19 წლამდე ფეხბურთელთა ნაკრებმა ჩრდ. მაკედონია გაანადგურა

AutoSharing Option
რამაზ სვანაძის მიერ გაწვრთნილმა საქართველოს 19 წლამდე ფეხბურთელთა ნაკრებმა ელიტრაუნდისათვის მზადების პროცესში პირველი ამხანაგური მატჩი ჩრდილოეთ მაკედონიაში გამართა ადგილობრივ გუნდთან და მასპინძლები სკოპიეში დიდი ანგარიშით დაამარცხა - 5:1.

ანგარიში მე-4 წუთზე კაპანაძემ გახსნა. მასპინძლებმა 32-ე წუთზე 11-მეტრიანი დარტყმით გაათანაბრეს, თუმცა ტაიმის ბოლომდე ქართველმა ფეხბურთელებმა კიდევ ორი გოლი გაიტანეს - თავი მოისწრაფიშვილმა და იაკობიძემ გამოიჩინეს. მეორე ტაიმში ქართველმა ჭაბუკებმა კიდევ 2 გოლის გატანა შეძლეს, ამჯერად ხარაიშვილმა და აზაროვმა გაიტანეს.

საქართველოს 19 წლამდე ფეხბურთელთა ნაკრები ჩრდილოეთ მაკედონიის გუნდთან კიდევ ერთ ამხანაგურ მატჩს გამართავს.
ელიტრაუნდი კი 25-31 მარტს საფრანგეთში გაიმართება და მასპინძელი გუნდის გარდა, ქართველი ფეხბურთელები შოტლანდიისა და რუსეთის გუნდს დაუპირისპირდებიან.
მკითხველის კომენტარები / 0 /
კომენტარი ჯერ არ გაკეთებულა.

სიახლეები პოპულარული