ქუთაისის მერია, რომელიც კანალიზაციის პრობლემას ვერ აგვარებდა, კლუბის პრობლემების გადაჭრას როგორ შეძლებს?!

AutoSharing Option
"ტორპედოს" ქართულ ფეხბურთში ერთ-ერთი მნიშვნელოვანი როლი აქვს და ჯანსაღი ქუთაისური კლუბი ყველა ქართველი ქომაგის ინტერესშია.

არავის უნდა, რომ მან "ზესტაფონის" ბედი გაიზიაროს. თუმცა კლუბში არსებული მდგომარეობა არცთუ ისე სახარბიელოა და შევეცდებით, უფრო ვრცლად წარმოვაჩინოთ.

აქციებიდან აქციებამდე

"ტორპედოს" ქომაგებმა აქციები ჯერ კიდევ 2013 წელს დაიწყეს, როდესაც კლუბიდან "ვისოლ ჯგუფის" წასვლას მოითხოვდნენ. შემდეგ მერიამ ჩაიბარა კლუბი და 2017 წლამდე კლუბი ხუთეულშიც ვერ ხვდებოდა. 2017 წლის ზაფხულში კლუბი ზაალ ჩაჩავამ იყიდა, წლის ბოლოს კი გუნდი ჩემპიონი გახდა. თუმცა ჩემპიონობა არც მერიის და არც ჩაჩავას დამსახურება არ
ყოფილა, ეს უფრო კახა ჩხეტიანის "ბრალი" იყო.

ჩაჩავამ კლუბი 300 000 ლარად იყიდა, თუმცა, როგორც გამგეობაში ამბობენ, მან მხოლოდ 140 000 ლარის საპრივატიზაციო თანხა შეიტანა და 160 000 ლარამდე თანხა დღემდე დასაფარი აქვს.

ამავდროულად, ჩაჩავას, ხელშეკრულების თანახმად, ყოველწლიურად კლუბში 500 000 ლარის ინვესტიცია უნდა განეხორციელებინა.

ბოლო ინტერვიუ, სადაც ჩაჩავამ კლუბში არსებულ პრობლემებზე ისაუბრა, "ქუთაისიპოსტთან" მოხდა. გთავაზობთ ამონარიდს:

"თვე-ნახევარი ხელფასი არ აუღიათ და რა მოხდა ასეთი? მსგავსი პრობლემები მსოფლიო დონის კლუბებში არსებობს. რა თქმა უნდა, პირადი წყენა მექნება იმ ფეხბურთელზეც და იმ მწვრთნელზეც, ვინც ამას ვერ ხედავს.

10, 12, 15 ათასი ლარი აქვთ ხელფასი. ყველაზე მინიმალური ანაზღაურება 5000 ლარია, როცა ზოგ გუნდში ეს ყველაზე მაღალ ხელფასად ითვლება. გუნდში რომ მოვედით, საჭმელი არ ჰქონდათ, სასმელი, ჩასაცმელი, მწვრთნელი გაქცეული იყო. ეს ჩემი პირადი გაბრაზებაც არის. ეს არის დაუნახაობა. მე არ ვაპირებ გუნდის დაშლას, მაგრამ ისეთი ფუფუნება აღარ იქნება, როგორიც იყო".

ასევე, ის საუბრობდა, რომ კლუბში 12-მილიონიანი ინვესტიცია განახორციელა და ყველაფერს გადაჭარბებით ასრულებდა.

კლუბში იყო "ჰუალინგ ჯგუფის" ჩინური ინვესტიციაც, რომელთა კლუბიდან წასვლის მიზეზად გულშემატკივართა ნაწილი დასპონსორებული თანხების გაფლანგვას ასახელებს. ამავდროულად, არსებობს ქომაგთა ბრალდებები იმის თაობაზე, რომ ევროტურნირებიდან შემოსული თანხა კლუბის მფლობელმა კაზინოში წააგო.

