მექანიკოსი, მასწავლებელი, პოლიციელი... - ანდორის ნაკრების ფეხბურთელების პროფესიები

AutoSharing Option
პატარა ქვეყნების ეროვნულ ნაკრებებში ხშირია შემთხვევა, როცა ფეხბურთელი ერთდროულად რამდენიმე პროფესიას ითვისებს. ეს ხშირად კლუბში დაბალი ხელფასითა და დაბალი სათამაშო დონით არის გამოწვეული.

არც ჩვენი მომავალი მეტოქე ანდორის ნაკრებია გამონაკლისი. ფეხბურთელები, რომლებიც ანდორის ჩემპიონატში თამაშობენ, სხვა სამსახურშიც დადიან.

SPORTALL.GE-მ მოიძია ინფორმაცია მეტოქის ფეხბურთელებსა და მათ პარალელურ პროფესიებზე.

გაბი რიერა
33 წლის თავდამსხმელია. მას ანდორისა და ესპანეთის სამოყვარულო კლუბებში უთამაშია. ნაკრებში 40 მატჩი აქვს ჩატარებული და 1 გოლი აქვს გატანილი.
ის მექანიკოსია.

ივან ლორენცო 32 წლის ვინგერია. საფეხბურთო კლუბ "ბენაბარეს" წევრია. ის ამავდროულად სასტუმროს ადმინისტრატორია.

სასტუმროში მუშაობს 35 წლის კარლოდ ედუარდო პეპპეც. ის მიმღებში ზის და მისულ სტუმრებს არეგისტრირებს.

28 წლის ნახევარმცველი კრისტიან მარტინესი აღმზრდელობით საქმიანობას ეწევა. ის სკოლაში მასწავლებელია. ამავე პროფესიისაა 36 წლის ვეტერანი მარკ პუიოლი, რომელსაც ნაკრებში 80 შეხვედრა აქვს ჩატარებული.

38 წლის ლიდენფოს ლიმა კი პოლიციელია. ის ყველაზე გამოცდილი ფეხბურთელია ნაკრებში. მას 115 მატჩი აქვს ჩატარებული და გუნდის კაპიტანია.

სებასტიან გომესი, ვიქტორ მორეირა და ლუიჯი სან ნიკოლასი კი დაცვის კომპანიის წევრები არიან.

altრა გუნდია ანდორის ნაკრები? - სამოყვარულო თუ პროფესიონალური

altსაქართველოს ნაკრებმა სრული შემადგენლობით პირველად ივარჯიშა

მკითხველის კომენტარები / 17 /
იმ პერიოდში, როდესაც ქართული ფეხბურთი ბრწყინავდა, (მესხი, მეტრეველი, ბარქაია და სხვა..) თბილისის, დიდი ეზოს ნაკრებს თუ გაიმეტებდნენ, ამ პენსიონერების გუნდის წინააღმდეგ სათამაშოდ. ეს სიმართლეა, ჰკითხეთ შტატიან გულშემატკივრებს. ღმერთმა ინებოს და აღსდგეს ქართული ფეხბურთი, ჩვენი გენების სპორტი.
გიორგი.
06:34 13-10-2018
0
ლუქსემბურგის ნაკრებთან ხომ ორი თვის წინ წავაგეთ.რატომ ასეთი დამოკიდებულება? რაც არ უნდა სუსტი ნაკრები იყოს ხომ შეიძლება,რომ ერთი თამაში მინდომოს და არ წააგოს.ანდორა უძახე შენ და უნგრეთის ნაკრები ყავს დამარცხებული.საქართველოს ნაკრები კი(რაოდენ სამწუხაროდ არ უნდა იყოს)მსოფლიოში საშუალოზე დაბალი კლასის ნაკრებად ითვლება.
გიოშა
09:03 12-10-2018
0

სიახლეები პოპულარული