მომავლის ვარსკვლავები, რომლებიც საქართველოს 21-წლამდელთა ნაკრებს დაუპირისპირდებიან - იქნება კვარაცხელია?

21 ივნისიდან 8 ივლისამდე საქართველოსა და რუმინეთში 21-წლამდელთა ევროპის ჩემპიონატი ტარდება. "მომავლის ვარსკვლავები იწყებენ დღეს" - ერთ დროს ამ ტურნირის დევიზი იყო, თუმცა თანამედროვე ფეხბურთსა და სამყაროში პერსპექტიულ მოთამაშეებს ადრევე ამჩნევენ. თანაც, ტურნირში მონაწილეობის უფლება 2000 წლის 1-ელი იანვრის შემდეგ დაბადებულებს შეუძლიათ, ისინი კი ახლა 23 წლისაც არიან.

SPORTALL.GE მომავალი გათამაშების შესახებ, რომლის ფინალიც ბათუმში გაიმართება, წერილებს ეტაპობრივად შემოგთავაზებთ. ამჟამად კი წარმოგიდგენთ ფეხბურთელებს, რომლებიც მომავალი ვარსკვლავების სტატუსით არიან და დიდი შანსია, ჯგუფურ ეტაპზე საქართველოს ახალგაზრდულ ნაკრებს უნდა დაუპირისპირდნენ. შეგახსენებთ, ჩვენს ჯგუფში პორტუგალიელი, ნიდერლანდელი და ბელგიელი თანატოლები არიან. რამაზ სვანაძის გუნდის განაცხადი ჯერ ცნობილი არაა. დიდია შანსი (სიაში ყოფნის შემთხვევაში), ტურნირის "მთავარი კაცი" ხვიჩა კვარაცხელია იყოს...



23 წლის ვიტინია პსჟ-ს მშვენივრად მოერგო, ძლიერი საყრდენი ნახევარმცველია, რომელსაც დაცვასა და შეტევაში თანაბრად თამაში შეუძლია. მიმდინარე სეზონში მის ანგარიშზე 2 გოლი და ამდენივე საგოლე პასია.

ვიტინია მანამდე "პორტუსა" და "ვულვზში" გვახსოვს, 2022 წლიდან კი ეროვნულ ნაკრებშიც იწვევენ.

P.S. ვიტინია ეროვნული ნაკრების 26-კაციან განაცხადში შეიყვანეს.




"ლივერპულის" შუახაზელი "ფულემში" გამორჩეული იყო და მისგან მეტს ელოდნენ, თუმცა ტრავმებმა საკმაოდ ბევრი დააკარგვინა. სულ ორი გოლი გაიტანა, ბოლოს კი 2022 წლის 23 დეკემბერს, "მანჩესტერ სიტის" კარი აიღო. თუ ის მომჯობინებასა და ძალების აღდგენას შეძლებს, 20 წლის შუახაზელი მეტოქისთვის სერიოზული ძალა იქნება.



მსოფლიო ჩემპიონატზე ფერნანდო სანტუშმა კრიშტიანო რონალდოს დასვენება და სასტარტოში "ბენფიკაში" მოთამაშე, 21 წლის რამოშის დაყენება რომ გადაწყვიტა, ამას კრიტიკა მოჰყვა, გონსალოს კი შთამბეჭდავი თამაში ჰქონდა. მას პორტუგალიაშიც ბევრი გააქვს, მოწინააღმდეგეთა კარი 19-ჯერ აიღო.

P.S. რამოში ეროვნული ნაკრების 26-კაციან განაცხადში შეიყვანეს.



"ლევერკუზენის" 22 წლის უკანახაზელს გამორჩეული სეზონი აქვს - საიმედო თამაში დაცვაში, გოლები, "ასისტები". მისი და ხვიჩა კვარაცხელიას დაპირისპირება (თუკი შედგა) ფლანგზე ძალიან საინტერესო უნდა გამოდგეს.

P.S. ფრიმპონგი სიაში არ შეიყვანეს.



"აიაქსიდან" "ბაიერნში" გადაბარგებული გრავენბერხი მიუნხენურ გრანდში სასტარტო შემადგენლობის მუდმივი წევრი არაა, თუმცა 21 წლის საყრდენს დიდი რესურსი აქვს, ამას ყველა ხედავს.



"აიაქსის" ცენტრალურ მცველს "ნაპოლიში" კიმ მინ ჯეს მემკვიდრედაც მოიაზრებენ. 21 წლის ტიმბერი საიმედო მოთამაშეა, ეროვნულ ნაკრებშიც გამოდის და სატრანსფერო ფასიც მაღალი აქვს.

P.S. ტიმბერი ეროვნული ნაკრების 26-კაციან შემადგენლობაში შეიყვანეს.



20 წლის ნახევარმცველი "მილანის" სათადარიგო გუნდშია და სერია "ა"-ში ცოტა დრო ეძლევა, თუმცა 20 წლის მოთამაშეში დიდ მომავალს რომ არ ხედავდნენ, ის აქ არ იქნებოდა!..

უნდა ითამაშოს კვარაცხელიამ ევროპის ახალგაზრდულ ჩემპიონატზე? - ნაკრების თავკაცის დილემა...

21-წლამდელთა ევროპის ჩემპიონატის სრული კალენდარი და ლოკაცია გადანაწილდა