[ოთხშაბათის საკითხავი] 5 წლის მერე... ანუ რამ (ვინ) შეჭამა ვენახი?!

ახლა უნდა დავწერო ის, რაც ალბათ ბევრს გაანაწყენებს, მაგრამ არც წაყრუება ივარგებს რუბრიკის პირველი წერილია ახალ წელს და ძალიან არ მინდა, მძიმე თემებზე ვწერო, მაგრამ ისიცაა, რომ თუ ჩვენს დღევანდელ მძიმე რეალობას მოვწყდებით, ჩვენი რუბრიკის და, ზოგადად, ნებისმიერი წერილის ფასი გახვრეტილი შაურიანისაც კი აღარ იქნება...საქართველოში ახლა სეზონთშორისი პერიოდია. ახალი წლის ამბები ჩაივლის და დადგება დრო, როცა ჩვენმა გუნდებმა უნდა გამოიღვიძონ. წესით, ეს უფრო ადრეც უნდა მომხდარიყო, მაგრამ ეს წერილი რომ იწერება, ახალი სეზონისთვის სამზადისი, თუ არ ვცდები, ჯერ მხოლოდ თბილისის "ლოკომოტივს" აქვს დაწყებული...ამას ეშველება, მაგრამ რა ეშველება იმას, რომ ჩვენში დიდად რეკლამირებული 10-გუნდიანი ჩემპიონატის წინ სერიოზული გაძლიერება რასაც ჰქვია, ვერც ერთი გუნდი ვერ ახერხებს. პირდაპირ ვთქვათ: თუ ეს არ მოხდა, დაახლოებით იმავე დონის პირველობა გვექნება, რაც ადრე იყო.ჩვენი ფეხბურთელები დღენიადაგ იმას ამბობენ - საქართველოს ჩემპიონატი კარგად რომ შეფუთო, სტადიონები მოაწესრიგო და გაანათო, საშუალო დონის პირველობამდე მივალთო, მაგრამ, რაღა დაგიმალოთ და, ამის ნაკლებად მჯერა. ევროთასებზე...ზოგადად, სტადიონებიც კარგია, განათებაც და, ასე თუ ისე, მაყურებელიც დადის თუნდაც ადრეულ ეტაპებზე, მაგრამ ვერ ვიტყვი, რომ იქ ჩვენი ფეხბურთელები მთებს აბრუნებენ...ამით იმის თქმა მსურს, რომ თუ ჩვენ გვინდა უკეთესი ჩემპიონატი, აღარ უნდა ვიტრიალოთ ერთ წრეზე და აღარ უნდა ვიყოთ იმ ფეხბურთელების იმედად, რომელთა თამაშსაც უკვე დიდი ხნის განმავლობაში ვუყურებთ.სატრანსფერო მიდი-მოდი თანდათან ხურდება. ახალი და განსაკუთრებული ისევ არაფერია: ვინ იცის, მერამდენე წრეზე მიდიან ძველი სახეები, მერამდენედ იცვლიან გუნდს, უბრუნდებიან ყოფილ კლუბებს ან პოულობენ ახალს...ფაქტია: იმავე შემსრულებლებით საქართველოს ჩემპიონატი იქნება ზუსტად იმავე დონის ტურნირი და უკეთესობის იმედი არ უნდა გვქონდეს. მაშ, რას ეწირება სახელმწიფოს მიერ გამოყოფილი სოლიდური თანხა?<div style="text-align: center;">* * *</div> მავანი გვეტყვის - ჯერ ინფრასტრუქტურა მოვაწესრიგოთ და მერე მივხედოთ სათამაშო დონესო. ამაში არის ლოგიკა და არც მოთმინება გვეშლება, მაგრამ თუ ამას ვუცადეთ, 5 წელი მარტო ჩვენი გაუბედურებული ინფრასტრუქტურის მოწესრიგებას დასჭირდება. 5 წელი გავა და ფეხბურთის განვითარების ეს პროგრამაც დაგვიკრავს თავს. 5 წლის მერე კაცმა არ იცის, რა ჭკუაზე იქნება სახელმწიფო და მოისურვებს თუ არა ისევ იმ მილიონების ხარჯვას, რომელმაც სასურველი შედეგი ვერ მოიტანა...