![](https://sportall.ge/pictures/image5/b5bfb2a3e8714b6ad5be63c2cdf561b4.jpg)
დინამო თბ 1:2 ტორპედო
ამ კლუბების დაპირისპირება ხშირად საჩემპიონო დატვირთვას ატარებდა, თუმცა ამჯერად ასე არაა. მხოლოდ "ტორპედო" იბრძვის ჩემპიონობისთვის, "დინამო თბილისი" კი მეექვსე ადგილზეა.
დინამოელები ნიკა ნინუას შორიდან გატანილით დაწინაურდნენ. ნინუა ამ ზაფხულს დაუბრუნდა მშობლიურ კლუბს და აი, პირველი გოლიც მიითვალა. ეს 29-ე წუთზე მოხდა, თუმცა "ტორპედომ" პირველივე ტაიმში მოახერხა არათუ გათანაბრება, არამედ წინ გასვლაც.
ორივე გოლი გვინეელმა
"დინამო თბილისს" ქულის აღება შეეძლო, 90-ე წუთზე იანსანეს ხელზე მოხვდა ბურთი და პენალტი დაინიშნა, თუმცა თორნიკე ოქრიაშვილმა ვერ გამოიყენა... მეკარე ფილიპ კლიაიჩმა აუღო.
ეს "ტორპედოს" ზედიზედ მეექვსე მოგებაა. სტივ კინის გაწვრთნილი გუნდი 3 ქულით ჩამორჩება ლიდერ "დილას", თუმცა ერთი თამაშით ნაკლები აქვს ჩატარებული.
დინამო ბთ 0:0 სამგურალი
ბათუმელებმა ზედიზედ მეოთხე მატჩი დაასრულეს ფრედ.მოქმედ ჩემპიონს ბოლო 9 შეხვედრაში მხოლოდ ერთი გამარჯვება აქვს და ლიდერ "დილას" 10 ქულით ჩამორჩება. "სამგურალს" რაც შეეხება, გუნდი მეშვიდე საფეხურზეა.
წინა ორ წრეში ბათუმელებმა წყალტუბოელებთან ერთნაირი ანგარიშით მოიგეს (1:0, 1:0), გოლი არც ამჯერად გაუშვეს, მაგრამ ვეღარ გაიმარჯვეს. მომენტები ორივე კართან შეიქმნა, მაგრამ საბოლოოდ 0:0.
erovnuliliga.ge