12:45 21-05-2018
ნაცუ ბაშო. IX დღე: ცხრიდან ცხრა - ტოჩინოშინმა დაიეიშოც ასწია და გადაიტანა [VIDEO]
AutoSharing Option
ტოჩინოშინის მეტოქე მესამე მაეგაშირა, იაპონელი დაიეიშო ჰაიატო იყო, რომელთანაც დადებითი ბალანსი 3:1-ზე ჰქონდა. ქართველმა სეკიტორმა თავიდანვე შეძლო მავაშში ხელის ჩავლება და მცირე წინააღმდეგობის მიუხედავად, მეტოქე დოჰიოდან იორიკირით გადაიყვანა.
ტოჩინოშინი ამ გამარჯვებით ბაშოს ერთპიროვნულად ლიდერობს. მას ჩამორჩებიან ერთი გამარჯვებით 40-გზის ჩემპიონი დიდი იოკუძუნა ჰაკუჰო და იოკუძუნა კაკარიუ.
რაც შეეხება გაგამარუს, რომელიც რანგით მეორე ლიგაში ასპარეზობს, მისი მეტოქე ლიგის მეექვსე ნომერი დაიშოჰო იყო, რომელთანაც იორიკირით დამარცხდა. ეს ქართველი ფალავნისთვის მეშვიდე მარცხია და ერთი მარცხის შემთხვევაში მაკე-კოშს (უარყოფითი ბალანსი) გაიფორმებს, რაც ლიგაში მის მეორე ნომრობიდან დაქვეითებას გამოიწვევს.
ხვალ ტოჩინოშინის მეტოქე მეოთხე მაეგაშირა ჩიოტარიუ იქნება, რომელთანაც ბალანსი 3:2-ზე აქვს. იაპონელმა ამ ბაშოზე ჯამში 5 შეხვედრა წააგო და 4-ში მოახერხა გამარჯვება.
მკითხველის კომენტარები / 18 /
თარიღის მიხედვით
მოწონებების მიხედვით
საღოოოლ ერთიც და ეგააა :)
11
0
თუ არ იცით ნუ აკომენტარებთ მაინც, გიომ ალბათ ოძეკობაზე იგულისხმა და ვეტყვი რომ 11 მოგება უნდა ოძეკი რომ გახდეს. ეხლა უკვე რთული შეხვედრები აქვს, ორივე იოკუძუნასთან საჭიდაო აქვს.
3
2
რა ეგაა? ერთი მოგება არაფერს არ წყვეტს, (დადებითი ბალანსი უკვე აქვს, ხოლო გამარჯვებისთვის მინიმუმ კიდევ ხუთი გამარჯვება სჭირდება).
4
2
ყველა გამოხმაურება
< წინა12შემდეგი >
თარიღის მიხედვით
მოწონებების მიხედვით
გააკეთეთ გამოხმაურება
X
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას,სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.
ასევე დაგაინტერესებთ
სიახლეები
პოპულარული