ამიტომ პირდაპირ უნდა დავწეროთ: საქართველოს ჩემპიონატი უკეთესი უნდა იყოს არა მხოლოდ განათებით, ტრანსლაციებითა თუ მინდვრებით, არამედ სათამაშო დონით. არსებობს ამ დონის ამაღლების ორი გზა და კარგი იქნება, თუ ამ ორივე გზას კომბინირებულად გამოვიყენებთ, მაგრამ ერთ-ერთი აუცილებლად დაგვჭირდება.გზა პირველი: ჩამოვიყვანოთ კვალიფიციური ლეგიონერები, თუნდაც ისეთები, საქართველოს ჩემპიონატს ტრამპლინად რომ გამოიყენებენ. სწორი ძიების შემთხვევაში, ეს შესაძლებელია. დღემდე არ ვიცი, რატომ არ ითვისებენ ქართული კლუბები აფრიკულ ბაზარს. იქ უამრავი ტალანტია და, რაც მთავარია - ხელმისაწვდომ ფასად.ჩვენს კლუბებში შტატები ისედაც გაბერილია. იქ ბევრი ისეთი მუშაობს, არაფერს ან თითქმის არაფერს რომ არ აკეთებს და რა მოხდება, საფეხბურთო ალმასებითაც მდიდარ აფრიკაში რომ მიგვევლინებინა ვინმე? დიდი კლუბები იქ ტალანტებს ისრუტავენ, მაგრამ ჩვენთვის საკმარისი ყოველთვის დარჩება. მერე იმ ტალანტს გაზრდი და ორ-სამ წელიწადში კარგად გაყიდი.ბევრი ტალანტია ბრაზილიაში. ჩვენში ამბობენ, რა გვინდა იქ, ჩვენი პირობებით მხოლოდ პლაჟის ფეხბურთელებს თუ ჩამოვიყვანთო. არა, ბატონებო! ჩვენ გვახსოვს რამდენიმე მართლა კარგი ბრაზილიელი საქართველოს ჩემპიონატში. ფეხბურთელები, რომლებიც იქაური უმაღლესი ლიგის გუნდებში ვერ ხვდებიან, მისწრებასავით იქნებიან ჩვენი გუნდებისთვის.გზა მეორე: დავაბრუნოთ საქართველოს ჩემპიონატში ქართველი ლეგიონერები. მასობრივად ამის გაკეთება ძალიან რთული იქნება. ამ ხალხს მიაჩნია, რომ თუნდაც საშუალოზე დაბალი დონის ევროპულ გუნდში გადასვლით უკვე გადადგა ნაბიჯი წინ და ახლა აღარ უნდათ, რომ ორი ნაბიჯი უკან გადადგან. საქართველოს ჩემპიონატში დაბრუნება მათთვის უეჭველ რეგრესთან ასოცირდება.ჩემი პირადი აზრია: პირველი გზა უფრო რეალური ჩანს, ვიდრე მეორე, მაგრამ ფაქტია, რომ ორივეს ძალიან სჭირდება ფული და თუ ფული არ იქნება, ჩვენი ჩემპიონატის პროგრესის შესახებ შეთხზული თუ შესათხზველი მითები კეთილ ზღაპრად დარჩება.ფეხბურთის განვითარების სახელმწიფო პროგრამა რაც დაიწყო, ჩვენი კლუბების მესვეურები პირად საუბრებში ხშირად ჩივიან: პირდაპირ ბიუჯეტზე რომ ვიყავით მიბმულნი, მაშინ მეტი გვქონდაო.ერთი მხრივ, ეს გასაგებია, მაგრამ მეორე მხრივ, შენ ხელის განძრევა არ გინდა? ბევრს მართლა არ უნდა. სახელმწიფო გეუბნება, მე გეხმარები, შენ კი ხელი გაანძრიე, იპოვე სპონსორი და გვერდში დაგიდგებიო. ამაზე კარგი სიტყვა რთული საპოვნელია...რა ხდება რეალურად? ჯერ ერთი, ჭირს სპონსორის მოძებნა და თითო-ოროლა გამონათებას თუ არ ჩავთვლით, თავსაც არავინ იკლავს მაინცდამაინც. სხედან თავიანთ თბილ ადგილებზე და ხელის განძრევა არ უნდათ.