თბილისის "დინამომ" მეორე თურქულ შეკრებაზე ბოლო შეხვედრა ყაზახეთის პირველობის ბრინჯაოსმედალოსან "ორდაბასისთან" ჩაატარა და 3:1 დაამარცხა მეტოქე. ამხანაგური შეხვედრა ორივე გუნდმა აქტიურად ჩაატარა. "დინამოელებმა" მეორე წუთზევე შექმნეს სახიფათო მომენტი.
ნიკა ნინუას ჩაწოდებულს ტერენტი ლუცევიჩი თავით გზავნიდა მეტოქის კარისკენ. დარტყმა არაზუსტი გამოდგა. მე- 15 წუთზე უკვე დემეტრე ბულისკერიას მოუწია თამაშში ჩართვა. ამ უკანასკნელმა მეტოქის შემტევს არ გაატანინა. 23-ე წუთზე ანგარიში თბილისელებმა გახსნეს.
თერთმეტმეტრიანი დარტყმა ზუსტად ოთარ კიტეიშვილმა შეასრულა. ანგარიში მეტოქემ მე-40 წუთზე გაათანაბრა. ტოლებეკმა საჯარიმოს მისადგომიდან ზუსტად დაარტყა დინამოელთა კარში - 1:1. ტაიმი ასეც დასრულდა.
მეორე ტაიმის დებიუტში ოთარ კიტეიშვილს შეეძლო დინამოელთა დაწინაურება, მაგრამ მეკარეს ვერ აჯობა. მატჩის 55-ე წუთზე კი ლევან ხარაბაძემ ითამაშა მეტოქის საჯარიმოში კარგად და ანგარიში 2:1 გახადა. შეხვედრაში საბოლოო წერტილი 78-ე წუთზე ბუდუ ზივზივაძემ დასვა, მან აკაკი შულაიას სწრაფი გარღვევა და ზუსტი პასი გოლად გარდასახა და "დინამომ" 3:1 იმარჯვა.
ამით თბილისელებმა თურქული შეკრება დაასრულეს და დღეს სამშობლოში გამოემგზავრებიან. 4 მარტს კი "დინამო" ეროვნული ლიგის პირველ ტურში "რუსთავს" უმასპინძლებს.
მომზადებულია fcdinamo.ge-ს მიხედვით
12:20 26-02-2018
თბილისის "დინამომ" ბოლო საკონტროლო მატჩში "ორდაბასი" დაამარცხა [VIDEO]
AutoSharing Option
მკითხველის კომენტარები / 1 /
მოწონებების მიხედვით
თარიღის მიხედვით
ვიდეო წყდება შუაში. იქნებ მიაქციოთ ყურადღება. ბევრ ვიდეოს სჭირს მსგავსი რამ.
4
0
ყველა კომენტარი
გააკეთეთ კომენტარი
ასევე დაგაინტერესებთ
![ერთი გოლის ფასი: ბათუმელებმა, ფოთელებმა და გორელებმა მოიგეს [VIDEO]](/pictures/image7/3eef9b7cb5d458df9efcf5c049ab9924.jpg "ერთი გოლის ფასი: ბათუმელებმა, ფოთელებმა და გორელებმა მოიგეს [VIDEO]")
![ეროვნული ლიგა. I ტური. "დინამო" (ბთ) - "დინამო" (თბ) [LIVE]](/pictures/image7/24153d82cd118051f9c9e07c3f5ccdcd.jpg "ეროვნული ლიგა. I ტური. \"დინამო\" (ბთ) - \"დინამო\" (თბ) [LIVE]")
უძრავი ქონება
სიახლეები
პოპულარული
