<p>საქართველოს ეროვნული ჩემპიონატი. უმაღლესი ლიგა. XXVII ტური <br> საქართველოს ეროვნული ჩემპიონატის ერთ-ერთი ცენტრალური მატჩი მაყურებლების გარეშე ჩატარდა. არადა, ამ შეხვედრას მძლავრი და ხმაურიანი ქომაგობა აუცილებლად დაამშვენებდა. ორივე გუნდის გულშემატკივრებმა სტადიონის ტერიტორიაზე ისეთი ადგილების ძებნა დაიწყეს, საიდანაც თამაშის ცქერა, ასე თუ ისე, შესაძლებელი იქნებოდა...</p><p>სატურნირო მდგომარეობიდან გამომდინარე, ფრე არც ერთ გუნდს არ აძლევდა ხელს. საბოლოოდ, ისე გამოვიდა, რომ ორმა "დინამომ" გორის "დილას" საქმე გააკეთა.</p><p>ფეხბურთს არ უყვარს სიჩქარე. ფეხბურთში ყველაფერი ხდება, მაგრამ 99 პროცენტით "დილა" საქართველოს ჩემპიონია და ამას მნიშვნელოვნად შეუწყო ხელი სწორედ ქობულეთური მატჩის შედეგმა.</p><p>ორივე გუნდი წინა პლანზე აყენებდა შედეგს, მაგრამ მრავალნაცადი ჭეშმარიტებაა: თუ ასეთ შეხვედრებში ადგილ-ადგილ მაინც არ გარისკე, ისე სასურველ მიზანს ვერაფრით გამორჩები. აქ კი გუნდებმა მინიმუმამდე დაიყვანეს რისკი და, შესაბამისად, მიიღეს ნულები.</p><p>ამ შეხვედრას ბათუმელები მნიშვნელოვანი დანაკლისით შეხვდნენ. მხრის ტრავმის გამო მინდორზე გასვლა ვერ შეძლო საქართველოს ეროვნული ნაკრების მეკარე მიხეილ ალავიძემ. აქვე უნდა ითქვას, რომ მის შემცვლელ შოთა მამინაშვილს თავი არ შეურცხვენია.</p><p>ყველაზე ამოდ საცქერი მატჩის დასაწყისი იყო. გუნდები აქტიურობდნენ. სტუმარმა მეტოქეზე პირველი მიძალება სამი კუთხურით დააგვირგვინა, მასპინძლები კი ორჯერ დაემუქრნენ ნიკა დაუშვილის კარს.</p><p>ჯერ იყო და, დიმიტრი ტატანაშვილმა ითამაშა დასწრებაზე, თუმცა მის დარტყმულს სიზუსტე დააკლდა; მერე კი გელა გოგიტიძემ მძლავრი თავურით სცადა თბილისელთა კარის აღება, თუმცა - უშედეგოდ.</p><p>მწვავე იყო ოთარ კიტეიშვილის "გასროლაც". სტუმართა ცენტრალურმა ნახევარმცველმა დაახლოებით 25 მეტრიდან დაარტყა, თუმცა მამინაშვილმა შეძლო სიტუაციის განმუხტვა. ოთარს კიდევ ერთი შანსი ჰქონდა, მაგრამ ბათუმელთა კიპერმა ამჯერადაც კარგად ითამაშა.</p><p>საგოლე მომენტი რასაც ჰქვია, პირველად ის მე-18 წუთზე შეიქმნა. შეტევაში ჩართულმა ვაჟა ტაბატაძემ კარგი პასი გაუკეთა კიტეიშვილს, რომელიც მშვენივრად გაერკვა სიტუაციაში და დაარტყა კიდეც, თუმცა ამ ეპიზოდშიც მამინაშვილი გამოვიდა გამარჯვებული.</p><p>მალევე, აქტიურად მოთამაშე ტაბატაძემ ტრავმა მიიღო. კახა გოგიჩაიშვილი იძულებული გახდა, მარჯვენაფლანგელი მცველი შეეცვალა და მის ნაცვლად თამაშში ოთარ კაკაბაძე ჩაერთო.