ის ფული, რაც უნდა მოვიდეს, მინიმუმზე ცოტა მეტი, მაინც მოვა. დასახარჯი დაიხარჯება. გაკეთდება საქართველოს კვალობაზე საშუალო გუნდი და ჯიბეში ჩასადები ჯიბეში ჩაიდება. მერე, ვის სჭირდება ასეთი გუნდები და ასეთი ფეხბურთი?ჯერ ერთი, ინვესტორები ქართულ ფეხბურთში ფულის ჩადების სურვილით თავს არ იკლავენ და მეორეც - თუ გამოჩნდა ვინმე, კლუბში ძველი ხელმძღვანელები მათ მაინცდამაინც დიდი სიხარულით როდი ხვდებიან. ახალი ინვესტორის მოსვლა კლუბში საკადრო რყევებს ნიშნავს და ეს, სრულიად გასაგები მიზეზების გამო, დამხვდურებს არ ეპიტნავებათ.ამბობენ, ჩვენში რომ ფეხბურთის განვითარების პროგრამაა, დაახლოებით ისეთი იყო ბელორუსში და ჩვენ ახალი ველოსიპედი სულაც არ გამოგვიგონებიაო. როგორც უნდა იყოს, ამ პროგრამაზე მაინც ბევრია ნაფიქრი და ამას ვერავინ უარყოფს.ახლა უნდა დავწერო ის, რაც ალბათ ბევრს გაანაწყენებს, მაგრამ არც წაყრუება ივარგებს: სახელმწიფოს და ფეხბურთის ფედერაციის ადგილზე რომ ვიყო, დავაწესებდი კონკრეტულ ვადას და ვინც ამ ვადაში ვერ მოძებნიდა ინვესტორს, შევუწყვეტდი დაფინანსებას.აბა, სხვანაირად რა გამოდის? - სახელმწიფოს ფული კარგია, მაგრამ თუ ინვესტორები არ მოვიზიდეთ, გავა ეს 5 წელიწადი, ძალიან მალე გავა და ჩვენ ზუსტად ისეთივე ჩემპიონატი შეგვრჩება ხელთ, როგორიც დღეს გვაქვს. გვინდა ეს?ქართულ ფეხბურთში წლების განმავლობაში ჩამოყალიბდა კასტა, რომელსაც ძვალსა და რბილში გაუჯდა განცდა, რომ სწორედ ის უნდა იყოს კლუბის სათავეში. თითქოს, მათ ეს პატივი მემკვიდრეობით ერგოთ... ამასობაში ჩვენი ვენახი (ქართული ფეხბურთი) ჩანაგდება და ჩანაგდება. მას მხოლოდ კარგი მეურნე (სპონსორი) თუ უშველის და არა ისეთი ადამიანები, წელიწადში ერთხელ, ისიც მოვალეობის მოხდის მიზნით რომ გადიან ვენახში. მეორედაც გადიან, ოღონდ მხოლოდ იმიტომ, რომ მწირი მოსავალი აიღონ. თვითონ ხომ ეყოფათ და სხვას აღარ დაეძებენ.სამწუხაროდ, არის დღეს ხალხი ქართულ ფეხბურთში, რომლებიც მხოლოდ საკუთარ თავს ხედავენ იქ და არავის სხვას. მიაჩნიათ, რომ მთელი ცხოვრება უნდა იყვნენ იქ, სადაც არაერთი წლის განმავლობაში არიან...არადა, მათი გაკეთებული საქმეები უკვე კარგად ვნახეთ და ვერაფრით ვიტყვით, რომ ამ საქმეებმა ჩვენს ფეხბურთს ბევრი არგო. ახალი ხალხის, საქმეზე შეყვარებულის და პატიოსანი ხალხის მოსვლის დროა ჩვენს ფეხბურთში და თუ ეს ასე არ მოხდა, ჩვენი სახელმწიფოსა და ფედერაციის ერთობლივი პროექტიც ისე დალევს ჩაილურის წყალს, როგორც აქამდე არაერთ პროექტს დაულევია.ასე იყო მუდამ და ასე იქნება მანამ, სანამ მტკვარი აღმა არ დაიწყებს დინებას - კადრები ყოველთვის, ყველა დროში გადაწყვეტენ ყველაფერს და განწირულია ნებისმიერი მმართველი, ვისაც კადრები არ უვარგა.რამ (ვინ) შეჭამა ვენახი?მგონი, ამ კითხვაზე პასუხი გაცემულია!..(იბეჭდება მცირე ცვლილებით)ყოველდღიური სპორტული გაზეთი "ლელო"

