ვსა-მ "ქუთაისი" დაამარცხა და თსუ ერთპიროვნულად გალიდერდა | "მარგვეთმა" რუსთავში იმარჯვა

სუპერლიგის მე-9 ტური 2 დაძაბული და საინტერესო მატჩით დასრულდა, რის შემდეგაც ერთპიროვნული ლიდერი გამოიკვეთა. თსუ და ქუთაისი აქამდე თითქმის თანაბრად მოდიოდნენ, თუმცა მე-9 ტურში იმერულმა კლუბმა წაიფორხილა. გუშინ თსუ-მ თავისი მატჩი კსუ-კავკასიასთან მოიგო და პირველ ადგილზე გადავიდა. ქუთაისი დღეს თამაშობდა და მოგების შემთხვევაში თსუ-ს კვლავ გაუთანაბრდებოდა, თუმცა…   საკალათბურთო კლუბმა “ვსა-ბასკეტბოლმა” საკუთარ თავს აჯობა, წინა ტურში რუსთავთან 21-ქულიანი მარცხის შემდეგ მობილიზება მოახდინა და მოქმედ ჩემპიონსა და ცხრილში 1 წაგების მქონე ქუთაისს სძლია. შეხვედრა ზესტაფონში გაიმართა, რისი მიზეზიც ქუთაისის სპორტის სასახლის რეკონსტრუქცია გახლავთ. ვსა-მ თითქმის უიმედო მატჩი შემოუტრიალა ქუთაისელებს. შეხვედრის დასრულებამდე 3:30 წუთით ადრე მასპინძლები 8 ქულით დაწინაურდნენ: მარქუს გილსონის ორქულიანის შემდეგ ანგარიში 87:79 გახდა.   ვსა-მ მოახერხა დარჩენილ დროში თამაშის გადარჩენა. ლუკა კალატოზიშვილის და ანზორ ნადირაძის ქულებს ლუკა ლიკლიკაძემაც შედეგიანი გარღვევა მიაყოლა და ძირითდი დროის დასრულებამდე 30 წამით ადრე წინ ვსა გავიდა 88:87. დარჩენილ დროში ქუთაისმა ლიდერობა დაიბრუნა, თუმცა ნადირაძემ გამთანაბრებელი ბოლო წამებზე ჩააგდო და ძირითადი დრო ფრედ – 90:90 დასრულდა.   დამატებით დროში მნიშვნელოვანი იყო ვატო გაჩეჩილაძის სამქულიანი, რომელმაც ვსა 100:97 დააწინაურა. ქუთაისელებმა მაინც მოახერხეს გათანაბრება, თუმცა ვსა-ს ბოლო შეტევა დარჩა. შეტევისთვის განკუთვნილი 23 წამიდან 20 ბურთის გათამაშებაში გალიეს და დემარი კინგმა დასრულებამდე 3 წამით ადრე გამარჯვების ორქულიანი ჩააგდო – 102:100.    გამარჯვებულთაგან საუკეთესო შედეგი ჰქონდა ანზორ ნადირაძეს – 22 ქულა, 9 მოხსნა, 4 ჩაჭრა და 4 პასი. 24 ქულა დააგროვა დემარი კინგმა, ლუკა ლიკლიკაძის ანგარიშზე 17 ქულა და 8 პასი დაგროვდა. ქუთაისში 28 ქულით დეტრეკ ბრაუნინგი გამოირჩა. გიორგი სულაბერიძეს სამმაგ დუბლამდე 1 პასი დააკლდა – 15 ქულა, 11 მოხსნა, 9 პასი.    მეორე მატჩი რუსთავში გაიმართა. ქვემო ქართლს ზესტაფონის მარგვეთი ესტუმრა და დაძაბულ ბრძოლაში – 93:89 იმარჯვა. რუსთაველებმა წინა ტურში სტუმრად ვსა დაჯაბნეს (21 ქულით სძლიეს) და ცხადია, იმერული კლუბის დამარცხებასაც ეშურებოდნენ. გოგა ცეკვავას გაწვრთნილი გუნდი ახლოსაც იყო გამარჯვებასთან, მაგრამ ბოლო წუთზე, როცა მატჩის ბედი წყდებოდა, 2 საბედისწერო შეცდომა დაუშვა – მარგვეთმა ორჯერვე იხეირა, საჯარიმოები და ორქულიანი ჩააგდო და 4 ქულით გაიმარჯვა.   არადა, მეორე პერიოდში ზესტაფონი 20 ქულით იგებდა. სტუმრებს ყველაფერი გამოსდიოდათ, მასპინძლებს კი – არაფერი. თუმცა რუსთაველები მალევე გამოერკვნენ, თამაში დაალაგეს და ხანგრძლივი დევნის შემდეგ ბოლო მეოთხედში ქულითაც დაწინაურდნენ. ზესტაფონელთა სასახელოდ უნდა ითქვას, რომ არ გატყდნენ და ბოლომდე ბრძოლით გამარჯვებამდე მივიდნენ, რაშიც ლომის წილი მათ ლეგიონერებს – ჯეილენ ჰილს (24 ქულა), კრისტიან ჯონსს (22) და დიჯეი დევისს (17) მიუძღვით. რუსთავში გამოსარჩევია ვილი ისიანი, რომელმაც ცენტრის კვალობაზე ბევრი – 6 სამქულიანი ჩააგდო. ისიანის ანგარიშზე საბოლოოდ 23 ქულა და 10 მოხსნა დაგროვდა.   პირველი წრის დასრულებამდე დარჩენილია 1 ტური, რომელიც 27 და 28 დეკემბერს გაიმართება.   GBF.GE

