დღეს, 12 აპრილს, საქართველოს ეროვნული ლიგის მე-8 ტურის შეხვედრაში, ბათუმის "დინამო" წყალტუბოს "სამგურალს" გორში, თენგიზ ბურჯანაძის სახელობის სტადიონზე დაუხვდა და 2:0 დაამარცხა.
პირობითმა მასპინძლებმა ანგარიში თამაშის დაწყებიდან მალევე, მე-4 წუთზე გახსნეს - ჯაბა ჯიღაურის მარჯვენა ფლანგიდან ჩაწოდებული ბურთი მაქსიმე ქვილითაიას კარში ზუსტად გიორგი ფანცულაიამ გადაგზავნა - 1:0.
პირველ ტაიმში მეტი გოლი აღარ გასულა და ბათუმელები მეორე ნახევრის დაწყებამდე მინიმალური სხვაობით იგებდნენ.
მეორე ტაიმის სტარტზევე აჭარლებმა მეორე გოლი გაიტანეს. ფანცულაიამ მეკარის ბაქანზე მყოფ გიორგი ნიქაბაძეს ჩაუწოდა, ამ უკანასკნელმა კი ნახტომში თავით ზუსტად დაარტყა - 2:0.
აღსანიშნავია, რომ ეს გოლი წყალტუბოელებმა გააპროტესტეს, მიიჩნიეს, რომ ბურთმა მოედნის ფარგლები ფანცულაიას ჩაწოდებამდე დატოვა. თუმცა შეხვედრის მთავარმა არბიტრმა ირაკლი კვირიკაშვილმა გოლი ჩათვალა.
ამის შემდეგ საგოლე მომენტები ორივე გუნდის კართან იყო, თუმცა ანგარიში აღარ შეცვლილა. ბათუმის "დინამომ" მე-5 გამარჯვება მოიპოვა, 18 ქულა დააგროვა და ლიდერ თბილისის "დინამოს" 1 ქულით ჩამორჩება.
12 აპრილი. გორი, თენგიზ ბურჯანაძე
ბათუმის დინამო - სამგურალი 2:0
1:0 ფანცულაია (4), 2:0 ნიქაბაძე (53)
![ეროვნული ლიგა. XXXV ტური. "დინამო" (ბთ) - "დილა" [LIVE]](/pictures/image7/7f8b36181a2855a107712cdd015b569e.jpg "ეროვნული ლიგა. XXXV ტური. \"დინამო\" (ბთ) - \"დილა\" [LIVE]")
![ეროვნული ლიგა. XXXIV ტური. "დინამო" (თბ) - "დინამო" (ბთ) [LIVE]](/pictures/image7/dc76f4b19e87731638aa25fbcb3ba236.png "ეროვნული ლიგა. XXXIV ტური. \"დინამო\" (თბ) - \"დინამო\" (ბთ) [LIVE]")
![ეროვნული ლიგა. XXXIII ტური. "დინამო" (ბთ) - "იბერია 1999" [LIVE]](/pictures/image7/566f2159137b5e3373818ab6b88ce22e.png "ეროვნული ლიგა. XXXIII ტური. \"დინამო\" (ბთ) - \"იბერია 1999\" [LIVE]")
