საქართველოს ნაკრების ექსწევრი, ცნობილი მეკარის სეხნია და ბრაზილიელის მოლოდინში - "სამგურალი" ემზადება

წყალტუბოს "სამგურალმა" ეროვნული ლიგის გასული სეზონი მე-4 ადგილზე დაასრულა. ეს საკმაოდ კარგი შედეგია, მით უმეტეს, იმის ფონზე, რომ გუნდი მანამდე აუტსაიდერებში იმყოფებოდა, თუმცა კლუბში არაერთი ცვლილება განხორციელდა.



წყალტუბოელთა მთავარი მწვრთნელი გიორგი მიქაძე (ასისტენტებთან ერთად) აღარ იქნება და ის 37 გიორგი ჭელიძემ ჩაანაცვლა, რომელიც Pro-ლიცენზიის მქონე, ძლიერ სპეციალისტად მიიჩნევა. ცვლილებაა სხვა პოზიციებზეც. "სამგურალის" სპორტულ დირექტორად ახლო წარსულში ცნობილი ფორვარდი, საქართველოს ნაკრების ექსწევრი მიხეილ აშვეთია დაინიშნა.



"სამგურალში", ისევე, როგორც სხვა კლუბებში, მოსამზადებელ ეტაპზე სატრანსფერო სიახლეებს ველით. ძმები ხორხელების გადაბირების შესახებ უკვე მოგეხსენებათ. გუნდი სათადარიგო მეკარემ, მაქსიმე ქვილითაიამ დატოვა. ჭელიძის გუნდის მთავარი კიპერი კვლავ გასულ ჩემპიონატში ერთ-ერთი გამორჩეული ლევან შოვნაძე იქნება. გუნდში თბილისის "ლოკომოტივიდან" მივიდა 18 წლის პერსპექტიული მეკარე გიორგი ლომაია. ის წლების განმავლობაში ეროვნული ნაკრების კარის დარაჯის სეხნიაა.



კიდევ ერთი სიახლე ისაა, რომ 40 წლის ასაკში გრიგოლ დოლიძემ საფეხბურთო კარიერა დაასრულა. "სამგურალში" ტრანსფერები უნდა გაგრძელდეს და ჩვენი ინფორმაციით, გუნდში მალე ბრაზილიელ ფეხბურთელსაც ელიან.

იმერული კლუბი ჯერ ადგილზე ემზადება, 15 იანვრიდან კი ანტალიაში გაემგზავრება.

"სამგურალი" ძმები ხორხელებით გაძლიერდა

"ბრაზილია მენატრება, მაგრამ საქართველო ისე მიყვარს, აქ დავრჩები საცხოვრებლად..." - ინტერვიუ "სამგურალის" ბრაზილიელ ლეგიონერთან