20 წ. | გახურებას საფრანგეთთან "ავჭალაზე" ვიწყებთ

ხვალ შუადღისას "უმცროსი ბორჯღალოსნები" 2024 წლის მსოფლიო რაგბის 20-წლამდელთა ჩემპიონატისთვის მზადების ეგიდით პირველ თამაშს გამართავს.

ისინი 4 მაისს, 16 საათზე, თბილისში, "ავჭალაზე", მოქმედ ჩემპიონ (და ბოლო სამი ჩემპიონატის გამარჯვებულს) საფრანგეთს დაუპირისპირდებიან. აღსანიშნავია, რომ "უმცროს ლე ბლესთან" მოსამზადებელ ეტაპზე აქამდეც გვითამაშია, მაგრამ ყველა ჯერზე სტუმრად, თბილისში კი ამხანაგური მატჩის გასამართად პირველად ჩამოვიდა.

ერთხელ 2017 წელს, საქართველოში გამართულ ჩემპიონატში "უმცროსი ბორჯღალოსნები" 20-წლამდელებს საფრანგეთს ჯგუფურ ეტაპზე შეხვდა და მაშინ სტუმრებმა 54:0 გაიმარჯვეს.

რადგან მომავალი თამაში მოსამზადებელი ხასიათისაა და მწვრთნელებს საქმეში რაც შეიძლება მეტი კანდიდატის ხილვა სურთ, შეთანხმების საფუძველზე, "უმცროსი ბორჯღალოსნების" განაცხადში 37 მოთამაშე იქნება. მათგან 8 ლეგიონერია, დანარჩენები კი ქართულ კლუბებს წარმოადგენენ. 24 მოთამაშე იქნება საფრანგეთის განაცხადში.

დასწრება თავისუფალია!

20-წლამდელთა ამხანაგური მატჩი

4 მაისი. თბილისი. ავჭალა. 16:00

საქართველო – საფრანგეთი

საქართველო

ხაზი: 15. გიორგი ბოლქვაძე (ლელო), 14. სანდრო დარძულიძე (ლელო), 13. ლუკა კობაური (ლეუკატე), 12. ნუგზარ ქევხიშვილი (ლელო), 11. ზურა ნინიძე (ბათუმი), 10. ზურა ფირცხალაიშვილი (ბათუმი), 9. ალექსანდრე ჯიღაური (ლელო);

შერკინება: 1. ლუკა უნგიაძე (ნევერი), 2. თამაზ ჭამიაშვილი (ხარები), 3. დავით მჭედლიძე (ტულონი), 4. დავით ლაგვილავა (გრენობლი), 5. მურთაზ ცხადაძე (არესი), 6. თორნიკე ღანიაშვილი (ლელო), 7. ანდრო დვალი (ლელო), 8. გიორგი გერგედავა (კლერმონი).