ქომაგთა პოზიცია

ჩვენ ქუთაისის "ტორპედოს" ერთგულ ქომაგს, ქეთა ჯალაღანიას დავუკავშირდით და მიმდინარე მოვლენებსა და ზაალ ჩაჩავას "ტორპედოზე" პოზიციის დაფიქსირება ვთხოვეთ.

"პირველ რიგში, შესწორებას შევიტან, ჩხეტიანის "ტორპედო" და არა ზაალ ჩაჩავას. ჩხეტიანის "ტორპედო" იყო საოცრად შეკრული და მებრძოლი გუნდი, რომელმაც სამ წელში 5 ტიტული მოიგო და ითამაშა ევროპა ლიგის პლეი-ოფი.

2019 წელს გულშემატკივარს ძალიან დიდი გეგმები ჰქონდა, ვიბრძოდით ჩემპიონობისთვის, თასისთვის და ვემზადებოდით ევროპა ლიგისთვის. დარწმუნებული ვარ, რომ არა ჩაჩავას მიერ გუნდის ხელოვნურად დაშლა, ჩვენ ყველაფერს შევძლებდით ერთად.

წაგვართვა, დაშალა ჩვენი დიდი ოჯახი. ბოლო 5 თვის მანძილზე იყო ტყუილი დაპირებები, ჯერ ვითომ სპონსორს ეძებდა, იტყუებოდა ხელფასის ჩარიცხვის თარიღებს. არ ბეზრდება დღემდე და ისევ უნამუსოდ აგრძელებს ტყუილებს. მართალია, მისი არავის სჯერა, მაგრამ ვერ ვიშორებთ, იმიტომ, რომ რეალურად არავის ადარდებს "ტორპედოს" ბედი.

ჩაჩავას არცერთი დაპირება არ შესრულებულა, რაც ის გუნდში არის. ბაზაზე საშინელი მდგომარეობაა, აგური არ დადებულა, მოიტანა ძველი საწოლები, არის ჩამოყრილი კედლები, საშინელი ნესტი, ვალით მოტანილი საკვები.

ასევე, როგორც ამბობენ, "ტორპედოს" სახელზე არსებობს ძალიან დიდი სესხი. სად წავიდა ეს თანხა?! სად წავიდა ის მილიონები, რომელიც გუნდმა გამოიმუშავა?! ამაზე პასუხი არ არსებობს, 300 ათასად შეიძინა გუნდი მერიისგან და მხოლოდ მცირე ნაწილი აქვს ჩარიცხული. არის ძალიან ბევრი დარღვევა და უნდა დაინტერესდეს შესაბამისი ორგანოები, თუმცა არავინ არ ინტერესდება და რეალობა არის ის, რომ ისევ ჩაჩავა გვიყენებს პირობებს.

ქუთაისის მერიას შეუძლია ჩამოართვას გუნდი, მაგრამ რატომღაც თავს იკავებენ. ჩვენთვის გაურკვეველია მიზეზი. არაერთხელ გავმართეთ გულშემატკივრებმა აქცია მოთხოვნით, რომ წასულიყო, მაგრამ ყოველდღიურად უფრო და უფრო უფსკრულისკენ მივიწევთ და ეს არის მხოლოდ ერთი ადამიანის კისერზე, რომელიც არასოდეს ყოფილა ამ დიდი ოჯახის წევრი.

გაგვანადგურა, გულები დაგვიმსხვრია და ისევ არ გვეშვება. იმ შემთხვევაში, თუ მერიას გადაეცემა გუნდი, ეს იქნება იმედი, რომ მოვა სპონსორი. იყო აქამდეც საუბრები, რომ დაინტერესებულნი იყვნენ "ტორპედოთი", მაგრამ რა თქმა უნდა, არცერთ ნორმალურ ადამიანს ზაალ ჩაჩავასთან თანამშრომლობის სურვილი არ ექნებოდა.

ახლა ჩვენთვის მთავარი არის, გუნდის მტერი წავიდეს. აუცილებლად დავდგებით ფეხზე და დაწყებულ ბრძოლას დავამთავრებთ.

