უეფას გადაწყვეტილებით, 14 მარტიდან 14 აპრილამდე დაგეგმილი 17 და 19-წლამდელთა საფეხბურთო ნაკრებების ელიტრაუდის მატჩები, ასევე, ასაკობრივი გუნდების მონაწილეობით ტურნირები გაურკვეველი ვადით გადაიდო. ევროპული ფეხბურთის მმართველმა ორგანომ აღნიშნული გადაწყვეტილება ახალი კორონავირუსის გამო გამოწვეული სამგზავრო შეზღუდვების შედეგად მიიღო.შეგახსენებთ, საქართველოს 17-წლამდელთა საფეხბურთო ნაკრები 25-31 მარტს ბელგიაში ელიტრაუნდის მატჩების ჩასატარებლად უნდა ჩასულიყო (მონაწილე ქვეყნები: ბელგია, ინგლისი, რუმინეთი, საქართველო). ამავე პერიოდში საქართველოს 19-წლამდელთა ნაკრებს ელიტრაუნდის შეხვედრების გამართვა საფრანგეთში ჰქონდა დაგეგმილი (მონაწილე ქვეყნები: საფრანგეთი, რუსეთი, შოტლანდია, საქართველო). აღნიშნული მატჩების ჩატარების თარიღი მოგვიანებით გახდება ცნობილი.
რაც
ასევე მომავალ კვირას გახდება ცნობილი, შედგება თუ არა 21-წლამდელთა საფეხბურთო ნაკრებების საკვალიფიკაციო ეტაპის მატჩები, რომლებიც ასევე თვის ბოლოს არის დაგეგმილი. 26 მარტს, საქართველოს 21-წლამდელთა ნაკრები თბილისში სლოვაკეთს უნდა დაუპირისპირდეს.
17 მარტს დაგეგმილი ვიდეოკონფერენცია სწორედ ამ თემებს უკავშირდება. ვიდეოკონფერენციაში უეფას წევრი 55 ქვეყნის წარმომადგენელი, მათ შორის, საქართველო მიიღებს მონაწილეობას.
მომზადებულია GFF.ge-ის მიხედვით
უთხარით უეფას "არა"! - მათი გადაწყვეტილება ადამიანების ჯანმრთელობაზე ფასეული არ არის...