TAMAZIKO

aleko icocxle da idgirgdzele megobaro.hen xar is adamiani vinc koveltvis simartlis mxares xar da hehmaritad guli hegtkiva.
Vep1963-ს

გულშემატკივართა აქტიურობა განსაზღვრავს ქვეყანაში ფეხბურთის დონეს. ისლანდიელი ხალხი და ისლანდიის პრეზიდენტი ამის კარგი მაგალითია. ვისწავლოთ გულშემატკივრობა!
dato

კერძო კლუბი რამდენია ის მაინტერესებს?
Vep1963

Giorgi- ბატონო მართალს ბრძანებთ,და ესეც ბუნებრივი მოვლენაა,მაგრამ მეც სწორედ მანდა ვარ.სწორედ ,რომ საფეხბურთო ახალი კადრების მომზადება იქნება ამ თანამდებობებს ჩსბღაუჭებული ხალხის ნელ ნელა მოცილების გარანტი,ვინაიდან ახალი ნასწავლ-მომზადებული ხალხი თანდათან და თანაც უმტკივნეულოდ დაიკავებენ უსწავლელი და უცოდინარი ხალხის ადგილს,ძველი კარიერისტები უბრალოდ იძულებულები იქნებიან ადგილები მცოდნეები დაუთმონ ,რადგან მათი შესაბამისი ცოდნა არ ექნებათ.ეს რაც შეეხება საფეხბურთო ტექნიკური კადრების მომზადებას. რაც შეეხება საფეხბურთო ინფრასტრუქტურის მოდერნიზაციას.სწორედ,რომ ამ ახალი ,მომზადებული კადრების სამუშაო იარაღი იქნება. ამ ყველაფრის გაკეთება კი მხოლოდ იმ პირობით იქნება შესაძლებელი თუ ქართველები რუსებთან ცხოვრებით და რუსების მიერ ქართველების უკეთ სამართავად ხელშეწყობის მენტალობას მოვიცილებთ.
vep1963

აგერ ბატონმა VOVAM-ისლანდიის მაგალითი მოიყვანა.ჰოდა ბატონო ეს მაგალითი გადმოვიტანოთ ზუსტად კადრების მომზადება და ინფრასტრუქტურის შექმნა და რამდენიმე წელიწადში საქმეც დაიძრება.
giorgi 1963

ვეპ 1963 გეთანხმები, რასაც ამბობ , მაგრამ არა მგონია შესაძლებელი იყოს უნიჭოების მოშორება ქართული ფეხბურთის სადავეებიდან, თითონ ხომ უტვინოები არიან და საქმის გამკეთებელსაც არ გააჭაჭანებენ თავიანთ გვერდით, ადგილების დაკარგვის შიშით!
vova

საქართველოში ფეხბურთი მოყვარულთა დონეზე უნდა ითამაშებოსეს და ყველა მსურვილი იხდიდეს თვითონ "გარტობაში" ფულს! 2 მილიონიან ქვეყანაში არ შეიძლება 30 პროფესიული გუნდი არსებობდეს! ისლანდიაში,სანმარინოში და 2-3 მილიონიან კვეყნებში მაგალითად ფეხბურთს მოყვარულები თამაშობენ
txa-ს