ბათუმმა თსუ ფანტასტიკურ ფინალში დაამარცხა და საქართველოს ჩემპიონი გახდა!

"ბათუმის" გამარჯვება ქომაგების ოვაციების ფონზე და აჭარლები ჩემპიონობას მიუახლოვდნენ

"ბათუმმა" ფინალურ სერიაში ანგარიში გაათანაბრა და მოედნის უპირატესობა მოიპოვა

მუნდიალის აღმოჩენას, 40 წლის ვოზინიას ისტორიულმა კლუბმა კონტრაქტი შესთავაზა

მსოფლიო რაგბისა და ჩილეს რაგბის კავშირის განცხადება

18-წლამდე 7-კაცა - დიდი უპირატესობით ჯგუფურ ეტაპზე

"ორივე შეხვედრა ერთმანეთზე უფრო სამარცხვინო სანახავი იყო" - გულშემატკივართა გაერთიანებამ "ტორპედოს" ულტიმატუმი წაუყენა

20 წ. | ფიჯისთან დამწყებებში ექვსი ცვლილებაა

"ბორჯღალოსნები" | 21 წლის შემდეგ ჩილესთან - თითქმის უცვლელი შემადგენლობით

20-წლამდელთა ნაკრებისთვის ესტონეთთან შეხვედრა წარუმატებელი გამოდგა

კოულს არ მოსწონს, რომ ინგლისის ნაკრების მწვრთნელი გერმანელია

The Telegraph: ტუხელს უკან არ დაუხევია

შეთანხმება შედგა - "არსენალი" ბერძენ შემტევს 40 მილიონ ევროდ გაიფორმებს

[VIDEO] კაცნაკლული "დილა" "ვირტუსთან" დამარცხდა, თუმცა მეორე რაუნდში გავიდა

[VIDEO] სირცხვილი - "ტორპედო" "ზირასთან" სახლშიც განადგურდა

"ტუხელი გერმანიის ჯაშუშია?" - ინგლისში ნაკრების მწვრთნელით უკმაყოფილოები არიან

ცნობილი გახდა, როდის ჩადგება ჩაკვეტაძე მწყობრში

"იამალ, გვიხსენ რონალდოს ფანები მესის ჩემპიონობისა და კატასტროფისგან" - ამერიკელი მომღერალი

"თუ მუნდიალს მოვიგებთ, ტატუდ მის სახეს დავიხატავ" - კუკურელიამ პირობა დადო

"კლუბის ლეგენდად დარჩება" - იკარდი "გალათასარაიდან" წავიდა

ოდიოზური მორგანი არგენტინის გამარჯვებამ გააღიზიანა და ახლა ესპანეთის იმედადღაა

სალაჰი შეიძლება პრემიერლიგიდან არ წავიდეს

[VIDEO] ფეხბურთის "იმპერატორის" ახალი გეგმა მუნდიალთან დაკავშირებით - ჯანი ინფანტინოს მორიგი მოულოდნელი სვლა