ეროვნული ლიგა. IV ტური:"დინამომ" "ტორპედოს" 2:0 სძლია [VIDEO]

1 აპრილს, ეროვნული ლიგის მე-4 ტურში თბილისის "დინამომ" საკუთარ მოედანზე 2:0 დაამარცხა ქუთაისის "ტორპედო".

მატჩი "დინამოს" შეტევებით დაიწყო და მე-13 წუთზე ზივზივაძემ გახსნა ანგარიში, შესვენებაზე გასვლის წინ კი მანვე მეორე გოლი გაუტანა საქართველოს ჩემპიონს.

მეორე ტაიმში "ტორპედო" ბევრს და უშედეგოდ ეცადა თამაშის გადარჩენას, ხოლო ზივზივაძეს ჰეთ-თრიკის შესრულება შეეძლო, მაგრამ პირისპირ გასულს კვასხვაძემ არ დაანება ამის გაკეთება.

ერთი სიტყვით, "დინამომ" დამსახურებულად მოიგო ეს შეხვედრა და ზედიზედ მესამე გამარჯვება მოიპოვა.

თბილისი. "დინამო არენა".
დინამო - ტორპედო

2:0
გოლები: 1:0 ბუდუ ზივზივაძე (12), 2:0 ბუდუ ზივზივაძე (45+3)

დინამო (4-2-3-1): დემეტრე ბულისკერია, გუჯა რუხაია, ლაშა თოთაძე, დავით კობოური, ლევან ხარაბაძე, გიორგი კუცია (ლაშა ქოჩლაძე 87), ოთარ კიტეიშვილი (კ), აკაკი შულაია(ნიკა ნინუა 90), დმიტრო ივანისენია (გიორგი ძალამიძე 73), გიორგი ივანიშვილი, ბუდუ ზივზივაძე

მთ. მწვრთნელი: კახაბერ კაჭარავა

ტორპედო (4-2-3-1): როინ კვასხვაძე (კ), ვაჟა ტაბატაძე, დავით ხურცილავა, გიორგი გურული, გიორგი ქიმაძე, თენგიზ წიქარიძე (გიორგი კუხიანიძე 73), გრიგოლ დოლიძე (მიშიკო სარდალიშვილი 67), ჯაბა ლიპარტია, მერაბ გიგაური, თორნიკე კაპანაძე (ბექა ტუღუში 13), ლევან კუტალია

მთ. მწვრთნელი: კახაბერ ჩხეტიანი