"დედალი"ძროხიდან გადმოაყენეს,რომ უფრო მეტი მოწველონ.
vep1963

ალეკო ბატონო-ქართული ფეხბრთი ისეთ ნეხვში ჩაფლო მასში მოტრიალე ხალხმა,რომ მარტო მის ფეხზე დაყენებას უნდა წლები და ფინანსები.იმდენი რამეა გასაკეთებელი ,რომ ყველაფერს ერთ კომენტარში ვერ ჩავტევ.მშვენივრად ვერკვევი საკითხში და ვიცი რაზეც ვწერ,ამიტომ თუ სურვილი გექნებათ კომენტარზე მიპასუხეთ ,მე ჩემს ტელეფონის ნომერს მოგაწვდით და ვისაუბროთ.ძირითადი კი ,უნდა დავიწყოთ კადრების მომზადებით და საფეხბურთო ინფრასტრუქტურების შექმნა მოდერნიზებით .სხვა რამიდან დაწყება ეს იქნება წყლის ნაყვა.
dave

სახელმწიფოს მხარდაჭერა ფეხბურთის მიმართ ნათელია და სავარაუდოდ ხუთი წლის მერეც განაგრძობს. მნიშვნელოვანა კერძო კლუბების წამოწევა, უკვე მიდინარე 10 გუნდიან ჩემპიონატში 5 კერძოა და იმედია მიმდიანრე წელს კიდევ რამოდენიმე მუნიციპალური კლუბი განკერძოვდება, ხოლო მუნიციპალიტეტი ინვესტორს შეუწყობს ხელს და დავუშვათ დაიტოვებს სტადიონს მფლობელობაში და ინვესტროთან ერთად დაეხმარება მის რეაბილიტაციასა და შენახვაში. კლუბების განკერძოვების შემდეგ ვერანაირად ვეღარ იქნება ის პრობელმა, რომელიც ზემოთ სტატიაშია ნახსნები "ქართულ ფეხბურთში წლების განმავლობაში ჩამოყალიბდა კასტა, რომელსაც ძვალსა და რბილში გაუჯდა განცდა, რომ სწორედ ის უნდა იყოს კლუბის სათავეში. თითქოს, მათ ეს პატივი მემკვიდრეობით ერგოთ..." და იმედი ამრთველობაში მოოიყვანენ იმ ხალხს ვისაც ექნება მეტი კომპეტენცია, ამბიცია და მარტო სახელმწიფოსგან მისარები ფულით არ დაკმაყოფილდება და იზრუნებენ კლუბის განვიტარებაზე დაწყებული საბავშვო სკოლით, აკადემიით დამთავრებული მთავარი კლუბით. მნიშვნელოვანია კლუბის მფლობელებმა მიავლინონ გუნდის დირექტორები სპეციალურ კურსებზე, რომლესაც მართავს უეფა, ფიფა, დაუმეგობრდნენ უცხოურ კლუბებს და მათაგან გადმოიღონ მართვის მოდელი. ბევრი რამის გაკეთება შეიძლება ამ ხუთ წელიწადში, რომელშიც სახელმწიფოს გამოცხადებული აქვს ფეხბურთის მხარდაჭერა. მოკლედ მთავარია მონდომება, ცოდნა და პატიოსნება :)
vaxo

სანამ ახალგაზრდულ ნაკრებში ნაცნობობით და მამიკოების ხათრით ათამაშებენ იქამდე ქართულ ფეხბურთს არაფერი ეშველება. ამის ბრწყინვალე მაგალითია 20 წლამდელთა ნაკრები ყიფომ როგორ დაშალა ავსაჯანას აწყობილი, როგორ შეყარა მამიკოების ბიჭები და შედეგი კი ვნახეთ. მკვდარს ფული ვერ უშველის. მთავარია ბავშვებს თამაშის ინტერესი არ დაუკარგოთ!!!
99999999999999999999999

ერთი ფეხბურთელი საქართველოდან 250 (ათას) დოლარად იყიდება და ქუთაისის სტადიონი 700(ათას)ლარად-კომენტარი ზედმეტია.
კახა ქირია

თავი და თავი მაინც კარგი სტადიონები მოგონია თუ არ გექნა ნორმალური სათამაშო მინდორი არც არავინ არ ჩამოვა და ვერც ადგილობრივი ვერ აამაღლებს კლასს.ისე ყველა რეგიონის გუბერნატორებს რო დავავალოთ თავის რეგიონში ერთი ნორმალური სტადიონი რა მოხდება?
TAMAZIKO

me mgoni dadga is dro roca qartul realobahi axali heqmnili gundebi unda gamohndes. torem dzvel brendebhi ise nepotizmi gamdzlavrebuli iq ucxos aravin heaxedebs.gtxovt ar damiblokot.
Irakli apkhaidze

