"სამგურალმა" "საბურთალოს" აწ უკვე ყოფილი თავდამსხმელი რაფიქ ამინუ დაიმატა, - ამის შესახებ ინფორმაციას წყალტუბოური კლუბი თავისი "ფეისბუქის" გვერდით ავრცელებს:
"წყალტუბოს "სამგურალმა" "საბურთალოდან" 21 წლის განელი ფორვარდი რაფიქ ამინუ დაიმატა. კლუბსა და ფეხბურთელს შორის წელიწადნახევრიანი კონტრაქტი გაფორმდა. დღეს, "სამგურალის" სპორტულმა დირექტორმა ბესიკ ხაჭიპერაძემ ახალწვეულს სიმბოლურად კლუბის მაისური გადასცა და წარმატებები უსურვა.
რაფიქ ამინუ საქართველოში გასულ წელს "შევარდენის" რიგებში გამოჩნდა და ეროვნულ ლიგა 2–ში ჩატარებულ 9 შეხვედრაში 7 გოლი გაიტანა. მიმდინარე სეზონი ამინუმ "საბურთალოში" დაიწყო და ეროვნული ლიგის 7 შეხვედრაში ითამაშა.
საქართველოში
ჩამოსვლამდე განელი ფორვარდი განის პრემიერლიგასა და ბენინის ჩემპიონატში ასპარეზობდა.
"ახალ კლუბში თავს ისე ვგრძნობ, როგორც საკუთარ სახლში, ყველაფერს გავაკეთებ, რომ "სამგურალში" საკუთარი შესაძლებლობები მაქსიმალურად გამოვავლინო. ვეცდები ძირითად შემადგენლობაში დავიმკვიდრო ადგილი და ბევრი გოლი გავიტანო. "სამგურალი" საინტერესო და მებრძოლი გუნდია, იმედია, ჩვენთვის მიმდინარე სეზონი წარმატებული იქნება!" – განაცხადა რაფიქ ამინუმ.
![alt](/pictures/image50/ac7a5cd0823334e4baa93c257c2481a8.jpg ""სამგურალმა" განელი თავდამსხმელი დაიმატა")
"თელავის" ფრე სამგურალთან" - "საბურთალოს" მოგება "ტორპედოსთან"
![ეროვნული ლიგა. XXXIII ტური. "სამგურალი" - "სამტრედია" [LIVE]](/pictures/image7/5a6c33f826862eff21fc15ad654617d7.png "ეროვნული ლიგა. XXXIII ტური. \"სამგურალი\" - \"სამტრედია\" [LIVE]")
![ეროვნული ლიგა. XXXI ტური. "კოლხეთი" - "სამგურალი" [LIVE]](/pictures/image7/0581d80e95235b67f8ba5ff70566268a.jpg "ეროვნული ლიგა. XXXI ტური. \"კოლხეთი\" - \"სამგურალი\" [LIVE]")
