სასიამოვნო ინფორმაცია გულშემატკივრებს: საქართველოს ეროვნული ნაკრების ონლაინ-მაღაზია ოფიციალურად გაიხსნა

AutoSharing Option
საქართველოს ფეხბურთის ფედერაცია გულშემატკივარს მორიგ სასიამოვნო სიახლეს სთავაზობს. ქართული ფეხბურთის ქომაგებს საქართველოს ეროვნული ნაკრების ოფიციალური ეკიპირებისა და საგულშემატკივრო ატრიბუტიკის შეძენა ონლაინ-რეჟიმში, ვებგვერდზე - www.fanshop.ge უკვე შეუძლიათ.

პროდუქციის შეძენიდან 5 სამუშაო დღის ვადაში, ფეხბურთის ყველა გულშემატკივარი, მთელი ქვეყნის მასშტაბით, ადგილზე უფასო მიტანის სერვისით ისარგებლებს.

ამასთან, გულშემატკივარს ნაკრების ოფიციალური ეკიპირებისა და საგულშემატკივრო ატრიბუტიკის შეძენა საქართველოს ეროვნული საფეხბურთო ნაკრების წლის ბოლო ოფიციალური მატჩის დღეს, 19 ნოემბერს, "დინამო არენის" ტერიტორიაზე განთავსებულ სპეციალურ სტენდებზე შეეძლება.

ონლაინ-მაღაზია ამ ეტაპზე სატესტო რეჟიმში იმუშავებს და გულშემატკივარს სამომავლოდ პროდუქციის
სხვადასხვა ნაირსახეობას შესთავაზებს.

მომზადებულია Gff.ge-ს მიხედვით
მკითხველის კომენტარები / 0 /
კომენტარი ჯერ არ გაკეთებულა.

ასევე დაგაინტერესებთ
სიახლეები პოპულარული