"ჩხეტო მადლობა" - "ტორპედო" ჩხეტიანს დაემშვიდობა [VIDEO]

AutoSharing Option
AUTO PLAY
"ტორპედო" კახა ჩხეტიანს ემოციური ვიდეოთი დაემშვიდობა.

ჩხეტიანმა "ტორპედო"  2016 წლის სექტემბერში ჩაიბარა, მისი ხელმძღვანელობით 2017 წელს ქვეყნის ჩემპიონი გახდა და ორ-ორჯერ საქართველოს თასი და სუპერთასი მოიგო.

ჩხეტიანმა გუნდის დატოვებისას კლუბის საიტზე წერილი გამოაქვეყნა:

"ძალიან რთული იყო ჩემთვის ამ გადაწყვეტილების მიღება, მაგრამ ალბათ ოდესღაც ყველაფერ კარგსაც აქვს თავისი დასასრული.

მინდა, მადლობა გადავუხადო ჩემს სამწვრთნელო შტაბს და ყველა იმ ადამიანს, რომელიც "ტორპედოში" მუშაობს. მადლობა ყველას, ვინც კარგ და ცუდ პერიოდში ღირსეულად იდგა კლუბის გვერდით.

მადლობა ქუთაისს და იმ ერთგულ გულშემატკივარს, ვის გვერდში
დგომის გარეშეც ვერაფერს შევძლებდით. თქვენგან ყოველთვის ვგრძნობდი სითბოსა და სიყვარულს.

მადლობა ყველა იმ ფეხბურთელს, ვისაც ამ სამი წლის განმავლობაში "ტორპედოს" მაისური ეცვა. კლუბის წარმატებაში თითოეულმა მათგანმა თავისი წვლილი შეიტანა, გაჭირვების დროს კლუბის ინტერესები გაითვალისწინა და გვერდით დაუდგა.

კლუბში ახალი ინვესტორის მოსვლის საკითხი ჯერ კიდევ პროცესშია და, ვიმედოვნებ, რომ ყველაფერი სასიკეთოდ დასრულდება. "ტორპედო" აუცილებლად სჭირდება ქართულ ფეხბურთს.

და ბოლოს, მადლობა უფალს აქ გატარებული იმ სამი წლისთვის, რომელიც ყოველთვის ჩემს გულში იქნება. ძალიან მიყვარხართ!"
მკითხველის კომენტარები / 1 /
მაინც კუტაისჰი დაბრუნდები ასეა და რავკნატ
LEKSO KUTAISI
19:53 21-12-2019
2

ასევე დაგაინტერესებთ
სიახლეები პოპულარული