ვინ მოვა "დინამოში" და წავა გუნდიდან - გიორგი ნემსაძემ სატრანსფერო გეგმებზე ისაუბრა

AutoSharing Option
გადაცემა "ტაიმაუტის" სტუმარი "დინამო თბილისის" ახალი მწვრთნელი გიორგი ნემსაძე გახლდათ, რომელმაც კლუბის სატრანსფერო მიზნებზე ისაუბრა.

"ჩემი მიზანია, რომ გუნდში მოვიდეს 2-3 ძლიერი ლეგიონერი, რომლებიც გუნდში ამინდს შექმნიან, ვიდრე იყოს ბევრი ფეხბურთელი და უხარისხო.

ამ მოთამაშეების გარშემო გუნდი აეწყობა და მთავარი შემოქმედები სწორედ ისინი იქნებიან. ამის შესახებ გუნდის პრეზიდენტ რომან ფიფიასთან საუბარი უკვე მქონდა.

დასამალი არ არის, რომ ვესაუბრებით ეროვნული ნაკრების ფეხბურთელებსაც - იმ მოთამაშეებს, რომლებსაც თავიანთ კლუბებთან ხელშეკრულებები ამოეწურათ.

მიმდინარეობს საკმაოდ ინტენსიური მოლაპარაკებები. ბევრ მათგანს ურჩევნია კარიერა საზღვარგარეთ გააგრძელოს, მაგრამ
თუ ეს ვარიანტი არ გამოუვიდათ, შემდეგ გვეუბნებიან, თქვენ დაგიბრუნდებითო.

რა თქმა უნდა, არ დავივიწყებ აკადემიას. ვგეგმავ, რომ წარჩინებული და გამორჩეული მოთამაშეები დავაწინაურო და სწორედ იმ გამოცდილ მოთამაშეებს შევუწყვილო, ვის დამატებასაც ვაპირებთ.

არ მინდა, რომ გუნდის ძირითადი ბირთვი დაიშალოს. პირდაპირ ვიტყვი, რომ ჩემს სქემაში რამდენიმე ფეხბურთელი არ ჯდება. ამიტომ მათი გაშვება მომიწევს, თუმცა მათ გვარებს ახლა ვერ დავასახელებ.

ჩემი სტილი იქნება შეტევა, თუმცა ისეც არ უნდა გავაკეთოთ, რომ მეტოქემ აქეთ კონტრიერიშზე დაგვიჭიროს და ამით ისარგებლოს ხოლმე.

გუნდი 4 იანვარს შეიკრიბება, შემდეგ კი, 20 იანვარს ანტალიაში გავემგზავრებით და იქ განვაგრძობთ მზადებას.

ვიცი, რომ აქ შედეგის დასადებად მოვედი. არავინ არ დამაცდის 2 და 3 წელს. გულშემატკივარს შედეგი ახლავე სჭირდება, რადგან ეს "დინამო თბილისია" და ამით ყველაფერი ნათქვამია.

ჩემპიონთა ლიგის საკვალიფიკაციო ეტაპის თამაშებზე ჩემი გუნდი ყველა მოწინააღმდეგეს ისე ეთამაშება, თითქოს ჩვენ ლიგის ფინალი გვქონდეს", - ამბობს ნემსაძე.

მკითხველის კომენტარები / 18 /
აკადემიის ახალგაზრდებს უფრო მეტი ნდობა უნდა ქონდეთ, იქ გამორჩეული და პრესპექტიულები 17-18 წლის ასაკში უკვე პირველ გუნდში უნდა თამაშობდნენ, რადგან მერე უაზროდ იკარგებიან,2-3 ძლიერი ლეგიონერთან ერთად აკადემიის ახალგაზრდები ბევრს ისწავლიან.ახლანდელი დინამოდან ბევრი ლეგიონერიანად და ზოგი ქართველიებიანად გასაშვებები არიან. ნემსაძეს უნდა დააცადონ გუნდის გაკეთება.
ziko
29 დეკემბერი 2020 21:11
0
წარმატებები, შენი პროფესიონალიზმის და ცოდნის გვეიმედება, თუმცა ფიფიასი არა! სამწუხაროდ ბევრია წინასწარვე სკეპტიკურად განწყობილი, თუმცა არა ნემსაძეს გამო, არამედ ფიფიას უუნარობის გამო!
გიორგი
25 დეკემბერი 2020 16:02
1
სხვა გუნდებს კი ჯობიხართ ასე თუ ისე საქართველოში და ეგ თუა თქვენი მაქსიმუმი მაშინ მიგიღწევიათ. სანამ ტორპედო სულს ღაფავს და სხვებიც არ არიან კარგ ყოფაში, სანამ ბავშვთა ფეხბურთი არ გახდება ყველასათვის ხელმისაწვდომი მთელ ქვეყანაში (ფეხბურთი ღარიბების სპორტია) სანამ დონე არ აიწევს ჩემპიონატის. გახვალთ ევროსარბიელზე და გაგაფარჩაკებენ დარეჯები , მეცხვარეები, მეჯოგეები და ა.შ.
ქართველი
25 დეკემბერი 2020 14:52
0
ამით ყველაფერი ნათქვამია ჩემი აზრით და არანაირი სტრატეგია ამის უკან არ დგას: "არავინ არ დამაცდის 2 და 3 წელს"
vato
28 დეკემბერი 2020 16:45
1
სანდრო შინჯიკაშვილი, იგივე დრიბლინგა დაიმატე გია, გქონდეს მაგ ბიჭის იმედი. მიეცი შანსი და არ შეგარცხვენს. წარმატებები დინამოს
დრიბლინგას ფანი
26 დეკემბერი 2020 01:11
3
მწვრნელს ერთი წლიანი კონტრაქტი აქვს??.. რა უნდა ქნას? ახალი გუნდიც გააკეთოს და შედეგებიც დადოს?.. საკვირველია მაურინიოს, კლოპს ან გვაერდიოლას არ თხოვენს ამდენს.. ამიტომ მე პირადად იმედი არ მაქვს,რომ რამე გამოვა..საქართველოს ჩემპიონობა ალბათ კი..
კახაკ
30 დეკემბერი 2020 16:49
2
გააკეთეთ გამოხმაურება
X
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას,სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.

სიახლეები პოპულარული