"პირველ არხზე" გადაცემა "ტაიმაუტის" სტუმარი საქართველოს ეროვნული ნაკრების მთავარი მწვრთნელის, ვილი სანიოლის ასისტენტი ზურა ხიზანიშვილი გახლდათ.
ხიზანიშვილმა დაადასტურა ინფორმაცია, რომ მარტის თამაშებისთვის ბუდუ ზივზივაძე ნაკრების გამოძახებულ ფეხბურთელთა სიაში იქნება.
მისივე თქმით, განიხილება ასევე ბექა მიქელთაძისა და ვატო არველაძის კანდიდატურებიც. ხიზანიშვილი აღნიშნავს, რომ ეროვნულ გუნდს ბევრი კარგი ფორვარდი ჰყავს და გამოძახებული ის იქნება, ვინც იმ მომენტში საუკეთესო ფორმაშია.
ხიზანიშვილმა აღნიშნა, რომ გიორგი მიქაუტაძესთანაც ყველაფერი მოგვარებულია და თუ რაიმე სასწაული არ მოხდა, ის საქართველოს ნაკრებში ითამაშებს.
![მიქაუტაძე: ჩეხეთში მოსაგებად უნდა წავიდეთ [VIDEO]](/pictures/image7/30b858b07fe112c8d0ba97d45658f578.jpeg "მიქაუტაძე: ჩეხეთში მოსაგებად უნდა წავიდეთ [VIDEO]")