</p><p>33-ე წუთზე გოგიტიძემ შორი მანძილიდან მოსინჯა დაუშვილის მზადყოფნა - თბილისის "დინამოს" ახალგაზრდა მეკარე "მოსაკითხს" იოლად გაუმკლავდა. შემდეგი მომენტი ისევ ბათუმელებისა იყო. ვალერიან თევდორაძემ ჯარიმიდან ძლიერად დაარტყა, ბურთი ერთ-ერთ მცველს მოხვდა და კუთხურზე გადავიდა.</p><p>აი, მეორე ტაიმს კი გუნდების აქტივში ვერანაირად ვერ შევიტანთ. საკმარისია, აღინიშნოს, რომ პირველ 20 წუთში არც ერთ კართან არ შექმნილა არათუ საგოლე, არამედ ნახევარმომენტიც კი.</p><p>ბათუმის "დინამოს" სერიოზული შანსი მხოლოდ 70-ე წუთზე მიეცა. თბილისელებმა შეტევაში დაკარგეს ბურთი. ბორის მახარაძემ, ვინც მაღალ დონეზე ჩაატარა მატჩი, შესანიშნავი პასით ხელსაყრელ სიტუაციაში გაიყვანა გიორგი ბერიაშვილი, რომელმაც მაღალ სისწრაფეზე წაიღო ბურთი და, თითქოს, პირისპირ უნდა შეჰყროდა დაუშვილს, მაგრამ ლაშა თოთაძე წამოეწია. ეგ იყო, ბერიაშვილმა კარისკენ მაინც დაარტყა, მაგრამ თოთაძის ფეხიდან ბურთი კუთხურზე გადავიდა და სტუმრები გადარჩნენ.</p><p>საპასუხო შეტევისას კი ხელსაყრელ სიტუაციაში აღმოჩნდა თბილისელთა შემტევი საბა ლობჟანიძე, ვინც კარში დარტყმაც მოახერხა, თუმცა მამინაშვილმა ამჯერადაც დამაჯერებლად ითამაშა.</p><p>დარჩენილ წუთებში ვეღარავინ გარისკა. სტადიონის მიმდებარე ტერიტორიაზე შეკრებილი ქომაგობა კი მხოლოდ ერთხელ "გახალისდა", როცა მინდორზე გადაგდებულმა პეტარდამ ბათუმელთა საჯარიმო კვამლით დაფარა...</p><p><span style="color: #3366ff;"><strong>საქართველოს ეროვნული ჩემპიონატი. უმაღლესი ლიგა. XXVII ტური</strong></span></p><p>09.05. ქუბულეთი. "ჩელე არენა"</p><p><em><strong>დინამო (ბთ)-დინამო (თბ) 0:0</strong></em></p><p><span style="text-decoration: underline;">დინამო (ბთ):</span> მამინაშვილი, მგელაძე, ტეტუნაშვილი, სუხიაშვილი, მახარაძე, შონია, ქავთარაძე, გოგიტიძე (84. ვარშანიძე), თევდორაძე (75. ჭკუასელი), ბერიაშვილი, ტატანაშვილი (89. აბუსელიძე).</p><p>სათადარიგოები: შოვნაძე, ქორიძე, მაკარიანი, მუჯირი.</p><p>მწვრთნელი: შოთა ჭეიშვილი</p><p><span style="text-decoration: underline;">დინამო (თბ):</span> დაუშვილი, ტაბატაძე (31. კაკაბაძე), თოთაძე, რენე ფერეირა, შერგელაშვილი, ჯიღაური (59. ს. ლობჟანიძე), ცინცაძე, პაპუნაშვილი, კიტეიშვილი, მანუელი (70. ჩირგაძე), ჭანტურიშვილი.</p><p>სათადარიგოები: ჰრდლიჩკა, ბუკორაცი, ვოლკოვი, ჯანელიძე</p><p>მწვრთნელი: კახა გოგიჩაიშვილი</p><p><span style="text-decoration: underline;">გაფრთხილება:</span> თოთაძე (62)</p><p><span style="text-decoration: underline;">არბიტრი:</span> დ. ხარიტონაშვილი.