გორის "დილას" ღირსებას ბრაზილიელი ფეხბურთელი ერიკს დე სოუზა სანტოს პერეირა დაიცავს.
ამის შესახებ ინფორმაცია ქართული კლუბის ოფიციალურ ვებგვერდზე გავრცელდა.
22 წლის მცველმა კარიერა სამშობლოში, "ინტერნაციონალეს" შემადგენლობაში დაიწყო, საიდანაც უკრაინულ "მარიუპოლში" გადაბარგდა, სადაც ამ დრომდე ასპარეზობდა.
მისი ძირითადი პოზიცია ცენტრალური მცველობაა, თუმცა თამაში დაცვის მარცხენა ფლანგზეც შეუძლია.
