ერთა ლიგის მეოთხე ტურში ჩრდილოეთ მაკედონიისა და საქართველოს ნაკრებების მატჩი 1:1 დასრულდა.
"ჯვაროსნების" ძალიან პრაგმატულმა მწვრთნელმა ვაისმა ისევ გაგვაკვირვა სასტარტო შემადგენლობის დაყენებით, თანაც, ძალიან. აშკარად "მუშა შემადგენლობა" დააყენა - კვარაცხელიასა და შენგელიას გარეშე. ცხადია, ის მათ უფრთხილდება და მთელი აქცენტი 12 ნოემბრის მატჩზე აქვს გადატანილი. იგივე სტრატეგია აირჩია მისმა ვიზავიმაც.
დებიუტშივე მიიღო ტრავმა კიტეიშვილმა და ის ლობჟანიძემ შეცვალა. ტერიტორიულ უპირატესობას თავიდანვე საქართველოს ნაკრები დაეუფლა, მაგრამ ორივე გუნდი ფრთხილობდა და სახიფათო მომენტები არ იქმნებოდა. თამაში ძირითადად მოედნის ცენტრში, დაბალ ტემპში მიმდინარეობდა და თვალსასეირო ნამდვილად არ იყო.
პირველი სახიფათო მომენტი 28-ე წუთზე შეიქმნა, როდესაც ყაზაიშვილმა მცველი მოატყუა, ლობჟანიძეს გადააწოდა ბურთი, თუმცა მან კარში დარტყმა ვერ მოახერხა. აქედან მოყოლებული, ინიციატივა მასპინძელთა მხარეს გადავიდა, რასაც შედეგი არ მოჰყვა.
ჩვენი გუნდი ბურთის დაჭერას და შეტევას ვერ ახერხებდა და პირველი ტაიმი უგოლოდ დასრულდა.
მეორე ტაიმი საქართველოს ნაკრებმა უფრო აქტიურად დაიწყო. ლობჟანიძის გარღვევას საჯარიმოში ჩაწოდება მოჰყვა, საბოლოოდ კი დაუშვილმა შორიდან დაარტყა და ბურთს მეკარე დაეუფლა. შემდეგ ლორიამ ნიკოლოვის დარტყმული ბურთი მოიგერია.
68-ე წუთზე საჯარიმოს გარეთ ხელით თამაშისთვის მსაჯმა მეკარე დმიტრიევსკი გააძევა და მეტოქე კაცნაკლული დარჩა. ვაისმა მაშინვე ორმაგი ცვლილება განახორციელა - დაუშვილისა და ქვილითაიას ნაცვლად მოედანზე კვარაცხელია და კაჭარავა შეუშვა.
შეუშვა და ჯერ კაჭარავამ ბურთი ძელს გაარტყა, ხოლო მომდევნო იერიშისას კვარაცხელიამ ორი მცველი ჩამოიცილა და ანგარიში გახსნა. ეს ნაკრებში მისი პირველი გოლია.
85-ე წუთზე ხვიჩას სწრაფი კონტრიერიშისას კაჭარავამ გაიტანა, მაგრამ არბიტრმა თამაშგარე მდგომარეობა დააფიქსირა. მერე კაჭარავას გოლკიპერმა შიშკოვსკიმ არ დაანება გატანა.
კომპენსირებულ დროში კი ჩვენს კარში მეტად საეჭვო პენალტი დაინიშნა, რომელიც ალიოსკიმ გამოიყენა და ზედიზედ მეორე შეხვედრაში გავუშვით გამარჯვება ხელიდან.
ლიგა C-ს მეორე ჯგუფს 6-6 ქულით ჩრდილოეთი მაკედონია და საქართველო ლიდერობენ, სომხეთს 5 ქულა აქვს, ხოლო ესტონეთს - 2. საქართველოს ნაკრებს 2 მატჩი აქვს დარჩენილი - 15 ნოემბერს სომხეთს, 18 ნოემბერს კი ესტონეთს უმასპინძლებს. იქამდე, 12 ნოემბერს, ჩვენი გუნდი თბილისში ევროპირველობის პლეი-ოფის ფინალში ჩრდილოეთ მაკედონიას დაუპირისპირდება.
