ეროვნული ლიგა 2-ის მე-4 ტურის ცენტრალური მატჩი, ქვემოქართლის დერბი, რუსთავში, სფფ-ს ტექნიკურ ცენტრში ჩატარდა. ერთ დროს საქართველოს ჩემპიონები, "რუსთავი"(მაშინდელი ოლიმპი) და ბოლნისის "სიონი" ერთმანეთს დაუპირისპირდნენ. Sportall.ge შეხვედრის გასაშუქებლად რუსთავში იმყოფებოდა, სადაც დაპირისპირებამ საკმაო დიდი ინტერესი გამოიწვია.ვარლამ კილასონიას რუსთაველები ტურს 7 ქულითა და პირველი ადგილით შეხვდნენ, თამაშის დაწყებამდე კი მესამეზე აღმოჩდნენ. ბოლნისელები მათთან ქულებით გათანაბრებას ესწრაფოდნენ. საბოლოოდ, მასპინძლებმა 1:0 მოიგეს და 10 ქულით ლიდერობა დაიბრუნეს.
"რუსთავის" რიგებში უკვე 35 წლის ლევან კუტალიას ისევ გააქვს (მიმდინარე სეზონში 2 გოლი), ამ გუნდის კარს
"სიონის" შემადგენლობაში უკვე ვეტერანები, 36 წლის კაპიტანი დათა სიჭინავა (კარიერის ნაწილი სწორედ რუსთავში გაატარა) და დავით მაისაშვილი არიან. ქვემოქართლის დერბს გიორგი ჭელიძე საკადრო პრობლემებით შეხვდა. ბოლნისელთა კარის დაცვა, 20 წლის, ლუკა ავალიანს დაევალა.
მატჩი მასპინძელთა უპირატესობით დაიწყო, მათ ზედიზედ ორი კუთხური შეასრულეს, იაპონელი იუტა ნაკონოს ჩაწოდებას კი 20 წლის მარჯვენა მცველი მამუკა კაპანაძე ზუსტი თავურით გამოეხმაურა.
ბოლნისელებს სახიფათო იერიშის განხორციელება უჭირდათ. მთავარმა მსაჯმა რევაზაშვილმა რუსთაველთა ორი ფეხბურთელი, წოწონავა და კუტალია გააფრთხილა.
"რუსთავს" მე-18 წუთზე ანგარიშის გაორმაგება შეეძლო - განელმა კესიმ ბურთი უბილავას გააყოლა, ის საჯარიმოში აქტიურად შევიდა, ნაკანომ კი კარს მცირედით ააცილა.
23-ე წუთზე საქმეში შოვნაძეც ჩაერთო, რომელიც გაფრინდაშვილის ე.წ. ჩაწოდება-დარტყას გაუმკლავდა. 28-ე წუთზე მის კარს უკვე დათა სიჭინავა ჯარიმიდან ემუქრებოდა, რომლის შესრულებულ საჯარიმოსაც ვერავინ გამოეხმაურა. მალევე, აშკარად აქტიური სიჭინავას დარტყმული ვაჟა ფაცაციამ კარის ხაზიდან გამოიტანა.
რუსთაველთა კუთხურს, უკვე მარჯვენა ფლანგიდან, კვლავ სახიფათო მომენტი მოჰყვა, ამჯერად კი გატანას ფაცაცია ცდილობდა. ტაიმის ბოლოს უკვე ბოლნისელები, მაისაშვილი და ნოზაძე "გააყვითლეს."
41-ე წუთზე იაპონელმა ნაკანომ, რომელიც აქტიური და შესამჩნევი იყო, მშვენიერი საჯარიმო დაარტყა, რომელიც მეკარე ავალიანმა მოიგერია. ამის შემდეგ დათა სიჭინავამ მოწინააღმდეგის საჯარიმოში ჭკვიანური პასი შეაგდო, შოვნაძემ კი ვერულიძე ბურთთან არ მიუშვა.
შესვენებაზე ადგილობრივები ფეხბურთის გულშემატკივრებისათვის ცნობილმა "ოთარინიომ" გაახალისა.
მეორე ტაიმი გუნდებს ტემპი არ დაუგდიათ, საგოლე მომეტების კი არ იქმნებოდა. ჯარიმების შესრულებით ცნობილი დათა სიჭინავამ საჯარიმოს გატანა შორიდან სცადა, რუსთაველთა კიპერმა შოვნაძემ კი ბურთის ტრაექტორია ზუსტად განსაზღვა.
57-ე წუთზე "რუსთავმა" მარჯვენა ფლანგიდან კარგი იერიში განახორციელა, რამდენიმესვლიანი კომბინაციის შემდეგ კაკაშვილმა კარში ძლიერად დაარტყა და "სიონის" მეკარეს მშვენიერი რეაქციის გამოვლენა ერთხელაც დასჭირდა. 69-ე წუთზე ავალიანმა კიდევ ერთი განელის, ახლადშემოსული ჯიბრილის ძლიერად დარტყმული მოიგერია. განელმა ლეგიონერებმა კარგი შთაბეჭდილება დატოვეს. თამაში სამურკასოვის მოედნის ხედვამ და შორეულმა პასებმაც გაამწვავა. შეხვედრის ბოლოს გატანა კვლავ მასპინძლებს შეეძლოთ, თუმცა მეკარე ავალიანი შეუვალი იყო.
დამატებითი დროის უკანასკნელ წუთზე რუსთაველები გოლს ფაცაციას თავგანწირულმა თამაშმა გადაარჩინა და მატჩიც დასრულდა.
02.04. რუსთავი. ტექნიკური ცენტრი.
რუსთავი - სიონი 1:0
გილი: 1:0 კაპანაძე (2).
მომდევნო ტურში, 6 აპრილს, "რუსთავი" თბილისის "ლოკოკოტივს" ეწვევა, "სიონი" კი თბილისის "იბერია 1999"-ის მეორე გუნდს უმასპინძლებს.
ქეცბაია ტრიბუნაზე, ჩვეული კანკავა, ნაკლებად დასამახსოვრებელი ოქრიაშვილი - 19 წლის ბრაზილიელის ლამაზი გოლი... [VIDEO]
16 წლის ქართველი ტალანტი "იუვენტუსში" - ყველაფერი მალე უნდა გადაწყდეს
