საქართველოს ნაკრებთან მოგებული ამხანაგური მატჩი (2:1) ხორვატთა ნახევარმცველმა მილან ბადელმა შეაფასა.
"მთავარია, გავიმარჯვეთ. საქართველოს ნაკრებისგან ამას არ ველოდით, რადგან იმაზე რთული მეტოქე აღმოჩნდა, ვიდრე გვეგონა. მძიმე შეხვედრა იყო, თუმცა დამსახურებული გამარჯვება მოვიპოვეთ და ეს, მიუხედავად იმისა, რომ გვეგონა, უფრო ადვილად მოვიგებდით.
ამ წლით კმყოფილები ვართ. ევროპირველობის საგზური უპრობლემოდ მოვიპოვეთ და მიღწეული შედეგით შეგვიძლია ვიამაყოთ. ახლა ხანგრძლივი სანაკრებო პაუზა იქნება. კლუბებში სათანადოდ თამაში და ევრო 2020-ისთვის სათანადოდ მომზადება გვმართებს.
ახალგაზრდა ფეხბურთელები ვეტერანების შევიწროებას და გუნდში დამკვიდრებას ცდილობენ. კარგი თაობა მოდის და
გულშემატკივრებს ხორვატიული ფეხბურთის მომავლის გამო შეუძლიათ მშვიდად იყვნენ", - განუცხადა ბადელმა ფეხბურთის ფედერაციის საიტს.
საქართველოს ნაკრებმა მეორე ტაიმი უილაჯოდ ჩაატარა და ხორვატიასთან დამარცხდა [VIDEO]
ვლადიმირ ვაისი: თავიდან თამაშს ვაკონტროლებდით, მაგრამ შეტევაში ხარისხი დაგვაკლდა და დავმარცხდით
ზლატკო დალიჩი: ხორვატია მწვერვალია - სუსტებთან თამაშით დროის დაკარგვას არ ვაპირებ