</p><p><span style="color: #3366ff;"><strong>ბომბარდირები:</strong></span></p><p>ი. მოდებაძე (დილა) 14</p><p>გ. პაპუნაშვილი (დინამო თბ) 11</p><p>ჯ. დვალი (ზესტაფონი)* 10</p><p>ო. კვერნაძე (ტორპედო) 9</p><p>შ. ლომია (ზუგდიდი) 9</p><p>დ. სიჭინავა (კოლხეთი/სიონი) 9</p><p>გ. ბერიაშვილი (დინამო ბთ) 8</p><p>ნ. კაჭარავა (ცხინვალი) 8</p><p>შენიშვნა: * - ჯაბა დვალი კარიერას მოლდოვის "დაჩიაში" განაგრძობს</p><p><span style="color: #3366ff;"><strong>მომდევნო (XXVIII) ტური</strong></span></p><p><span style="text-decoration: underline;">13 მაისი, ოთხშაბათი</span></p><p>სიონი-დინამო (ბთ)</p><p>ჩიხურა-გურია</p><p>დინამო (თბ)-ზუგდიდი</p><p>კოლხეთი-მერანი</p><p>მეტალურგი-ვიტ ჯორჯია</p><p>სამტრედია-დილა</p><p>შუქურა-ცხინვალი</p><p>ზესტაფონი-ტორპედო 0:3 (ტექ.).</p><p>(იბეჭდება მცირე ცვლილებით)</p><p><strong>ყოველდღიური სპორტული გაზეთი "ლელო"</strong></p>
“დაგვეხმარეთ, გადავარჩინოთ ბათუმის "დინამო" - "შავი ზღვის პირატების" განცხადება
"ჩემი ფეხბურთელები სასურველი შედეგისთვის მზად არიან" - "იბერიას" მწვრთნელმა "მალმიოსთან" დაპირისპირებაზე ისაუბრა
გიტის პაულაუსკასმა ბათუმის "დინამო" დატოვა და სლოვაკეთში გადაბარგდა
საქართველოს U20 ნაკრები ავსტრიასთან ბრძოლაში დამარცხდა
ფედერაციის მივლინებით ევროპის ქალთა სამიტზე სლოვენიაში ოთხმეზური და დანელაშვილი იმყოფებიან
"მან ყველაზე მეტად აღმაფრთოვანა" – "ბარსელონას" მეკარე თანაგუნდელზე
"რეალმა" კარერასის ტრანსფერი შეათანხმა - "ბლანკოსი" "ბენფიკას" 50 მილიონ ევროს გადაუხდის
"არსენალი" "ჩელსის" შემტევს 52 მილიონ ევროდ შეიძენს
პირველი მილიონიანი ტრანსფერი ქალთა ფეხბურთში - "არსენალი" "ლივერპულის" ლიდერს იმატებს
16 წლამდე გოგონათა ნაკრებმა გიბრალტარი გაანადგურა და ბრძოლას მე-5 ადგილისთვის აგრძელებს
"ყველაფერი გავაკეთეთ, რათა გორში გამარჯვებულები დავბრუნებულიყავით" - რა ითქვა ლუქსემბურგში გამარჯვების შემდეგ
სიმიჩი: ამას მხოლოდ კომპიუტერულ თამაშში თუ წარმოვიდგენდი
ქართველების გარეშე, ბრაზილიელების გოლებით - "შახტარმა" "ილვესი" გაანადგურა
Geo Team: ლოჩოშვილი კარიერას გერმანიის ცხრაგზის ჩემპიონ გუნდში გააგრძელებს
ყოჩაღ - "დილამაც" შემოატრიალა თამაში და ლუქსემბურგში გაიმარჯვა!
[VIDEO] 4:3 - "ტორპედომ" "ორდაბასის" მაგარი თამაში შემოუტრიალა!
როგორ განწყობაზეა ჩვენი მეტოქე? - "ჩიტასის" შემადგენლობა
"ბორჯღალოსნები" | შეცვლილი შემადგენლობით და დებიუტანტებით "ჩიტასთან"
ჰაკიმი: მე არა, ჩემი გაშვება "რეალმა" გადაწყვიტა
"ჯვაროსნების" აღმასვლა და სხვა ცვლილებები ფიფას რეიტინგში
"არსენალი" და "სპორტინგი" ვერ თანხმდებიან, იოკერეში გაცეცხლებულია - რა ბედი ეწევა შვედს?
