კრისტალბეთ ეროვნულ ლიგაში მე-11 ტური გაიმართა. ვნახეთ დრამატული 3:3, ასევე დაფიქსირდა სეზონში ყველაზე დიდი სხვაობა ანგარიშში, იყო სადებიუტო გოლებიც. ლიდერსა და მეორეადგილოსანს შორის სხვაობა კი ოთხის ნაცვლად ორი ქულა გახდა...
გაგრა 1:1 თელავი
ცხრილში მეზობელი გუნდების დაპირისპირება ფრედ დასრულდა. "გაგრა" პირველი ტაიმის ბოლოს დაწინაურდა თეიმურაზ შონიას გოლით. შონიასთვის ამ სეზონში მეოთხე გოლი იყო... მეორე ტაიმში კი "თელავის" ნახევარმცველმა გიორგი ილურიძემ გაათანაბრა თავურით - 1:1.
"გაგრა" მეშვიდე ადგილზეა, ხოლო "თელავი" - მერვეზე. კახეთის გუნდს ჯერჯერობით ერთი გამარჯვება აქვს: სტუმრად "შუქურასთან"...
სამგურალი 4:1 შუქურა
წყალტუბოელებმა ზედიზედ მეხუთე მატჩი მოიგეს, ხოლო "შუქურა" ზედიზედ მეოთხედ დამარცხდა. ასე რომ, სერიები გაგრძელდა.
მე-20 წუთზე ნოდარ ლომინაძემ პენალტით დააწინაურა "სამგურალი", ხოლო ტაიმის ბოლოს "შუქურას" ნახევარმცველმა ცოტნე ფაცაციამ საჯარიმო დარტყმით გაათანაბრა - 1:1.
მეორე ტაიმში კი "სამგურალის" უპირატესობა აშკარა გახდა. ლომინაძემ ითამაშა კარგად, გარღვევის მერე კარში დაარტყა, მეკარე გიორგი აბრამიშვილს ბურთი ხელიდან გაუვარდა და ნიკა ხორხელმა დასწრებაზე გაიტანა - 2:1.
მალევე "სამგურალის" ბენინელმა შემტევმა შარბელ გომესმა ხანგრძლივი შეტევა დაასრულა ძლიერი დარტყმით. ეს ბენინელის პირველი გოლია კრისტალბეთ ეროვნულ ლიგაში.
ბოლოს კი შეცვლაზე შესულმა ლადო ჩიხრაძემ პირისპირ გასვლისას გაიტანა და 4:1. იქ ნიკა კალანდარიშვილის კარგი პასიც უნდა აღვნიშნოთ.
"სამგურალი" მესამე ადგილზეა, ხოლო "შუქურა" - ბოლოზე.
სამტრედია 0:2 დინამო თბ
"დინამო თბილისმა" სამმატჩიანი მოუგებელი სერია სამტრედიაში შეწყვიტა. სერბმა ზორან მარუშიჩმა დუბლი შეასრულა - 0:2.
მარუშიჩს მიმდინარე სეზონში 7 გოლი მოუგროვდა და დაეწია "დინამო ბათუმის" ფორვარდ ჯოვინო ფლამარიონს. ახლა თანალიდერობენ ბომბარდირთა დავაში.
სერბმა ჯერ ულად-ომარ იმრანის მშვენიერი დაფარული პასი გამოიყენა, მეკარე მოატყუა და ცარიელ კარში გაიტანა; მეორე ტაიმში კი ვაგნერ გონსალვესის ჩაწოდებულზე თავით ითამაშა კარგად და მეორე გაიტანა.
"დინამო თბილისი" 2 ქულით ჩამორჩება "დინამო ბათუმს", "სამტრედია" კი ბოლოდან მეორე ადგილზეა.
საბურთალო 3:3 დინამო ბთ
უხვგოლიანი და დრამატული მატჩი გაიმართა რუსთავში. მშვენიერ ფორმაში მყოფი "საბურთალო" ლიდერ "დინამო ბათუმთან" 87-ე წუთამდე 0:3-ს აგებდა და... 3:3 ითამაშა.
პირველი ტაიმის ბოლო წუთები იყო, როცა ბათუმელები პაატა ღუდუშაურმა დააწინაურა მახვილი კუთხიდან დარტყმით - 0:1. მეორე ტაიმის დასაწყისშივე გიორგი ზარიამაც გაიტანა, შორეულ კუთხეში კარგად დაუმიზნა და სხვაობა ორბურთიანი გახდა.
73-ე წუთზე ვლადიმერ მამუჩაშვილმა პენალტით 0:3 გახადა ანგარიში. სიტუაცია კი ასეთი იყო: "საბურთალოს" მეკარე ლაზარე კუპატაძემ კეფაში მოარტყა ხელი ბათუმელთა მცველ საშა ბალიჩს. არბიტრმა დავით ხარიტონაშვილმა VAR-ზე გადაამოწმა ეპიზოდი, პენალტიც დანიშნა და კუპატაძეც გააფრთხილა.
