ბათუმში "დინამოსა" და "საბურთალოს" დაძაბული მატჩი ფრედ დასრულდა [VIDEO]

ეროვნული ლიგის მეოთხე ტურში ბათუმის „დინამო“ საკუთარ მოედანზე „საბურთალოს“ დაუზავდა - 2:2.

მატჩი საინტერესო და დაძაბული გამოდგა. 24-ე წუთზე ანანიძემ თამაშის გაგრძელება ვერ შეძლო და შეცვალეს. ცოტა ხანში სტუმრებმა მეკარე კუპატაძის შეცდომით ისარგებლეს და სიხარულიძემ დააწინაურა. 37-ე წუთზე ფლამარიონიმ ანგარიში გაათანაბრა. 69-ე წუთზე შ. ნონიკაშვილმა „საბურთალო“ წინ გაიყვანა. შეცვლაზე შესულმა ბიძინაშვილმა მალევე გაათანაბრა ანგარიში. მან 3 შეხვედრაში 3-ჯერ დალაშქრა მეტოქეთა კარი. დარჩენილ დროში მასპინძლები უპირატესობას ფლობდნენ, მაგრამ მესამე გოლი ვერ გაიტანეს და შეხვედრა ფრედ დასრულდა.

18 მარტს ბათუმის „დინამო“ გასვლაზე „ლოკომოტივს“ შეხვდება, ხოლო „საბურთალო“ 19 მარტს თბილისის „დინამოს“ დაუპირისპირდება.

ბათუმი. „აჭარაბეთ არენა“
დინამო (ბთ) - საბურთალო 2:2
გოლები: 0:1 სიხარულიძე (26), 1:1 ფლამარიონი (37), 1:2 შ. ნონიკაშვილი (65), 2:2 ბიძინაშვილი (76)

დინამო (ბთ) (4-2-3-1): კუპატაძე, ჩაბრაძე (გაფრინდაშვილი 61), კობახიძე (კ), აზაცკი, აზაროვი, ფალავანდიშვილი (ტეიდი 46), ალთუნაშვილი, მამუჩაშვილი, ფლამარიონი (ბიძინაშვილი 74), ანანიძე (ზარია 24), ფანცულაია (ლობჯანიძე 61)

საბურთალო (4-2-3-1): გოშაძე, ლაცაბიძე, ჯგერენაია, კაკუბავა (კ), გოჩოლეიშვილი, ქარდავა, შ. ნონიკაშვილი, გულიაშვილი (იაშვილი 90+3), ლ. ნონიკაშვილი (ქავთარაძე 75), ტაბატაძე (შინდაგორიძე 75), სიხარულიძე (მიოჩი 88)

"საბურთალომ" "ტორპედო" უპრობლემოდ დაამარცხა [VIDEO]