ყაზახეთის ნაკრების მთავარმა მწვრთნელმა სტანიმირ სტოილოვმა პრესკოფერენცია გამართა და ჟურნალისტთა დასმულ კითხვებს უპასუხა. გთავაზობთ იმ მომენტებს, სადაც ის საქართველოს ნაკრების შესახებ საუბრობს.
სტოილოვს სთხოვეს, ვლადიმირ ვაისი შეეფასებინა, რომელიც ადრე ყაზახეთში, "კაირატის" დამრიგებელი იყო.
"ვაისი ძალიან კარგი მწვრთნელი და ადამიანია. ჩვენს ერთმანეთს უკვე დიდი ხანია ვიცნობთ. მინდა ვთქვა, რომ მწვრთნელების დაპირისპირება გასახდელში მთავრდება, შემდეგ კი მოედანზე ფეხბურთელები გადიან და საქმე უკვე მათი გასაკეთებელია. მოხარული ვარ, რომ სლოვაკი მწვრთნელის ნახვა კიდევ ერთხელ შემეძლება".
სტოილოვს ასევე ჰკითხეს, რა არის საქართველოს ნაკრების მთავარი სიძლიერე.
ყაზახეთის ნაკრებში მხოლოდ საიდახმეტი გვყავს, რომელიც ჩვენი ჩემპიონატის გარეთ თამაშობს. ჩვენ ფეხბურთელებს რწმენა უნდა ჩავუნერგოთ და მათ ყველანაირი შიში უნდა მოვაცილოთ.
თითოეულ თამაშს მაქსიმალური კონცენტრაციით უნდა მივუდგეთ. საქართველოს დამარცხების შემთხვევაში, არ უნდა ჩავთვალოთ, რომ ანდორასაც აუცილებლად მოვუგებთ, იქაც მაქსიმალური კონცენტრაციაა საჭირო", - აღნიშნა სტოილოვმა.
შეგახსენებთ, რომ ერთა ლიგის D ჯგუფის პირველ შეხვედრაში, ყაზახეთი საქართველოს 6 სექტემბერს უმასპინძლებს. მატჩი თბილისის დროით 18:00 საათზეა ჩანიშნული.
ყაზახი ქომაგები საქართველოს ნაკრებზე - ამას ჰქვია საფეხბურთო სკოლა!
ყაზახეთის ნაკრების შემადგენლობის ანალიზი - ასტანაშივე უნდა მოვიგოთ!
თითქმის ყველა ყაზახეთის ჩემპიონატიდან - ყაზახეთის ნაკრების შემადგენლობა საქართველოსთან მატჩისთვის ცნობილია
მიაქციეთ ყურადღება სიტყვა იქაც. ანუ აქ მოგვინელა და უკვე იმაზე ფიქრობს რომ ყაზახებს თავში არ აუვარდეთ და იქაც მოიგონ.