87-ე წუთზე კი თამაში შეიცვალა: ოთარ მამაგეიშვილის კარგ შორეულ პასს მოჰყვა ლუკა სილაგაძის ზუსტი დარტყმა და 1:3. ორ წუთში მალელმა ფორვარდმა შეიკნე სილამ გიორგი ჯინჯოლავას გამჭოლი პასი გამოიყენა და ვარდნაში ფეხით გაიტანა...
კულმინაცია კი იყო მსაჯის მიერ დამატებულ წუთებზე. ხარიტონაშვილმა კიდევ ერთი პენალტი დანიშნა VAR-ზე გადამოწმების მერე, ოღონდ ამჯერად ბათუმელთა კარში, სილაზე წესების დარღვევა დააფიქსირა. სილამ თავად დაარტყა და გაიტანა - 3:3.
მატჩი 104-ე წუთზე დასრულდა...
"დინამო ბათუმი" ლიდერია და 2 ქულით უსწრებს "დინამო თბილისს". "საბურთალო" კი მეოთხეზეა. საინტერესოა, რომ საბურთალოელებმა ბოლო 4 შეხვედრაში 3-3 გოლი გაუტანეს "თელავს", "დინამო თბილისს", "ტორპედოსა" და "დინამო ბათუმს".
დილა 5:0 ტორპედო
მიმდინარე კრისტალბეთ ეროვნულ ლიგაში ყველაზე დიდი სხვაობა დაფიქსირდა: "დილა"-"ტორპედო" 5:0.
42-ე წუთზე რევაზ ჩიტეიშვილმა შორიდან დარტყმით გაიტანა. ეს მისი პირველი გოლია სეზონში.
დანარჩენი ოთხი გოლი კი შესვენების მერე ვნახეთ. დასაწყისშივე, 45-ე წამზე, ონორე გომისმა ჩააწოდა და ნიკა გაგნიძემ თავურით გაგზავნა ბურთი კარში - 2:0.
მალევე ისევ გომისმა დაიწყო შეტევა, კარგი პასი გააკეთა და ბარბადოსელმა ტიერი გეილმაც მშვენიერი გოლი გაიტანა.
70-ე წუთზე გეილმა კიდევ ერთხელ გაიბრწყინა, ძლიერად დაარტყა და სეზონში უკვე 6 გოლი მოაგროვა.
ბოლოს კი გიორგი ცეცხლაძემ თავზე გადაუგდო ბურთი მეკარე ოთო გოშაძეს - 5:0. ეს 20 წლის ცეცხლაძის პირველი გოლია კრისტალბეთ ეროვნულ ლიგაში.
"დილა" მეხუთე ადგილზეა, "ტორპედო" - მეექვსეზე. ქუთაისელებმა წინა მატჩიც დიდი ანგარიშით წააგეს, კერძოდ, "საბურთალოსთან" 0:3.
გაგრა 1:1 თელავი
ცხრილში მეზობელი გუნდების დაპირისპირება ფრედ დასრულდა. "გაგრა" პირველი ტაიმის ბოლოს დაწინაურდა თეიმურაზ შონიას გოლით. შონიასთვის ამ სეზონში მეოთხე გოლი იყო... მეორე ტაიმში კი "თელავის" ნახევარმცველმა გიორგი ილურიძემ გაათანაბრა თავურით - 1:1.
"გაგრა" მეშვიდე ადგილზეა, ხოლო "თელავი" - მერვეზე. კახეთის გუნდს ჯერჯერობით ერთი გამარჯვება აქვს: სტუმრად "შუქურასთან"...
სამგურალი 4:1 შუქურა
წყალტუბოელებმა ზედიზედ მეხუთე მატჩი მოიგეს, ხოლო "შუქურა" ზედიზედ მეოთხედ დამარცხდა. ასე რომ, სერიები გაგრძელდა.
მე-20 წუთზე ნოდარ ლომინაძემ პენალტით დააწინაურა "სამგურალი", ხოლო ტაიმის ბოლოს "შუქურას" ნახევარმცველმა ცოტნე ფაცაციამ საჯარიმო დარტყმით გაათანაბრა - 1:1.
მეორე ტაიმში კი "სამგურალის" უპირატესობა აშკარა გახდა. ლომინაძემ ითამაშა კარგად, გარღვევის მერე კარში დაარტყა, მეკარე გიორგი აბრამიშვილს ბურთი ხელიდან გაუვარდა და ნიკა ხორხელმა დასწრებაზე გაიტანა - 2:1.
