კვარაცხელია - "ნაპოლის" პრეზიდენტს სჯერა, მწვრთნელი არაფერს ამბობს, ტიფოზებს აინტერესებთ

მართალია, ეროვნული ლიგა სხვა დონის ჩემპიონატია, ვიდრე იტალიის სერია "ა", მაგრამ ბათუმის "დინამოს" გარემარბსა და "ნაპოლის" მომავალ წევრს, ხვიჩა კვარაცხელიას, ახლა ყველაზე მეტად თავდაჯერების აღდგენა, გოლების გატანა და სათამაშო წუთები სჭირდებოდა, რასაც წარმატებით ახერხებს.

"ქართველი მესი", როგორც ეს ყაზანის "რუბინში" თანაგუნდელებმა ხუმრობით შეარქვეს, შესანიშნავ ფეხბურთს თამაშობს და ლიგაში აშკარად გამორჩეულია. ხვიჩამ დაახლოებით ერთ თვეში 4 გოლის გატანა შეძლო.

იტალიაში კვარაცხელიას მიმართ სკეპტიციზმი ჯერ კიდევ არსებობს. "ნაპოლის" პრეზიდენტი დე ლაურენტისი იმედოვნებს, რომ ის გადატრიალებას მოახდენს, გუნდის თავკაცი სპალეტი საერთოდ არაფერს ამბობს,

ტიფოზებს კი ხვიჩას ხილვა აინტერესებთ. მართალია, იტალიის ჩემპიონატი სხვა მასშტაბია, თუმცა ქართველი ფეხბურთელის კარგი ფიზიკური მდგომარეობა აღსანიშნავია.

კვარაცხელიამ გორის "დილას" მშვენიერი გოლი გაუტანა და კიდევ ერთხელ აჩვენა, რომ არანაკლებ ტექნიკურია, ვიდრე ინსინიე და პოლიტანო. ქართველი გარემარბის მთავარი კონკურენტი ლოსანო იქნება, რომელიც ლოგიკურად, მარცხენა ფლანგზე სასტარტო შემტევი უნდა გახდეს.

მომზადებულია Napolcalciolive-ის მიხედვით

იტალიური მედია კვარაცხელიათი აღფრთოვანებას არ მალავს