ევროპის ჩემპიონატის პლეი-ოფის ფინალში საქართველოს ნაკრები ჩრდილოეთ მაკედონიასთან 0:1 დამარცხდა.
საქართველოს ნაკრების მწვრთნელმა ვლადიმირ ვაისმა მისთვის ტრადიციული ტაქტიკური სქემა (4-2-3-1) აირჩია და ის სასტარტო შემადგენლობა დააყენა, რომელსაც სიტუაციიდან გამომდინარე ველოდით. დებიუტში ბურთს უფრო ჩვენი გუნდი აკონტროლებდა, თუმცა სახიფათო მომენტებამდე საქმე არ მიდიოდა. როგორც მოსალოდნელი იყო, ორივე გუნდი ფრთხილობდა და თამაში თვალსასეირო არ გახლდათ. პირველად მასპინძლებმა მეტოქის კარში 28-ე წუთზე დაარტყეს - ოქრიაშვილს დიმიტრიევსკიმ აუღო. შემდეგ ისევ თორნიკემ შეუტია სახიფათოდ და ოდნავ ააცილა მიზანს. მერე ყაზაიშვილს შეეძლო გატანა, მაგრამ ბოლო მომენტში მცველმა აართვა ბურთი. 33-ე წუთზე პანდევის თავური ლორიამ მოიგერია.
მეორე ტაიმი მაკედონიამ აქტიურად დაიწყო და ნესტოროვსკის პასით პანდევმა ანგარიში გახსნა. „ჯვაროსნები“ ბურთს ვერ აკონტროლებდა, თამაშის გამწვავებას ვერ ახერხებდა, მოწინააღმდეგეს კი სწრაფი კონტრშეტევების საშუალება ეძლეოდა და ელმასმა ბურთი კარს ააცილა. მოკლედ, თამაში ვიზავისთვის სასურველი სცენარით მიმდინარეობდა და ლოგიკურ დასასრულამდე მიიყვანა.
ვაღიაროთ, მეტოქემ საქართველოს ნაკრებს აჯობა და დამსახურებულად გავიდა ევროპის ჩემპიონატზე. ჩვენმა გუნდმა კი უსუსურად ითამაშა და მთელი ნაშრომი წყალში გადაყარა. ეს იყო უკანასკნელ წლებში ვაისის გუნდის ყველაზე უარესი მატჩი.
თბილისი. "დინამო არენა"
საქართველო - ჩრდ. მაკედონია 0:1
გოლი: პანდევი (56)
საქართველო: ლორია, კაკაბაძე, კვირკველია, კაშია (ჯიღაური 88), დვალი (ხოჭოლავა 90+1), კანკავა, კვეკვესკირი, გვილია (პაპუნაშვილი 81), ოქრიაშვილი, ყაზაიშვილი (დავითაშვილი 90+1), კაჭარავა (ლობჯანიძე 81)
ჩრდ. მაკედონია: დიმიტრიევსკი, ველკოვსკი, მუსლიუ, ბეიტულაი, ალიოსკი, ნიკოლოვი (კოსტადინოვი 84), ადემი (სპიროვსკი 67), რისტოვსკი (ზაიკოვი 89), ელმასი, პანდევი, ნესტოროვსკი
ცხარე ცრემლით ვტირივარ!!! ამდენი ყოფილი ფეხბურთელი პოლიტიკოსი გვყვავს თან მმართველი პარტიიდან და ყველამ ფეხზე დაიკიდა ნაკრები.
რას მერჩოდით!!!!
ვაისი კი ძაან მშიშარა და უნიათო მწვრთნელია, რამდენი ერთი შეცდომა ჩამოვთვალო : პირველი კაშიას დაყენება, ხოჭოლავა უნდა მდგარიყო უეჭველი, მეორე თუ გახსოვთ ტაბიძე მარცხნივ რამდენჯერაც დადგა ძალიან მაგრად ითამაშა და დვალმა ძალიან ბევრი შეცდომა დაუშვა, თუნდაც საგოლე პასის დროს ეგ ჩარჩა , თორე ალბათ ოფსაიდი იქნებოდა... ყაზაიშვილის და გვილიას არ შეცვლა მაქსიმუმ მე-60-ე წუთისთვის, მათ მაგივრად საბა ლობჟანიძე ფლანგზე და რათქმა უნდა ზუკა დავითაშვილი, ორივე სწრაფები, მომტყუებლები, ვაისმა კი 1,5 წლის უთამაშებელი
პაპუნაშვილი შემოიყვანა, ისიც 82 -წუთზე და ზურიკი საერ\თოდ 92-ზე შემოიყვანა... სრული აბსურდი, ჩასვრა და დილეტანტიზმი მწვრთნელის მხრიდან.
მაკედონიის მწვრთნელმა პირველი ტაიმის მერე გაგვშიფრა და ფეხი ვერ გავანძრიეთ, მთელი მეორე ტაიმი...
ნამდვილად არ მინდა ნაცებმა ქულები დაიწერონ ამ სიტუაციით, მაგრამ პირველ რიგში კალაძემ დიდი მინუსი დაუწერა თავის თავსაც და მთლიანად ქვეყანას :(( გული მტკივა და მართლა ცუდად ვარ, ამ ყველაფრის გამო !!!