მალევე "სამგურალის" ბენინელმა შემტევმა შარბელ გომესმა ხანგრძლივი შეტევა დაასრულა ძლიერი დარტყმით. ეს ბენინელის პირველი გოლია კრისტალბეთ ეროვნულ ლიგაში.
ბოლოს კი შეცვლაზე შესულმა ლადო ჩიხრაძემ პირისპირ გასვლისას გაიტანა და 4:1. იქ ნიკა კალანდარიშვილის კარგი პასიც უნდა აღვნიშნოთ.
"სამგურალი" მესამე ადგილზეა, ხოლო "შუქურა" - ბოლოზე.
სამტრედია 0:2 დინამო თბ
"დინამო თბილისმა" სამმატჩიანი მოუგებელი სერია სამტრედიაში შეწყვიტა. სერბმა ზორან მარუშიჩმა დუბლი შეასრულა - 0:2.
მარუშიჩს მიმდინარე სეზონში 7 გოლი მოუგროვდა და დაეწია "დინამო ბათუმის" ფორვარდ ჯოვინო ფლამარიონს. ახლა თანალიდერობენ ბომბარდირთა დავაში.
სერბმა ჯერ ულად-ომარ იმრანის მშვენიერი დაფარული პასი გამოიყენა, მეკარე მოატყუა და ცარიელ კარში გაიტანა; მეორე ტაიმში კი ვაგნერ გონსალვესის ჩაწოდებულზე თავით ითამაშა კარგად და მეორე გაიტანა.
"დინამო თბილისი" 2 ქულით ჩამორჩება "დინამო ბათუმს", "სამტრედია" კი ბოლოდან მეორე ადგილზეა.
საბურთალო 3:3 დინამო ბთ
უხვგოლიანი და დრამატული მატჩი გაიმართა რუსთავში. მშვენიერ ფორმაში მყოფი "საბურთალო" ლიდერ "დინამო ბათუმთან" 87-ე წუთამდე 0:3-ს აგებდა და... 3:3 ითამაშა.
პირველი ტაიმის ბოლო წუთები იყო, როცა ბათუმელები პაატა ღუდუშაურმა დააწინაურა მახვილი კუთხიდან დარტყმით - 0:1. მეორე ტაიმის დასაწყისშივე გიორგი ზარიამაც გაიტანა, შორეულ კუთხეში კარგად დაუმიზნა და სხვაობა ორბურთიანი გახდა.
73-ე წუთზე ვლადიმერ მამუჩაშვილმა პენალტით 0:3 გახადა ანგარიში. სიტუაცია კი ასეთი იყო: "საბურთალოს" მეკარე ლაზარე კუპატაძემ კეფაში მოარტყა ხელი ბათუმელთა მცველ საშა ბალიჩს. არბიტრმა დავით ხარიტონაშვილმა VAR-ზე გადაამოწმა ეპიზოდი, პენალტიც დანიშნა და კუპატაძეც გააფრთხილა.
87-ე წუთზე კი თამაში შეიცვალა: ოთარ მამაგეიშვილის კარგ შორეულ პასს მოჰყვა ლუკა სილაგაძის ზუსტი დარტყმა და 1:3. ორ წუთში მალელმა ფორვარდმა შეიკნე სილამ გიორგი ჯინჯოლავას გამჭოლი პასი გამოიყენა და ვარდნაში ფეხით გაიტანა...
კულმინაცია კი იყო მსაჯის მიერ დამატებულ წუთებზე. ხარიტონაშვილმა კიდევ ერთი პენალტი დანიშნა VAR-ზე გადამოწმების მერე, ოღონდ ამჯერად ბათუმელთა კარში, სილაზე წესების დარღვევა დააფიქსირა. სილამ თავად დაარტყა და გაიტანა - 3:3.
მატჩი 104-ე წუთზე დასრულდა...
"დინამო ბათუმი" ლიდერია და 2 ქულით უსწრებს "დინამო თბილისს". "საბურთალო" კი მეოთხეზეა. საინტერესოა, რომ საბურთალოელებმა ბოლო 4 შეხვედრაში 3-3 გოლი გაუტანეს "თელავს", "დინამო თბილისს", "ტორპედოსა" და "დინამო ბათუმს".
დილა 5:0 ტორპედო
მიმდინარე კრისტალბეთ ეროვნულ ლიგაში ყველაზე დიდი სხვაობა დაფიქსირდა: "დილა"-"ტორპედო" 5:0.
42-ე წუთზე რევაზ ჩიტეიშვილმა შორიდან დარტყმით გაიტანა. ეს მისი პირველი გოლია სეზონში.
დანარჩენი ოთხი გოლი კი შესვენების მერე ვნახეთ. დასაწყისშივე, 45-ე წამზე, ონორე გომისმა ჩააწოდა და ნიკა გაგნიძემ თავურით გაგზავნა ბურთი კარში - 2:0.
