"საბურთალო" 8 იანვარს გუნდის ახალ მთავარ მწვრთნელს წარადგენს, - იტყობინება კლუბის ვებგვერდი.
კლუბის ხელმძღვანელები - პრეზიდენტი ტარიელ ხეჩიკაშვილი და აღმასრულებელი დირექტორი კახა კაშია ახალ მთავარ მწვრთნელს "ბენდელას" სტადიონის საპრესკონფერენციო დარბაზში 14:00 საათზე წარადგენენ.
შეგახსენებთ, რომ გიორგი ჭიაბრიშვილმა "საბურთალო" საქართველოს თასის ფინალის შემდეგ დატოვა, სადაც გუნდმა "ლოკომოტივი" 3:1 დაამარცხა. ჭიაბრიშვილი "საბურთალოს" 6 წლის განმავლობაში ხელმძღვანელობდა. 2018 წელს მისი მეთაურობით გუნდმა საქართველოს ჩემპიონობა მოიპოვა.
გავრცელებული ინფორმაციით, "საბურთალოს" მთავარი მწვრთნელობის მთავარი კანდიდატი გია ცეცაძეა, რომელმაც საქართველოს ახალგაზრდული ნაკრების თავკაცის პოსტი დატოვა.
![alt](/pictures/image50/1d013ca54a88106e2d400eaf87e2e634.jpg ""საბურთალო" ახალ მთავარ მწვრთნელს 8 იანვარს წარადგენს")
"საბურთალოს" პრეზიდენტი: ![alt](/pictures/image50/aa9ef97ce4006e1ee9ecc11e5c1a5810.jpg ""საბურთალო" ახალ მთავარ მწვრთნელს 8 იანვარს წარადგენს")
გიორგი ჭიაბრიშვილი: ჯერ არავისთან არ მილაპარაკია, დავისვენებ და მერე ვნახოთ
