დღეს ეროვნული ლიგა 2-ის 3 მატჩი გაიმართა. "ნორჩმა" დინამომ" ზედიზედ მეოთხე გამარჯვება მოიპოვა, ამჯერად "აუტსაიდერ" "შუქურას" 3:0 სძლია. გოლები ბესიკ ჩიმაკაძემ, გოგი ფიფიამ და ვანო შენგელიძემ გაიტანეს. "ნორჩმა დინამომ" 18 ქულა დააგროვა და სატურნირო ცხრილში მე-2 ადგილზე აინაცვლა.
მცხეთაში მეტად დაძაბულად წარიმართა "ცხინვალისა" და "ვიტ ჯორჯიას" დაპირისპირება. "ცხინვალმა" მედგარი წინააღმდეგობა გაუწია ლიდერს, მაგრამ 78-ე წუთზე გიორგი ვასაძემ გამარჯვების გოლი გაიტანა და "ვეტერინარები" 21 ქულით კვლავაც ერთპიროვნული ლიდერები არიან.
მარტვილში კი აუტსაიდერთა ჯგუფში მყოფი "სამგურალი" და "შევარდენი" დაზავდნენ (0:0).
![ეროვნული ლიგა. XXXI ტური. "კოლხეთი" - "სამგურალი" [LIVE]](/pictures/image7/0581d80e95235b67f8ba5ff70566268a.jpg "ეროვნული ლიგა. XXXI ტური. \"კოლხეთი\" - \"სამგურალი\" [LIVE]")
![ეროვნული ლიგა. XXIX ტური. "დილა" - "სამგურალი" [LIVE]](/pictures/image7/76546442021e9d6a0214be69a1bd37d7.png "ეროვნული ლიგა. XXIX ტური. \"დილა\" - \"სამგურალი\" [LIVE]")