მალევე ისევ გომისმა დაიწყო შეტევა, კარგი პასი გააკეთა და ბარბადოსელმა ტიერი გეილმაც მშვენიერი გოლი გაიტანა.
70-ე წუთზე გეილმა კიდევ ერთხელ გაიბრწყინა, ძლიერად დაარტყა და სეზონში უკვე 6 გოლი მოაგროვა.
ბოლოს კი გიორგი ცეცხლაძემ თავზე გადაუგდო ბურთი მეკარე ოთო გოშაძეს - 5:0. ეს 20 წლის ცეცხლაძის პირველი გოლია კრისტალბეთ ეროვნულ ლიგაში.
"დილა" მეხუთე ადგილზეა, "ტორპედო" - მეექვსეზე. ქუთაისელებმა წინა მატჩიც დიდი ანგარიშით წააგეს, კერძოდ, "საბურთალოსთან" 0:3.
erovnuliliga.ge
გოლი 90+5-ე წუთზე - "სამტრედიამ" "თელავს" სტუმრად მოუგო
!["ტორპედომ" კაცნაკლულ თბილისის "დინამოს" ვერ მოუგო - "იბერია 1999"-მა და "დილამ" გაიმარჯვეს [VIDEO]](/pictures/image7/e1bd6654d2af3e0d6213db216061868b.png "\"ტორპედომ\" კაცნაკლულ თბილისის \"დინამოს\" ვერ მოუგო - \"იბერია 1999\"-მა და \"დილამ\" გაიმარჯვეს [VIDEO]")
![ეროვნული ლიგა. XII ტური. "ტორპედო" - "დინამო" (თბ) [LIVE]](/pictures/image7/49d8798fbefca9e33a8851efc0be4e70.jpg "ეროვნული ლიგა. XII ტური. \"ტორპედო\" - \"დინამო\" (თბ) [LIVE]")
![ეროვნული ლიგა. XII ტური. "თელავი" - "დილა" [LIVE]](/pictures/image7/bb01f6496aea18a4a9b5c1841223e9a6.jpg "ეროვნული ლიგა. XII ტური. \"თელავი\" - \"დილა\" [LIVE]")
![ეროვნული ლიგა. XII ტური. "სამტრედია" - "იბერია 1999" [LIVE]](/pictures/image7/b6ee7e83aefea7354f0c6b31410879b9.png "ეროვნული ლიგა. XII ტური. \"სამტრედია\" - \"იბერია 1999\" [LIVE]")
ტორპედო როგორ ვერ ახერხებს თამაშს, მე ამის მიზეზს გუნდში მოვძებნიდი. აქ გუნდი არ თამაშობს ცალკეული სახელები დარბიან(ზოგიერთს ესეც ეზარება).
საბურთალოს ყოჩაღ და ბათუმმა ყურები გამოიფხიკოს. მერამდენედ აფუჭებენ მოგებულ თამაშს. რით ვერ გაიგეს, რომ სანამ მსაჯი ფინალურს არ დასტვენს არც არაფერი მოგიგია და არც არაფერი წაგიგია.
3-0-ის მერე ბათუმი გაჩერდა, საბურთალომ კი პირიქით ვაჟკაცურად იბრძოლა ბოლომდე.
ამ თამაშში მსაჯმა ნამდვილად საოცრებები აკეთა. თუ კუპატაძეს ის თავში ხელის ჩარტყმა განზრახ ქმედებად ჩაუთვალეს (მე მგონია, რომ სწორედაც ასე იყო. თუმცა ვერ მივხვდი რატომ უნდა გაეკეთებინა ეს), მაშინ ეს ცალსახა წითელია. მითუმეტეს იმის გათვალისწინებით, რომ ჯანმრთელობისათვის სახიფათო დარტყმა შეიძლებოდა გამოსვლოდა. თუ შემთხვევითობად ჩათვალე ან ყვითელი ან პენალტი რა შუაშია.
მგონია, რომ ამ მომენტიდან საბურთალო უფრო შეიკრა ბათუმმა კი როგორც ჩვევია ამ ბოლო დროს, თამაში დამთავრებულად ჩათვალა.
პენალტი ბათუმელთა კარში კიდე ერთი საოცრება იყო, ან ვარის ან მოედნის მსაჯი ოფიციალურად კი არა ძმაკაცებსაც ვერ აუხსნის საიდან მოიტანა პენალტი. მაგათ ეტყობა ძაან სპეციალური კამერა აქვთ და ჩანაფიქრებსაც ხედავენ :)
თუმცა ვთვლი რომ ასეთი მონდომების გამო საბურთალო წაგებას აღარ იმსახურებდა და ეგებ ბათუმმა ბოლო ბოლო ისწავლოს ჭკუა და გაიგოს რომ თამაში გრძელდება ბოლო წამამდე.