საქართველოს ეროვნული ნაკრების მთავარმა მწვრთნელმა ვლადიმირ ვაისმა 6 ოქტომბერს, უელსთან მატჩის შემდგომი პრესკონფერენცია "დინამო არენაზე" გამართა.მსოფლიო ჩემპიონატის საკვალიფიკაციო ეტაპის მატჩში, საქართველოს ნაკრებმა უელსის ნაკრები მიიღო და 0:1 დამარცხდა.
- საქართველოს ნაკრებმა უელსთან ისტორიაში პირველად წააგო [VIDEO+PHOTO]
- წაგების მიზეზი იყო თუ არა ნახევარდაცვის ცენტრში უთამაშებელი ფეხბურთელების ყოფნა?
- რა თქმა უნდა, ერთ-ერთი მიზეზი ესეც იყო. სხვა გამოსავალი ამ მომენტისთვის არ გვქონდა, ძალიან ბევრი უთამაშებელი ფეხბურთელი გვყავდა. ამიტომ იყო თამაშის ხარისხი დაბალი და გადამწყვეტ მომენტში ბოლო პასი გვაკლდა. ამ ფაქტორმა
ჩემს ფეხბურთელებს ვერ ვუსაყვედურებ, რადგან ისინი ბოლომდე დაიხარჯნენ.
- როგორ აღიქვამთ თქვენს პროფესიულ კარიერაში მსოფლიო ჩემპიონატის ციკლის მოგების გარეშე ჩატარებას?
- დიახ, მე ვარ მწვრთნელი და მომეთხოვება შედეგი, მაგრამ დააკვირდით, სად თამაშობენ თქვენი ფეხბურთელები. ყაზახეთი, პოლონეთი, დანია და ა.შ.
ურთულესი თამაში იქნება სერბეთში. დიდი მნიშვნელობა ექნება იმას, თუ როგორ ითამაშებს ჩვენი მომავალი მეტოქე ავსტრიაში. ჩვენ მოსაგებად გავალთ მოედანზე, მაგრამ ფაქტია, რომ სერბეთს უკეთესი მოთამაშები ჰყავს.
რა თქმა უნდა, მოლდოვასთან თამაში უნდა მოგვეგო, მაგრამ არ გაგვიმართლა. დანარჩენს რაც შეეხება, წარმატებისკენ სვლა ხანგრძლივი პროცესია და ეს მალე არ მოხდება.
- ამ ეტაპზე, პროგრესს ხედავთ ეროვნულ ნაკრებში?
- რა თქმა უნდა, ქულების რაოდენობის მხვრივ არ არის პროგრესი, მაგრამ გუნდმა შეიძინა დიდი გამოცდილება და გამოჩნდნენ ახალგაზრდა ფეხბურთელები, რომლებმაც კარგ დონეზე ჩაატარეს თამაში. შეცდომები ბევრია და მეც ვუშვებ შეცდომებს. ვფიქრობ, რომ ამ გუნდს პროგრესიც აქვს და პერსპექტივაც.
მე ვიქნები თუ არა მწვრთნელი, საქართველოს ნაკრები შემდეგ საკვალიფიკაციოზე შეძლებს წარმატების მიღწევას, რადგან იქ სუსტი გუნდები იქნებიან.
- თქვენ ამბობთ, რომ ძლიერი ამარცხებს სუსტს. მაგრამ თქვენვე დააწერინეთ ისტორია სლოვაკეთის ეროვნულ ნაკრებს, სადაც ძლიერები დაამარცხეთ. რატომ ვერ ვაკეთებთ ამას ჩვენ?
- პირველ რიგში, აღვნიშნავ, რომ სლოვაკეთის ნაკრები არის ძალიან ძლიერი გუნდი და უკეთესი რეიტინგიც აქვს. სამწუხაროდ, ყველაფერი ისე არ ხდება ხოლმე, როგორც გვინდა...
- როდესაც პრაქტიკას გულისხმობთ, როგორ შეაფასებდით ჯაბა კანკავას 90 წუთს, არ იყო ეს შეცდომა? რატომ ვიგვიანებთ შეცვლებს, ხომ არ ჯობდა მეტ შემტევ ფეხბურთელს ეთამაშა?
- ყველანაირად ვეცადეთ, რომ შემტევი ფეხბურთი გვეთამაშა და მომენტები შეგვექმნა. ვფიქრობ, ჯაბა კანკავამ კარგად ჩაატარა ეს თამაში, შესანიშნავი პროფესიონალია და იმსახურებს, რომ კარგ გუნდში ითამაშოს. სხვა ვერაფერს ვიტყვი.
- როგორი ტაქტიკით ითამაშებთ სერბეთის ეროვნული ნაკრების წინააღმდეგ?
- ტაქტიკას ყველა თამაშისთვის ვცვლით. რაც შეეხება სერბეთთან თამაშს, რამდენიმე ცვლილება აუცილებლად იქნება.
![სადაც კობიაშვილი თამაშობდა... - ქალაქები და სტადიონები, რომლებმაც საქართველოს ნაკრებს უნდა უმასპინძლონ [PHOTOS]](/pictures/image7/b067698130383dc1503e82f85d7fb0ea.jpg "სადაც კობიაშვილი თამაშობდა... - ქალაქები და სტადიონები, რომლებმაც საქართველოს ნაკრებს უნდა უმასპინძლონ [PHOTOS]")
მან არ იცის ქარტული ფსიქოლოგია (შეადარეთ ალექსანდრე შტილინს),
მას არც სურს გაიცნოს ქართული სული, იგი მხოლოდ თამაშის წინ ჩამოდის საქართველოში (შეადარეთ მილტონ ხეიგს),
მან ძირითად შემადგენლობაში გამოიყვანა უთამაშებელი ფეხბურთელები, რასაც არანაირი გამართლება არ აქვს,
ვერ შეურჩევს ფეხბურთელებს იმ ადგილს სადაც შეუძლია მეტი ზიანი მიაყენოს მოწინააღმდეგეს,
ნაკრების შემადგენლობაში ჰყავს არაეფექტური და ნაკლებად ეფექტური ფეხბურთელები, ასევე ფსიქოლოგიურად არამტკიცე, (არაბყარი, მხდალი) მოთამა–შეები.
შესვენებაზე ვერ აკეთებს სწორ კორექტირებას, რათა გარდატეხა შეიტანოს თამაში,
ასევე არაეფექტურია შეცვლები,
მან არ იცის, რომ ჯობია ბურთი აგორაო მოწინააღმდეგის ნახევარზე, ვიდრე საკუთარ ნახევარზე და ა. შ.
ყველა ამ არგუმენტიდან გამომდინარე მან უნდა დატოვოს თანამდებობა და სასურველია იმანაც, ვინც იგი ჩამოიყვანა, რადგანაც მის წინამორბედს შეიძლება უკეთესი შედეგი მიეღო (მე ცხადაძის ადვოკატი არ ვარ).