რომელი შეხვედრებით განახლდება საქართველოს ეროვნული ლიგა?

AutoSharing Option
საერთაშორისო პაუზის შემდეგ საფეხბურთო სამყარო საკლუბო დონეზე გადაერთვება. 17 ოქტომბერს, შაბათს, ტოპ ჩემპიონატებთან ერთად განახლდება საქართველოს ეროვნული ლიგაც.

შექმნილი ეპიდემიოლოგიური ვითარებიდან გამომდინარე, მე-13 ტურის ერთბაშად 5 შეხვედრა გადაიდო. აფიშით გამორჩეული 'დინამო არენაზე' გასამართი თბილისური დერბი იყო, სადაც თბილისის "დინამოს" მეტოქე "საბურთალო" უნდა ყოფილიყო. 

მიუხედავად ამისა, 14:30 საათზე სამტრედიაში ძალიან პრინციპული შეხვედრა გაიმართება. ადგილობრივი გუნდი თელავს უმასპინძლებს და უმნიშვნელოვანესი ქულების მოპოვებას შეეცდება. 12 ტურის შემდეგ, სამტრედიელები 12 ქულით გასავარდნ ზონაში იმყოფებიან, აღოსავლური კლუბის აქტივში კი 14 ქულაა და სატურნირო ცხრილში მე-6
პოზიციას იკავებს.

აღნიშნული დაპირისპირების შემდეგ, ქართული ფეხბურთის ქომაგის ყურადღების ეპიცენტრში გორი უნდა აღმოჩნდეს. "თენგიზ ბურჯანაძის" სახელობის არენაზე "დილა" "ჩიხურას" უმასპინძლებს. გორელები საკმაოდ კარგად გამოიყურებიან და თეორიულად, პირველ ადგილზე გადასვლის შანსი აქვთ, საჩხერელთა შემთხვევაში კი ჯერჯერობით ყველაფერი კატასტროფულად მიმდინარეობს.

სათამაშო დღეს ქუთაისის "ტორპედოსა" და თბილისის "მერანის" დაპირისპირება დაასრულებს. შეგახსენებთ, რომ შეხვედრა 20:00 საათზე დაიწყება.

altეროვნული ლიგა. XII ტური. ჩიხურა - ტორპედო [LIVE]

მკითხველის კომენტარები / 0 /
კომენტარი ჯერ არ გაკეთებულა.

სიახლეები პოპულარული