ევრო 2016. შესარჩევი. VI ტური. C ჯგუფი: ესპანეთი სლოვაკეთს ვერ ეწევა [VIDEO]

საქართველოსთან ამხანაგური მატჩის შემდეგ, უკრაინელი სპორტული ჟურნალისტები ვარაუდობდნენ, რომ მათი ნაკრები ლუქსემბურგს შედარებით იოლად დაამარცხებდა და ეს მართლაც ასე მოხდა. ლვოვში, მიხაილ ფომენკოს შეგირდებმა სამი უპასუხო გოლი გაუტანეს მეტოქეს და ამდენივე ქულა განსაკუთრებული პრობლემების გარეშე ჩაიწერეს აქტივში.

მართალია, უკრაინელებმა სამივე გოლი მეორე ტაიმში შეაგდეს, მაგრამ მათი უპირატესობა პირველ ნახევარშიც იმდენად მკაფიო იყო, რომ ნათელი გახლდათ, ადრე თუ გვიან, მეტოქე გატყდებოდა. ჯერ კრავეცმა გაიტანა, შემდეგ გარმაშმა, მატჩის საბოლოო ანგარიში კი კონოპლიანკამ დააფიქსირა, 3:0.

ამ ჯგუფში პრაქტიკულად გარკვეულია, თუ რომელი გუნდები დაიკავებენ პირველ სამ ადგილს, აქედან ორი პირდაპირ ევროფორუმზე მოხვდება, ხოლო მესამე პლეი ოფს ითამაშებს.

სლოვაკეთმა მაკედონიას სძლია და კვლავაც უდანაკარგოა, ესპანეთმა კი ბელარუსს მოუგო ბორისოვში და ლიდერს კუდზე აზის.

ევრო 2016. შესარჩევი. C ჯგუფი. VI ტური
14 ივნისი
უკრაინა-ლუქსემბურგი 3:0
გოლები: 1:0 კრავეცი (49), 2:0 გარმაში (57), 3:0 კონოპლიანკა (87)
უკრაინა (4-3-3): პიატოვი - მოროზიუკი, ხაჩერიდი, რაკიცკი (77. კუჩერი), შევჩუკი - როტანი (46. გარმაში), სტეპანენკო, სიდორჩუკი - იარმოლენკო, კონოპლიანკა, კრავეცი (71. სელეზნიოვი)
ლუქსემბურგი (4-3-2-1): ჟობერტი - იანსი, შნელი, ჩანოტი, მალგეტი - პაიალი, მუტში, გერსონი - ჰოლტერი (77. ფილიპსი), და მოტა (69. დევილი) - ტურპელი (52. ბენსი)
გაფრთხილება: მუტში, პაიალი, და მოტა, ბენსი (ლუქსემბურგი)
კუთხური: 10-1; ჯარიმა: 8-16; თამაშგარე: 4-1; კარში დარტყმა: 11-2 (3-1); ბურთის ფლობა: 61%-39%
მაყურებელი: 30 000

ბელარუსი-ესპანეთი 0:1
გოლი: 0:1 დავიდ სილვა (45)
ბელარუსი (4-4-2): გორბუნოვი - შიტოვი, მარტინოვიჩი, ფილიპენკო, ბორდაჩევი - ნეხაჩიკი, კისლიაკი (78. დრაგუნი), მაევსკი, ვოლოდკო (81. სტესევიჩი) - გლები (89. პუტსილა), კორნილენკო
ესპანეთი (4-4-2): კასილიასი - ხუანფრანი, პიკე, რამოსი, ალბა - დავიდ სილვა (85. ბერნატი), ბუსკეტსი, ფაბრეგასი (75. ისკო), კასორლა - პედრო (64. ვიტოლო), მორატა
გაფრთხილება: ბორდაჩევი, ნეხაჩიკი - დავიდ სილვა, პედრო, მორატა
კუთხური: 1-9; ჯარიმა: 11-8; თამაშგარე: 3-3; კარში დარტყმა: 4-19 (2-10); ბურთის ფლობა: 59%-41%
მაყურებელი: 13 000

სლოვაკეთი-მაკედონია 2:1
გოლები: 1:0 სალატა (8), 2:0 ჰამშიკი (38), 2:1 ადემი (69)
სლოვაკეთი (4-2-3-1): კოზაჩიკი - პეკარიკი, შკრტელი, სალატა, ჰუბოკანი - კუცკა (73. ჰროსოვსკი), პეკოვსკი - მაკი, ჰამშიკი (80. დუდა), ვეისი - ნემეცი (85. ჰოლოშკო)
მაკედონია (4-2-3-1): პაჩოვსკი - ტოდოროვსკი, მოისოვი, დიმიტროვსკი, ჟუტა - ტრაჩევსკი, ადემი - იბრაიმი (89. აბდულაჰიმი), ჰასანი, მუარემი (82. ველკოსკი) - ტრაკოვსკი (56. ივანოვსკი)
გაფრთხილება: შკრტელი, კუცკა, ვეისი (სლოვაკეთი)
გაძევება: ჰასანი (84. მაკედონია)
კუთხური: 2-2; ჯარიმა: 16-17; თამაშგარე: 1-0; კარში დარტყმა: 10-7 (6-4); ბურთის ფლობა: 53%-47%
მაყურებელი: 11 000

ა გ თ მ ფ წ ბ ქ
1. სლოვაკეთი 6 6 0 0 13-3 18
2. ესპანეთი 6 5 0 1 15-3 15
3. უკრაინა 6 4 0 2 9-2 12
4. ბელარუსი 6 1 1 4 4-11 4
5. მაკედონია 6 1 0 5 6-14 3
6. ლუქსემბურგი 6 0 1 5 3-17 1

მომდევნო ტური
5 სექტემბერი: ლუქსემბურგი-მაკედონია, უკრაინა-ბელარუსი, ესპანეთი-სლოვაკეთი.

(იბეჭდება მცირე ცვლილებით)
ყოველდღიური სპორტული გაზეთი "ლელო"