ერთადერთი გზაა ინვესტიციების მოზიდვა და ამაში სახელმწიფომ ცოტა განსხვავებული როლი უნდა ითამაშოს: ბევრი რამე გაიყიდა და გაუკეთდა პრივატიზაცია საქართველოში, მაგრამ კიდე ბევრი რამეა გადასასვლელი კერძო ინვესტორის ხელში. დღეს საქარტველოში ფეხბურტი და მისი ინფრასტრუქტურა ისეთ დღეშია რომ ჩვენნაირი ფეხბურთზე გაგიჯებული კაცი თუ ჩადებს ამაშI ფულს, ამიტომ მსხვილი ობიექტების პრივატიზებას უნდა მიებას (შუქის და ნაგვის პრინციპით :)) ) საფეხბურთო ინვესტიცია, რომ პირველი ბიზნესის ხათრით მაინც მოჰკიდონ ხელი ფეხბურთს (ცხვარი დაკლეს და ქათამი ზედ მიაკლესო:)) ) ციცნცხალი ამბავია, სახელმწიფო აპირებს დღეისათვის არსებული სახელმწიფო აიპიების და შპს-ების პრივატიზებას, რაც ძალიან სარფიანი იქნება მომავალი მფლობელისთვის. დაავალდებულონ თითოეულს მინიმუმ ერთ კლუბში ინვესტირება (მბრძანებლურ ეკონომიკას ჰგავს, მარა მაინც...) სანამ ეს პროგრამა დასრულდება ყაზახეთისა და აზერბაიჯანის გუნდების ბიუჯეტი ყველა კლუბს ექნება
ქომაგი

გავა ეს ხუთი წელიც და ისევ ის დარდუბალა ჩემპიონატი შეგვრჩება ხელში. აღარც სახელმწიფო დააფინანსებს სავარაუდოდ ფეხბურთს და ისევ ერთწლიანი გუნდები შეგვრჩება. ბავშვთა ფეხბურთს უნდა მიხედონ პირველ რიგში. პირველი გზა მართლაც კარგია, მაგრამ ჩვენს საფეხბურთო ფუნქციონერებს სურთ რომ დანახარჯის გარეშე გააკეთონ კარგი გუნდი. ასე არაა... 15 წლამდე ნებისმიერ საფეხბურთო სკოლას აჯობებენ ქართველი ბავშვები, მაგრამ 2-3 წელში ისევ რომ ათამაშო იგივე გუნდებთან 10-0 წააგებენ, იმიტომ რომ გაზრდა არ ვიცით და გუნდები ვერ სთავაზობენ ამ ბავშვებს კარგ ხელფასებს. განვითარების საშუალება არ აქვთ.
haha

ახალ ღვინოს ძველ ტიკებში არავინ ასხამს. ამაში ვეთანხმები. აი ლეგიონერების დაბრუნებაში-არა. პირიქით, მეტი წავიდეს. ეს წინსვლის სტიმულია. ვეტერანებმა დაამთავრომ კარიერა აქ, მაგალითად იაშვილი იყოს.
fenstera

აი ძმაო სიმართლე
გია

ძალიან კარგი თაობები მოდიოდა საქართველოში და ეხლაც მოდის, სწორად გაზრდა არ ვიცით, დაანებონ მწვრთნელებმა მამიკოების ბიჭების და ძმაკაცის შვილების თამაში, ნუ დაუკარგავენ ნიჭიერ ბავშვებს თამაშის ხალისს, გულს ნუ აუცრუებენ რაც უკვე წლებია ქართულ ფეხბურთშია და თუ არ გვეყოლება კარგი ფეხბურთელები მაგასაც ნახავთ, ყველაზე მწვავე პრობლემა მე მგონია ეს იყო და ესაა ისევ....
txa

თხას სურათზე თხას ოთხი ძუძუ რატომ აქვს?
kote

მალადეც ალეკო!

როგორია ნაკრები ხვიჩას და ლიდერების გარეშე და რა დავინახეთ სექტემბრისთვის?

