდაიცვალა
იაპონიის გრან-პრიზე ავარიაში დაშავებული "მარუსიას" 25 წლის ჟიულ ბიანკი გარდაიცვალა
ფორმულა 1. ბელგიის გრანპრი: საინტერესო სტატისტიკა
ცუდი ხუმრობა: გერმანულმა ჟურნალმა მიხაელ შუმახერი ნიკი ლაუდას შეადარა
ჟიულ ბიანკი 9 თვეა, კომიდან ვერ გამოდის