ფაბიო მანინი: "ტორპედოს" ახალი ერა იწყება - მიზანი მხოლოდ გამარჯვებაა

AutoSharing Option
"ტორპედოს" ახალმა მფლობელმა ფაბიო მანინიმ დღეს ჩატარებულ პრესკონფერენციაზე შემდეგი განაცხადა:

"დღევანდელი დღე ძალიან მნიშვნელოვანია არა მარტო ჩემთვის, არამედ "ტორპედოსთვისაც", რადგან დღეს კლუბის ახალი ერა იწყება. დღეს კლუბის ახალ სპონსორ "ედენაროს" წარმოგიდგენთ. ასევე წარმოგიდგენთ იტალიური "კაპას" მაისურებს, რომლებიც გუნდს ამ სეზონში ეცმევა.

მოგეხსენებათ, სულ რამდენიმე კვირაა, რაც აქ ვიმყოფები, მაგრამ ამ ხნის განმავლობაში კლუბში საკმაოდ ბევრი რამ გაკეთდა. კმაყოფილი ვარ იმ საქმით, რისი გაკეთებაც ამ პერიოდში ყველამ ერთად მოვახერხეთ.

დავიმატეთ ბევრი ახალი ფეხბურთელი... გუშინ ამხანაგურ მატჩს დავესწარი და მიუხედავად იმისა, რომ
ახალი გუნდი ვართ და შეთამაშების პრობლემა ჯერ კიდევ გვაქვს, სამწვრთნელო შტაბის მიერ ამ დროში გაწეული სამუშაოთი კმაყოფილი ვარ. მჯერა, რომ რამდენიმე კვირაში სასურველ ფიზიკურ კონდიციებს მივაღწევთ და გუნდის თამაშიც გაუმჯობესდება. კვირის ბოლომდე კიდევ რამდენიმე ახალწვეულს წარვადგენთ და ამით გუნდის დაკომპლექტება დასრულდება.

დღეს არა მარტო ეკიპირებას, არამედ ახალ "ტორპედოს" წარმოგიდგენთ, რომლის მიზანიც მხოლოდ გამარჯვება უნდა იყოს.

მაისურები, რომლებსაც ახლა ხედავთ, შემდეგი თვიდან ჩვენს საიტზე გაიყიდება. რამაზ შენგელიას სახელობის სტადიონზე ვაპირებთ მაღაზიის გახსნასაც, სადაც მაისურებთან ერთად სხვადასხვა აქსესუარიც გაიყიდება.

"კაპას" ეკიპირება ყველა ასაკობრივ გუნდს ექნება. ვგეგმავთ სერიოზულ მუშაობას აკადემიის კუთხითაც. აკადემიაში 400-მდე ბავშვი იქნება როგორც იმერეთის, ისე სხვა რეგიონებიდანაც. ჩვენთვის მნიშვნელოვანია, მომავალ თაობას მიეცეს ის შესაძლებლობები, რომლებიც მათ ძველი მენეჯმენტის დროს არ ჰქონდათ.

სტადიონი კლუბის საკუთრებაში არ იმყოფება. წინა შეხვედრაზე ქუთაისის ვიცე-მერმა დავით ერემეიშვილმა აღნიშნა, რომ ქალაქის მხრიდან სტადიონისთვის მილიონ ლარზე მეტი გამოიყოფა და რომ ისინი იზრუნებენ სტადიონის მოწესრიგებაზე. ჩემთვის არაა ზუსტად ცნობილი, თუ კონკრეტულად რა ვადებში უნდა მოაწესრიგონ მათ სრულად სტადიონი, მაგრამ, როგორც მითხრეს, ეს პროცესი მალე დასრულდება.

მე ვიმყოფებოდი კლუბის საწვრთნელ ბაზაზე, შევისწავლე ის. სამწუხაროდ, ბაზაზე კარგი პირობები არ არის, სავარჯიშო მოედანიც ცუდ მდგომარეობაშია და ვგეგმავთ მის გამოცვლას. როგორც დაგპირდით, რამდენიმე დღეში წარმოგიდგენთ პროექტს, სადაც გაწერილი იქნება ის ყველაფერი, რის გაკეთებასაც ბაზაზე ვაპირებთ.

სხვა ყველაფერთან ერთად, ვგეგმავთ "ტორპედოს" ქალთა გუნდის დაფუძნებასაც", - ციტირებს მანინის კლუბის "ფეისბუქის" გვერდი.

მკითხველის კომენტარები / 7 /
წარმატებააა
0
წარმატება ტორპედოს, იმ უხსენებლებს ჩვენი ყოფილი იუდებიანად მალე ავატირებთ
ლადო
16:46 26-02-2020
0

სიახლეები პოპულარული