ქობულეთის "შუქურას" დირექტორი რევაზ ჩელებაძე გათავისუფლებულია.
ამის შესახებ ინფორმაცია ტელეკომპანია TV 25-ს ქობულეთის მერიაში დაუდასტურეს, თუმცა არ ამბობენ, რის საფუძველზე დატოვა თანამდებობა ჩელებაძემ.
ტელევიზიის ინფორმაციით, მას პოზიციის დათმობა ფინანსური პრობლემების გამო მოუხდა, რასაც მერიაში არ ადასტურებენ. თავად რევაზ ჩელებაძე სატელეფონო ზარებს არ პასუხობს.
"რევაზ ჩელებაძემ 5 აგვისტოს, პირადი განცხადების საფუძველზე დატოვა შპს "საფეხბურთო კლუბ შუქურას" დირექტორის პოსტი. იგი რჩება "შუქურაში" და უშუალოდ სტადიონების ინფრასტრუქტურულ მიმართულებას უხელმძღვანელებს. რაც შეეხება ახალ დირექტორს, ირაკლი ბერიძე უფლებამოსილებას 8 აგვისტოდან შეუდგა. პროფესიით იურისტია. მანამდე მუშაობდა
"შუქურას" ლიცენზირების მენეჯერის თანამდებობაზე, ასევე, ქობულეთის საარჩევნო ოლქის წევრი იყო" - განაცხადეს ქობულეთის მერიის პრესცენტრში.
ქობულეთის "შუქურა" ეროვნულ ლიგა 2-ში 24 ტურის შემდეგ 35 ქულით მე-5 ადგილზეა.
წყარო: TV25.ge
!["შუქურას" ფანებმა ბოთლი მსაჯს ესროლეს, სიგუას მოარტყეს და ბოდიშს იხდიან [VIDEO]](/pictures/image7/3f5c17e7f174bd45f40ee330fbb4945b.jpg "\"შუქურას\" ფანებმა ბოთლი მსაჯს ესროლეს, სიგუას მოარტყეს და ბოდიშს იხდიან [VIDEO]")
