დიდი ზეიმი და ბათუმელთა გამარჯვება ახალ არენაზე [VIDEO]

ეროვნული ლიგის მე-12 ტურში ახალ „ბათუმი არენაზე“ ბათუმის "დინამომ" თბილისის "დინამო" 1:0 დაამარცხა.

ლიდერთა შეხვედრა ისედაც საინტერესო იყო და მით უმეტეს ბათუმის ახალ სტადიონზე პირველი მატჩი ჩატარდა. პირველ ტაიმში ტერიტორიულ და სათამაშო უპირატესობას მასპინძლები ფლობდნენ, რომლებსაც აქტიურად უჭერდნენ მხარს გულშემატკივრები, სისტემტურად უტევდნენ და 42-ე წუთზე ჯიღაურმა თავისი გუნდი დააწინაურა. ეს მიმდინარე ჩემპიონატზე მისი მეხუთე გოლია. რაც შეეხება სტუმრებს, ძალიან პასიურად გამოიყურებოდნენ და მომენტებს ვერ ქმნიდნენ.



12 მაისს ბათუმის „დინამო“ გასვლაზე „სამტრედიას“ შეხვდება, თბილისის „დიმამო“ კი იმავე დღეს „საბურთალოს“ დაუპირისპირდება.

ბათუმი. „ბათუმი არენა“
დინამო (ბთ) - დინამო (თბ) 1:0
გოლი: ჯიღაური (42)

დინამო (ბთ) (4-5-1): კუპატაძე, ნავალოვსკი (მანჯგალაძე 67), აზაცკი (კ), კობახიძე (კ), ჩაბრაძე, ტეიდი, ჯიღაური, მამუჩაშვილი, ალთუნაშვილი (ზარია 76), გროზურეკი (აზაროვი 58), ფანცულაია (შინდაგორიძე 66)

მწვრთნელი: გეგუჩაძე

დინამო (თბ) (3-5-2): კვასხვაძე, კობოური, მონხილი, სპორკსლედე, ხვადაგიანი, ქარდავა (ანანიძე 63), რადინი, პაპავა (კ), მექვაბიშვილი (კუცია 71), გაბედავა (ახვლედიანი 59), მარუშიჩი (კეიტა 63)