ბადრი კვარაცხელია ევროპის ლიგაზე: შეიძლება ისეთი მეტოქე შეგვხვდეს, ღმერთმა გადმოგვხედოს და გავიდეთ

უკვე ვწერდით იმის შესახებ, რომ "სამტრედია" მძიმე მდგომარეობაშია და კლუბს აუცილებლად გაძლიერება ესაჭიროება.

რას აპირებს გუნდი, რომელიც დაახლოებით ერთ თვეში ევროპის ლიგაზე იასპარეზებს.

Sportall.ge "სამტრედიას" მთავარ მწვრთნელ ბადრი კვარაცხელიას დაუკავშირდა და სატრანსფერო ფანჯრის შესახებ დაეკითხა.

"აუცილებლად გავძლიერდებით და ამაზე მუშაობა მიდის. ველოდებით როდის გაიხსნება სატრანსფერო ფანჯარა.

სხვა გზა არა გვაქვს. გუნდი განახევრებული კი არა ფეხბურთელების მეოთხედი აღარ არის დარჩენილი.

ვმუშაობთ იმაზე, რომ გუნდი ევროსარბიელზე არ შერცხვეს და თავისი ქვეყნის სახელი კარგად წარმოაჩინოს. ამისთვის კი გაძლიერება გვესაჭიროება, ახლა კი ძირითადად ახალგაზრდები გვყავს.

ჯერჯერობით ვერ დაგისახელებთ იმ ფეხბურთელებს, რომლითაც გაძლიერებას ვაპირებთ. გვყავდა რამდენიმე ლეგიონერი ჩამოყვანილი, რომელიც საქმეში ვნახეთ. ისეთი ლეგიონერი უნდა გვყავდეს, რომ აქაურ დონეზე უფრო მაღლა უნდა იდგეს".

ბადრი კვარაცხელიას ევროპის ლიგაზე გუნდის შესაძლო მეტოქეებზე დავეკითხეთ.

"ფიქრიც კი არ მინდა ისეთი ძლიერი გუნდები შეიძლება შეგვხვდნენ. ვინც არ უნდა შეგვხვდეს ვეცდებით თავი არ შევირცხვინოთ და წინააღმდეგობა გავუწიოთ.