აუცილებლად უნდა გამოჩნდეს სპონსორი. არ გვინდა მერიის შენახული გუნდი. ქუთაისს სჭირდება ძლიერი "ტორპედო", ყველაფრისთვის მებრძოლი და ძლიერ "ტორპედოს" მერია ვერ შეინახავს. წარმოუდგენლად მეჩვენება სპონსორის არარსებობა".

ქუთაისის მერია

ადგილობრივი გამგეობისთვის კლუბი უფრო თავის ტკივილია, ვიდრე გულის ტკივილი. რამაზ შენგელიას სახელობის სტადიონი ყოველწლიურად დაახლოებით 238 600 ლარით ფინანსდება. ამ ფინანსებს დაეძებენ წლებია კლუბის ქომაგები, რადგან ეს თანხა სტადიონს არასდროს ეტყობოდა და საუბარი იყო ტყუილად დასაქმებულ ადამიანებზე.

გვახსოვს, ალბათ, წინა ევროტურნირების პერიოდი, როდესაც სტადიონი შესარჩევს საშინლად მოუწესრიგებელი შეხვდა და ინსპექტირებისას უამრავი დარღვევა აღმოაჩნდა. მოსაგვარებელი იყო კანალიზაციის პრობლემა, რომლის სუნიც გასახდელებში იგრძნობოდა. როგორც პერსონალის, ასევე მაყურებლებისთვის განკუთვნილ სველ წერტილებში მოსაგვარებელი იყო სანიტარული ნორმები. პრობლემები იყო განათების მხრივაც.

მერია, რომელიც კანალიზაციის პრობლემას ვერ აგვარებდა, ახლა კლუბის პრობლემების გადაჭრას როგორ შეძლებს?! ეს ჯერ კიდევ საკითხავია.

ერთადერთი დადებითი ფაქტი საქართველოს ფეხბურთის ფედერაციის მიერ დაგებული მინდორია, თუმცა დაპირებული სტადიონის გარემონტება ალბათ ოცნებების საკითხია.

გუნდის ერთ-ერთი საკვანძო ფიგურა კახა ჩხეტიანი გაურკვევლობაშია. როგორ გინდა მისცე იმედი ფეხბურთელებს, როცა არ იცი, ხვალ მათ კონტრაქტებს ან ხელფასებს რა ელის. ზაალ ჩაჩავა კონტაქტს გაურბის, მერიას საქმე თვის ბოლოს აქვს გადადებული.

დასკვნა

კლუბს სასწრაფოდ სჭირდება სპონსორი. სხვა შემთხვევაში "ტორპედოს" მომავალი დიდი კითხვის ნიშნის ქვეშ დგას. არსებობს გარკვეული ინტერესები ბიზნესმენების მხრიდან, თუმცა ამას კიდევ გადახედვა სჭირდება, რადგან იგივე შეცდომა არ განმეორდეს.

ფაქტია, კლუბს, რომელიც ქომაგის სიმრავლით გამოირჩევა, ასე არ უნდა ექცეოდნენ და ნორმალურმა ბიზნესმენმა ეს კლუბის წარმატებისთვის გასაღებად უნდა გამოიყენოს.

altდააფიქსირე შენი აზრი! - უნდა აფინანსებდეს თუ არა სახელმწიფო კლუბებს?



alt"ვაის გავეყარე და უის შევეყარე" - ქუთაისის "ტორპედოს" ამბები

მკითხველის კომენტარები / 13 /
არარატმა 2-1 მოუგო დუდელანჟს... ჩააწყვეს ალბათ ))
ზუზუ
23:40 22-08-2019
6
მარიამ ბოლქვაძემ გაიმარჯვა ამერიკის ღია პირველობაზე-რატომ არაფერს არ წერთ?
გიოშა
23:00 22-08-2019
4

ასევე დაგაინტერესებთ
სიახლეები პოპულარული
ეროვნული ლიგა 2019
#
გუნდი
36
23
6
7
39
75
36
21
7
8
26
70
36
12
11
13
4
47
36
12
8
16
-1
44
36
11
10
19
0
43
36
9
11
16
-16
38
36
10
8
18
-42
38
36
4
8
24
-35
20