საქართველოს ნაკრებმა ჩრდილოეთ მაკედონიაში ივარჯიშა

AutoSharing Option
საქართველოს ეროვნული საფეხბურთო ნაკრები უეფას ერთა ლიგის მეოთხე ტურის შეხვედრას სკოპიეში გამართავს. ვლადიმირ ვაისის გუნდი პოლონეთის ქალაქ კატოვიცედან ჩრდილოეთ მაკედონიის დედაქალაქში 12 ოქტომბერს ჩარტერული ავიარეისით ჩავიდა. ქართველმა ფეხბურთელებმა ჩრდილოეთ მაკედონიის ფეხბურთის ფედერაციის საფეხბურთო მოედანზე დღეს აღდგენითი ვარჯიში გამართეს.

ამ დროისთვის სკოპიეში ჩვენი გუნდი 24 ფეხბურთელთან ერთად იმყოფება. საქართველოს ნაკრების კაპიტანი ჯაბა კანკავა, რომელიც მომდევნო შეხვედრას ყვითელი ბარათების გამო გამოტოვებს, გუნდთან ერთადაა და საწვრთნელ პროცესში მონაწილეობს. საქართველოს ნაკრები ჩრდილოეთ მაკედონიასთან მატჩისთვის 23-კაციანი შემადგენლობით ემზადება:

მეკარეები: გიორგი ლორია (ანორთოსისი, ფამაგუსტა, კვიპროსი), გიორგი
მაკარიძე (ალმერია, ესპანეთი), ლაზარე კუპატაძე (საბურთალო, თბილისი, საქართველო)

მცველები: გია გრიგალავა (არსენალი, ტულა, რუსეთი), სოლომონ კვირკველია (როტორი, ვოლგოგრადი, რუსეთი), ნიკა მალი (საბურთალო, თბილისი, საქართველო), ჯიმი ტაბიძე (უფა, რუსეთი), ლაშა დვალი (ფერენცვაროში, ბუდაპეშტი, უნგრეთი), მამუკა კობახიძე (დინამო, ბათუმი, საქართველო), გიორგი ნავალოვსკი (დინამო, ბათუმი, საქართველო)

ნახევარმცველები: ნიკა კვეკვესკირი (ტობოლი, კოსტანაი, ყაზახეთი), მურთაზ დაუშვილი (ანორთოსისი, ფამაგუსტა, კვიპროსი), ლევან შენგელია (კონიასპორი, თურქეთი), საბა ლობჟანიძე (ანკარაგუჯუ, თურქეთი), ხვიჩა კვარაცხელია (რუბინი, ყაზანი, რუსეთი), ვაკო გვილია (ლეგია, ვარშავა, პოლონეთი), ჯაბა ჯიღაური (დინამო, ბათუმი, საქართველო), ოთარ კიტეიშვილი (შტურმი, გრაცი, ავსტრია)

თავდამსხმელები: გიორგი ქვილითაია (ანორთოსისი, ფამაგუსტა, კვიპროსი), თორნიკე ოქრიაშვილი (ანორთოსისი, ფამაგუსტა, კვიპროსი), ვაკო ყაზაიშვილი (სან ხოსე ერთკვეიკსი, აშშ), ელგუჯა ლობჯანიძე (კაისარი, ყაზახეთი), ნიკა კაჭარავა (ლეხი, პოზნანი, პოლონეთი)

13 ოქტომბრის განრიგი, ტოდორ პროესკის ეროვნული სტადიონი
12:30* - ჩრდილოეთ მაკედონიის ნაკრების ვარჯიში
14:15* - იგორ ანგელოვსკის პრესკონფერენცია
20:30* - ვლადიმირ ვაისის პრესკონფერენცია
21:00* - საქართველოს ნაკრების ვარჯიში

*თბილისის დროით

უეფას ერთა ლიგის С დივიზიონის მეორე ჯგუფს ჩრდილოეთი მაკედონია და საქართველო 5-5 ქულით ლიდერობენ. ამ გუნდებს შორის გამართული პირველი შეხვედრა თბილისში ფრედ, 1:1 დასრულდა.

მეოთხე ტურის მატჩი ჩრდილოეთ მაკედონიასა და საქართველოს შორის 14 ოქტომბერს, თბილისის დროით 22:45 დაიწყება. თამაშის პირდაპირ რეპორტაჟს საქართველოს "პირველი არხი" შემოგთავაზებთ.

GFF.GE

მკითხველის კომენტარები / 25 /
კაპიტანს მაგარი იდეოლოგია აქვს, მომეწონა. ამ ჯგუფში პირველზე თუ არ გახვედი, მსოფლიოზე ლიგიდან როგორ მოხვდები? ეს ერთი და მეორე, თუ ზედა , ანუ ბ ჯგუფში არ მოხვდი, როგორღა განვითარდები? თუ გასვლაა საკმარისი მხოლოდ? ბაყაყობა გირჩევნია ხო, ჭაობში ყიყინი. აქ ფრეს გამაზავ, რამე, პროტეჟეს შეაგდებ, კაზახეთში გაყიდი და რამე. ბედნიერია ცხოვრება. უბედურება ისაა, რომ ბევრია ამ ჭკუაზე
ვასო
22:15 13-10-2020
1
ხვალ თუ კვარაცხელია ითამაშებს ეს იქნება ხვიჩა კვარაცხელიას ბენეფისი, საქართველოს ეზრდება მსოფლიოს ამომავალი ვარსკვლავი გადაჭარბების გარაშე ვამბობ
ბეღურა
19:49 13-10-2020
0

ასევე დაგაინტერესებთ
სიახლეები პოპულარული