"ჩემი აზრით, ის "ოქროს ბურთს" იმსახურებს" - დონარუმას აგენტმა იტალიურ გამოცემასთან ისაუბრა
"ჩვენს გუნდში საუკეთესოა" - ენრიკემ შეგირდი შეაქო
შოთა მამინაშვილი - ბოლო წუთები... [VIDEO]
[VIDEO] 9 წითელი და 7 ყვითელი ბარათი - "დინამოსა" და "ტორპედოს" მატჩი სკანდალით დასრულდა
“დაგვეხმარეთ, გადავარჩინოთ ბათუმის "დინამო" - "შავი ზღვის პირატების" განცხადება
ეროვნული ლიგა. I ტური. "დინამო" (ბთ) - "დინამო" (თბ) [LIVE]
ოთარ კობახიძე - "ჩელე-არენის" მორიგი მსხვერპლი
საფეხბურთო კლუბ "ზუგდიდის" ფეხბურთელი გარდაიცვალა
"დღეს როგორც არასდროს ამაყი ვარ" - რომან ფიფიამ ხვიჩა კვარაცხელიას ჩემპიონთა ლიგის მოგება მიულოცა
ერთი გოლის ფასი: ბათუმელებმა, ფოთელებმა და გორელებმა მოიგეს [VIDEO]
ტკივილიანი ოქტომბერი - ქველმოქმედება ფეხბურთელის სახელით
დინამო (ბთ) VS ომონია - მონდომება და ანშლაგი გამოცდილების წინააღმდეგ
"მოთელვამდე კარგად იყო, მოედანზე გასვლამდე კი ცუდად გახდა და წაიქცა..."
თბილისის "დინამოს" კაპიტანი თურქეთის სუპერლიგის გუნდში გადავიდა
[ლელოს სტუმარი] "ჯერ საქართველოში უნდა დაამტკიცო, რა შეგიძლია!"
"მარკ სტარსის" თასი: ტყიბულის "მეშახტის" ტრიუმფი
გიტის პაულაუსკასმა ბათუმის "დინამო" დატოვა და სლოვაკეთში გადაბარგდა
ეროვნული ლიგა. V ტური. "დინამო" (ბთ) - "ტორპედო" [LIVE]
ქობულეთის "შუქურაში" აფრიკელ და ბრაზილიელ ლეგიონერებს ელოდებიან
მალე ჩემპიონობისთვის ვიბრძოლებთ - თბილისის "ლოკომოტივმა" ახალწვეულები წარადგინა
დინამო (ბთ)-შუქურა 2:0 - დერბი ლოგიკური ფინალით [VIDEO]
"გულშემატკივართა გარკვეული ნაწილი მიზანმიმართულად პროვოცირებდა და შეურაცხყოფას აყენებდა ჩვენი გუნდისა და ზოგადად ქართული ფეხბურთის ლეგენდას, ჯაბა კანკავას" - თბილისის "დინამოს" განცხადება
"გადავწყვიტეთ მივმართოთ ფედერაციას თხოვნით, რომ კანკავას წითელი ბარათი გაუქმდეს" - გორის "დილას" განცხადება
"დილამ" სტუმრად "ტორპედოს" მოუგო; ორი მატჩი ფრედ დასრულდა
რატომ წავიდა პრეზიდენტი? ...არ სურდათ, ეს საკითხები რომ გამეკონტროლებინა
[ლელოს სტუმარი] "საქართველოს ჰიმნზე რომ დავდექი, თვალწინ წარმომიდგა ყველაფერი"
კალანდაძე პლოცკის "ვისლას" ფეხბურთელი გახდა
საფეხბურთო დავების ტრიბუნალმა ფოთის "კოლხეთის" 3 ფეხბურთელს სასჯელი შეუმსუბუქა
"საუთჰემპტონში" ყოფნა, უსამართლობა "დინამოსგან" და მწვრთნელის კომპეტენციაში ჩარევები - კახა გოგიჩაიშვილი ქართულ რეალობაზე
ეროვნული ლიგის XXVIII ტურის მიმოხილვა და სიმბოლური ნაკრები
შედეგზე მანიპულირება - სფფ-მ "კოლხეთი" და გუნდის 5 ფეხბურთელი დასაჯა