სკოპიე. "ტოდორ პროესკი"
ჩრდ. მაკედონია - საქართველო 1:1
გოლები: 0:1 კვარაცხელია (76), 1:1 ალიოსკი (90+1, პენ)
გაძევება: დმიტრიევსკი (68)
ჩრდ. მაკედონია: დმიტრიევსკი, ზაიკოვი, დ. ველკოვსკი, რისტევსკი (სტოიანოვსკი 80), რისტოვსკი, ნიკოლოვი (ტოტრე 88), კოსტადინოვი (მიჩევსკი 89), ალიოსკი, პანდევი, ტრიჩკოვსკი (კ. ველკოვსკი 80), ნესტოროვსკი (შიშკოვსკი 70)
საქართველო: ლორია, ჯიღაური, კვირკველია, ტაბიძე, დვალი (ნავალოვსკი 90), კვეკვესკირი, დაუშვილი (კვარაცხელია 70), ყაზაიშვილი (კობახიძე 90+1), გვილია, კიტეიშვილი (ლობჟანიძე 7), ქვილითაია (კაჭარავა 70)
PREVIEW: ჩრდილოეთი მაკედონია - საქართველო
სომხეთთან ხელით თამაში ნამდვილად იყო,
გუშიბდელი პენალი კი მაინც უკლასპბის შედეგია და ნაწილობრივ ვაისის ბრალი, ბოლო წუთებზე 2 მცველის დამატებამ გამოიწვია ის გაურკვეველი ზედა ხორა ბურთზე (დაცვა აირია ძალიან). მსაჯმა გაატარა მეტოქის მხრიდან თავის სიმაღლებდე აქნეული ფეხი და 4-მა ქართველმა ვერაფერი მოიფიქრა იმის გარდა, რომ ქვევიდან წაერტყათ ფეხში, თავით თამაშის იმიტირება, მაინც, რომ გაეკეთებინათ მსაჯს შანსი არ ექნებოდა. ისე არც მეტოქეს ქონდქ შანსი იქედან დარტყმის. ამიტომ ჩვენს შეცდომებს მივხედოთ და ვეღარ გაგვიბედავენ მასეთ პენალებს, ახლა კი ფსიქოლოგიური უპირატრსობს მათ გადავაბარეთ და სტიმული მივეცით,
ყველანი ვხედავთ ამ სამ თამაში ყველა მოთამაშემ მიიღო მონაწილეობა და რანაირი შემადგენლობით აღარ ვითამაშეთ მარა ჩავარდნა კი არა ყველა თამაში გამართულად ვითამაშეთ. ჩვენ უკვე საშუალო დონის ევროპული გუნდი გვყავს და ეს ვაისის დამსახურებაა. მეც და ბევრი თქვენთაგანც სულ ვაკრიტიკებდით მას. ფაქტი სახეზეა ამ ჯგუფშიც პირველობა გვინდა და ვიქნებით კიდე აუვცილებლად. მოვიგონოთ ვისაც მოკლე მახსოვრობა გვაქვს სად ვიყავით?
მადლობა ბიჭებს და ვაისს. წარმატებას და გამარჯვებას გისურვებთ!!
სომხებთან მოგებით დღეს პირველ ადგილზე ვიქნებოდით. ვაისი სუსტი მწვრთნელია დღეს კიდე რა თამაში ვერ მოიგო
ყველაფერი ყველაფერი... რაც ითქვა და რაც არ ითქვა, მაგრამ ვინმემ იცით პენალტი რატომ დაგვიდეს? და კვარაცხელია რატომ გაგვიხდა სანატრელი სასტავში ბოლო ორი თამაში??? ...