"სამგურალმა" ზედიზედ მესამედ იმარჯვა და წინ მიიწევს [VIDEO]

ეროვნული ლიგის მე-15 ტურის დასკვნით მატჩში "სამგურალმა" გასვლაზე "სამტრედია" 3:2 დაამარცხა.

სტუმრებმა, რომლებიც ნაკრებში გამოძახებული კუხიანიძის გარეშე თამაშობდნენ, დებიუტშივე გახსნეს ანგარიში - საჯარიმოდან დოლიძის დარტყმული ბურთი გიორგაძეს მოხვდა და რიკოშეტით ქურდაძის კარში გავიდა. მასპინძლებმა საპასუხო გოლი ანალოგიურად გაიტანეს. ამის შემდეგ წყალტუბოელებმა აქტიურად შეუტიეს. ქურდაძემ ორჯერ გადაარჩინა თავისი გუნდი, თუმცა 38 წლის დოლიძემ მალე კვლავ დააწინაურა „სამგურალი“. მორიგი იერიშისას კირკიტაძის დარტყმული ბურთი ძელს მოხვდა.



9 ივნისს „სამტრედია“ ქუთაისში „ტორპედოს“ დაუპირისპირდება, ხოლო 10 ივნისს „სამგურალი“ „ლოკომოტივს“ უმასპინძლებს.

სამტრედია. „ეროსი მანჯგალაძე“
სამტრედია - სამგურალი 2:3
გოლები: 0:1 დოლიძე (8), 1:1 ილურიძე (22), 1:2 დოლიძე (36), 2:2 რუხაძე (76), 2:3 ბუხაიძე (87)

სამტრედია (3-4-1-2): ქურდაძე, ლალიჩი (ერაძე 84), გიორგაძე (კ), ნადირაძე, ცეცხლაძე, კვირკვია, მესიაჩენკო, კობახიძე (ლუკავა 56), რუხაძე, რობაქიძე (ლომთაძე 63), ილურიძე (ჯიქია 84)

მწვრთნელი: ცეცაძე

სამგურალი (4-3-3): ქვილითაია, პატარკაციშვილი, ქურდაძე, ბურჯანაძე, ფონიავა (თევზაძე 81), ჩიხლაძე (ახვლედიანი 73), კირკიტაძე, დოლიძე (ლექვთაძე 58), კიკაბიძე (კ) (ვერულიძე 81), კალანდარიშვილი, ბუხაიძე