დღეს 12 აპრილს ეროვნული ლიგა 2-ის მე-7 ტურის ორი მატჩი გაიმართა.
"გაგრამ" მუხიანის სპორტულ კომპლექსში "სამტრედიას" უმასპინძლა და ანგარიშით 1:0 დაამარცხა. ერთადერთი გოლი 84-ე წუთზე ბექა ნიკოლაშვილმა ვასილ ხოსიტაშვილის პასის შემდეგ გაიტანა.
ეს კახა კახა კაჭარავს შეგირდებისთვის ეროვნულ ლიგა 2-ში პირველი მარცხი გახდა. აქამდე "სამტრედია" წაუგებლად ასპარეზობდა.
ქობულეთის "შუქურამ" კი ბათუმის "რაგბი არენაზე" "შევარდენთან" ფრეს (1:1) მიაღწია. ანგარიში მე-12 წუთზე სტუმართა გუნდის 19 წლის ნახევარმცველმა თამაზ ბაბუნიძემ გახსნა, 90+1-ე წუთზე კი გიორგი კურმაშვილმა საპასუხო გოლი გაიტანა.
ჩემპიონატს 14 ქულით "სამტრედია" ლიდერობს,
მაგრამ "მერანსა" ან "თელავს" მისი გადასწრება შეუძლიათ. ეს გუნდები 13 აპრილს თბილისში "სპაიერის" სტადიონზე შეხვდებიან ერთმანეთს.
![ეროვნული ლიგა. XXXII ტური. "სამტრედია" - "დინამო" (თბ) [LIVE]](/pictures/image7/494df8f84eb70414eaecadac75387bbb.png "ეროვნული ლიგა. XXXII ტური. \"სამტრედია\" - \"დინამო\" (თბ) [LIVE]")
![ეროვნული ლიგა. XXXI ტური. "გაგრა" - "სამტრედია" [LIVE]](/pictures/image7/4b0083628fe670ca04775c10fe11f679.jpg "ეროვნული ლიგა. XXXI ტური. \"გაგრა\" - \"სამტრედია\" [LIVE]")