"საქართველოში ამით ძალიან გაკვირვებული დავრჩი" - "გაგრას" ბელარუსი მეკარე

მეორე წრე დასრულდა: გოლი მე-20 წამზე და სხვა ამბები

ამაზე უარის თქმა რთული იქნება - "ფენერბაჰჩემ" სანეს ზღაპრული შეთავაზება გაუკეთა

"ტოტენჰემმა" პოსტეკოგლუ დაითხოვა და მის შემცვლელთან მოლაპარაკებებს უკვე აწარმოებს

ისტორიული ოქრო პარაკაიაკის ევროპის ჩემპიონატზე

კიმი შეიძლება იტალიაში დაბრუნდეს

ანშლაგი ქუთაისში - საქართველო - კაბო-ვერდე | 7 ივნისის განრიგი

ევრობასკეტისთვის მოსამზადებელ პერიოდში საქართველოს ნაკრები 6 ამხანაგურ მატჩს გამართავს

საქართველოს რაგბის ეროვნული ნაკრები, სულ რაღაც, ერთ თვეში თბილისში ირლანდიის ნაკრებს ხვდება!

"ვერ ვხვდები, ჩემგან უპატივცემულობა სად დაინახა" - სპალეტიმ აჩერბის უპასუხა

"მბაპე ცენტრფორვარდია და ამ პოზიციაზე თამაშს გააგრძელებს" - დეშამი ესპანეთთან მარცხის შემდეგ

უარი "ალ ჰილალს" - ოსიმენისთვის ბრძოლაში ახალი კლუბი ჩაერთო

"მესი თუ რონალდო?" - იგუაინმა უცნაური არჩევანი გააკეთა

[VIDEO] ჰალიბარტონის და "ინდიანას" მორიგი სასწაული - "ოკლაჰომა" სუპერფინალის პირველ მატჩში დამარცხდა

შენგელიას ლიდერობით "ვირტუსმა" მილანში იმარჯვა და სერია A-ს ფინალამდე 1 მოგება აშორებს

ნიონში გოგონათა ასაკობრივი გუნდების წილისყრა შედგა

კაპაძის ხელმძღვანელობით - უზბეკეთი პირველად გავიდა მსოფლიოს ჩემპიონატზე

[VIDEO] 5:4 - ესპანეთმა საფრანგეთს მოუგო და ფინალში გავიდა

სანიოლი: საუკეთესო ლობჟანიძე გახლდათ - მეორე ტაიმში მეტი ემოცია და ნაკლები მონდომება იყო

ფარერების მწვრთნელი: დასანანია, ფრეს რომ ვერ გამოვრჩით

[VIDEO] ლორიას ბოლო და 16 წლის ხარებაშვილის პირველი მატჩი - საქართველოს ნაკრებმა ფარერებს მოკრძალებული ანგარიშით მოუგო

[ოთხშაბათის საკითხავი] ლუკას ამბავი

[ოთხშაბათის საკითხავი] ოქრის დაბრუნება

[ოთხშაბათის საკითხავი] ხომ არ ვჩქარობთ?

[ოთხშაბათის საკითხავი] რომ არ ვიყოთ მხოლოდ ლანდი...

სფფ: 94 საფეხბურთო სკოლა 1 620 000 ლარით დაფინანსდება

[ოთხშაბათის საკითხავი] ვისია ეს სია? რბილად რომ ვთქვათ, უცნაურია...

"საქართველოში ბევრი გვთხოვს, უცხოური კლუბი ვუპოვოთ, სადაც 2000 დოლარი მაინც იქნება ხელფასი"

მოშივდებათ ბიჭებს, აბა, რა იქნება?! - ვინ რამდენი მიიღო ეროვნულ ლიგაში?

"წელს ფონდმა კლუბებს ფულის ხარჯვაში თავისუფლება მისცა, 2017-დან კი ასე აღარ იქნება!"

[ოთხშაბათის საკითხავი] ჩვენი ბიჭობის ამბავი

51..9% ხელფასებში - რაში დაიხარჯა 2019 წელს ფეხბურთის განვითარების ფონდის ფული?

შესაძლოა, არც შემცირდეს... რას უპირებს სახელმწიფო ფეხბურთის განვითარების ფონდს?