ქუთაისის "ტორპედო" "საბურთალოსთან" მატჩისთვის აკადემიის ფეხბურთელებით ემზადება

მძიმე ფინანსურ კრიზისში მყოფი "ტორპედო" "საბურთალოსთან" ეროვნული ლიგის XXXI ტურის მატჩისთვის აკადემიის ფეხბურთელებით ემზადება. ამის შესახებ განცხადება კლუბმა "ფეისბუქის" გვერდით გაავრცელა:

"19 ოქტომბერს “ტორპედო” წყალტუბოში, "კრისტალბეთ ეროვნული ლიგის" XXXI ტურის ფარგლებში, “საბურთალოს” უმასპინძლებს.

გამომდინარე იქიდან, რომ მთავარ გუნდს ვარჯიში არ განუახლებია, სამწვრთნელო შტაბი იძულებულია მოახლოებულ მატჩში/მატჩებში მოედანზე ასაკობრივი გუნდის ფეხბურთელები გამოიყვანოს.

რეგლამენტის თანახმად, კლუბს მატჩის განაცხადში მეორე გუნდიდან მხოლოდ 5 ფეხბურთელის შეყვანა შეუძლია. შესაბამისად, “საბურთალოსთან” მატჩისთვის 17 და 19-წლამდელთა ასაკობრივი გუნდის ფეხბურთელებიც ემზადებიან".

კახა ჩხეტიანი: კვების პრობლემა გვაქვს - "ტორპედოთი"

ქართველი და უცხოელი ინვესტორები დაინტერესდნენ