შუქურა-კოლხეთი 3:2 - ქობულეთელთა მეორე გამონათება

AutoSharing Option
ბათუმის "რაგბი არენაზე" ერთმანეთს ეროვნული ლიგის აუტსაიდერები, ქობულეთის "შუქურა" და ფოთის "კოლხეთი" დაუპირისპირდნენ.

ქობულეთელთა ლეგიონერმა ფიფას წესები დაარღვია და სამშობლოში გააბრუნეს. ეროვნული ლიგის მესამე წრის პირველ მატჩში "შუქურას" შემადგენლობაში ბრაზილიელი ფელიპე ნუნიეში გამოჩნდა. მას "ბოტაფოგოსა" და "გრემიოში" უთამაშია, წლეულს კი მესამე კლუბში ჩაირიცხა - საქართველოში "პასო ფუნდოსა" და "ანოპოლისის" შემდეგ ჩამოვიდა. ეს კი ფიფას წესის დარღვევაა - ერთ საფეხბურთო სეზონში მხოლოდ 2 კლუბში თამაში შეუძლია.

ამის გამო ძალიან საინტერესო 27 წლის შემტევი ნახევარმცველი ქობულეთელებს მიმდინარე სეზონში ვეღარ დაეხმარება - ის
უკვე კლუბს დაემშვიდობა და სამშობლოში გაემგზავრა.

თუმცა, მის ნაცვლად სხვა ბრაზილიელის დამატებას აპირებენ. პლუს, დაიმატეს პორტუგალიური გრანდის, "პორტუს" ყოფილი მცველი სტეფან აგბრე დასე...

შეხვედრა 23-ე წუთზე დროებით შეჩერდა, რადგან სტადიონზე განათების სისტემა გამოირთო. ხარვეზები 15 წუთში გამოსწორდა და თამაში განახლდა.

"შუქურამ" სეზონში მეორედ გაიმარჯვა, კოლხებმა კი გორის "დილას" დაწევის შანსი ხელიდან გაუშვეს.

მატჩის სტენოგრამა
3' - კოკა სეფიაშვილმა ბურთი ცუდად მოიგერია და სტუმართა კართან შექმნილი დაძაბულობა ლაშა გოგონაიამ განმუხტა.
4' - გოლი! გია ჩადუნელმა საკუთარი საჯარიმოდან ბურთი მეტოქის ნახევარზე ჩაჰკიდა. გოგონაია გადაცემის ჩაჭრისას უხეშად შეცდა და მეკარესთან პირისპირ გასულმა დავით ჩაგელიშვილმა ანგარიში გახსნა - 1:0.
7' - გოლი! კილასონიას, ლევან კაკულიასა და ჯონ მაჩარიას სწრაფი იერიში მახვილი კუთხიდან ზუსტი დარტყმით არფანგ დაფემ დააგვირგვინა - 1:1.
22' - ლევან კაკულიას შორეული დარტყმა მეკარე ვლადიმირ მელნიჩენკომ კუთხურზე მოიგერია.
36' - გოლი! ქობულეთელები კუთხურებს ძალიან სახიფათოდ აწვდიდნენ და ამან შედეგი გამოიღო: გურულის ჩაწოდებული ბურთი კარში თავით გია ჩადუნელმა გააგზავნა - 2:1.
48' - გოლი! სანდრო გურულმა ნონდის ბურთი მოედნის ცენტრში აართვა, მარსელინიოს პასით მეკარის წინ აღმოჩნდა და მის მიერვე წამოწყებული იერიში ახლო მანძილიდან დააგვირგვინა - 3:1.
86' - "შუქურა" გადარჩა! სანდრო ბახიას წამოწყებული შეტევის შემდეგ ალექსანდრ დერებჩინსკიმ მშვენიერი გადაცემით მეკარესთან პირისპირ დატოვა გიორგი ბუხაიძე, რომელმაც ბურთი ძელს მოარტყა!
89' - ახლა სტუმრები გადარჩნენ: ირაკლი კლიმიაშვილმა მეკარესთან პირისპირ დატოვა კობა შალამბერიძე, რომელმაც მეკარეს ვერ აჯობა!
90+1' - გოლი! დაფის პასით დერებჩინსკიმ სხვაობა შეამცირა - 3:2.
90+2' - ჟეფინიომ კარის წინ შალამბერიძე მოძებნა, რომელმაც რეალური მომენტით ვერ ისარგებლა.
90+4' - ჩადუნელმა საჯარიმოში გოგონაია მოცელა და ბურთი ხელითაც შეაჩერა - ფოთელები პენალტს ითხოვდნენ, მაგრამ არბიტრმა თამაში გააგრძელა და მალევე დაასრულა.

ეროვნული ლიგა. XXII ტური
13.08. ბათუმი. "რაგბი არენა"
შუქურა-კოლხეთი 3:2
გოლები: 1:0 ჩაგელიშვილი (4. ჩადუნელის პასით), 1:1 დაფე (7. მაჩარიას პასით), 2:1 ჩადუნელი (36. გურულის პასით), 3:1 გურული (48. მარსელინიოს პასით), 3:2 დერებჩინსკი (90+1. დაფის პასით)
შუქურა (4-2-3-1): მელნიჩენკო - ჩაჩუა, ჩადუნელი, გოგიტიძე, პომაზანი - კლიმიაშვილი, მარსელინიო - კახელიშვილი (79. გოგილაშვილი), ჯეფინიო, გურული (75. შალამბერიძე) - ჩაგელიშვილი (85. დაგარგულია).
სათადარიგოები: სომხიშვილი, კალანდაძე, მალაზონია, ღლონტი
მწვრთნელი: გიორგი შაშიაშვილი
კოლხეთი (4-2-3-1): სეფიაშვილი - გ. კილასონია, შ. კერძევაძე, გოგონაია, ოტიენო - კაკულია, ბოლქვაძე (69. დერებჩინსკი) - ნონდი, ჯანელიძე, დაფე - მაჩარია (39. ბუხაიძე).
სათადარიგოები: შერმადინი, ბროვკო, შალიკაშვილი, ს. ბახია, კოკაია
მწვრთნელი: გელა სანაია
გაფრთხილებები: კლიმიაშვილი (44), გოგონაია (46), პომაზანი (90+3)
არბიტრი: ბ. ნინუა.

ბომბარდირები
ი. სიხარულიძე (ლოკომოტივი) 15
დ. ტატანაშვილი (ჩიხურა) 12
ბ. არაბული (დინამო თბ) 11
მ. კოვტალიუკი (კოლ/დინ თბ) 10.

(იბეჭდება მცირე ცვლილებით)
ყოველდღიური სპორტული გაზეთი "ლელო"
მკითხველის კომენტარები / 0 /
კომენტარი ჯერ არ გაკეთებულა.

სიახლეები პოპულარული
ეროვნული ლიგა 2020
#
გუნდი
12
7
4
1
16
25
14
6
6
2
14
24
14
2
10
2
1
16
13
4
4
5
-6
16
11
0
6
8
-17
6
14
1
3
10
-24
6