"მხოლოდ ჭორია" - მიხეილ ხუციშვილი "სამტრედიას" პროტესტსა და არაბიძეზე

ეროვნული ლიგის დასრულებამდე მხოლოდ 3 ტური დარჩა. "სამტრედია" მძიმე სატურნირო მდგომარეობაშია, რასაც გავრცელებული ინფორმაციაც დაერთო, რომ გუნდის ფეხბურთელები პროტესტის ნიშნად ვარჯიშზე უარს აცხადებენ.

sportall.ge კლუბის სპორტულ დირექტორ მიხეილ ხუციშვილს დაუკავშირდა:

"სავარჯიშო პროცესის შეწყვეტასთან დაკავშირებული ინფორმაცია მხოლოდ ჭორია - გუნდი ჩვეულებრივ ემზადება და 21 ნოემბერს ქუთაისის "ტორპედოს" დაუპირისპირდება. რაც შეეხება სახელფასო საკითხს - ფეხბურთის განვითარების ფონდიდან სტიმულირების თანხების გვიან ასახვის გამო კლუბს მოთამაშეებთან 2-თვიანი დავალიანება აქვს, რომლის ერთი ნაწილიც მიმდინარე კვირის ბოლოს, დარჩენილი კი დეკემბრამდე დაერიცხებათ.

"სამტრედია" მომავალ სეზონს, დიდი ალბათობით, ეროვნულ ლიგა 2-ში დაიწყებს. 3 შეხვედრის შემდეგ დავსხდებით, სიტუაციას შევაფასებთ და მომავალ გეგმებს განვიხილავთ...

გიორგი არაბიძეს იჯარა 31 დეკემბრამდე აქვს. შემდეგ ის პორტუგალიურ "ნასიონალს" დაუბრუნდება, რომელთანაც ხელშეკრულება აკავშირებს".

შეგახსენებთ, სამტრედიელებმა ცოტა ხნის წინ გია ცეცაძე გაათავისუფლეს, მთავარი მწვრთნელის მოვალეობის შემსრულებელმა ლერი მეგენეიშვილმა კი საჩემპიონოდ შემზადებული ბათუმის "დინამოს" (2:1) დამარცხება მოახერხა. "სამტრედია" ეროვნულ ლიგაში უკანასკნელ საფეხურზეა და ქობულეთის "შუქურას" 7 ქულით ჩამორჩება.

სენსაცია - ბათუმის "დინამო" აუტსაიდერთან დამარცხდა [VIDEO]

"ტორპედოში" ცვლილებები გრძელდება - გუნდი გამოცდილმა მეკარემ დატოვა