ეს ევროპირველობის წინ ნიდერლანდელთა ბოლო ამხანაგური მატჩი იყო და წინა შეხვედრაში შოტლანდიასთან დაზავების (2:2) შემდეგ მათი გუნდის მწვრთნელი ფრანკ დე ბური პრესამ ძალიან გააკრიტიკა. ამიტომ ეჭვს არ იწვევდა, რომ ევროფორუმის წინ „ჯვაროსნებთან“ მოედანზე მობილიზებულები გავიდოდნენ.
სანიოლმა 5-4-1 ტაქტიკური სქემა აირჩია, რომელიც შეტევისას 3-4-3-ად ტრანფორმირდებოდა. უკვე დებიუტში აბურჯანიას პასით ლობჟანიძე საჯარიმოში შეიჭრა, მაგრამ ბურთის წინ გამოსული მეკარისთვის თავზე გადაგდება ვერ შეძლო. შემდეგ კი საჯარიმოში დვალმა დუმფრისი წააქცია და დეპაიმ მასპინძლები პენალტით დააწინაურა. ცოტა ხანში ლორიამ დეპაის ახლო მანძილიდან გოლი არ გაატანინა. „ნარინჯისფერები“ სრულ ტერიტორიულ უპირატესობას ფლობდნენ, ხოლო ჩვენს გუნდს კონტიერიშების ორგანიზება უჭირდა. სადღაც შუა ტაიმში თამაში გათანაბრდა, კიტეიშვილმა გვილიას კარგი პასი გაუკეთა, მან კი მიზანს ვერ უწია. ამას ნიდერლანდელთა შეტევები მოჰყვა, ლორიამ ორჯერ გვიხსნა და პირველი ტაიმი 0:1 წავაგეთ.
შესვენებაზე ლობჟანიძე დავითაშვილმა შეცვალა, ჩვენმა გუნდმა უხიფათოდ შეუტია, მოწინააღმდეგემ კი მეორე გოლი გაიტანა, როდესაც ვეგჰორსტი თავისუფლად შეიჭრა საჯარიმოში და დაუბრკოლებლივ დალაშქრა ლორიას კარი. მოედანზე კლასში გუნდების სხვაობა თვალსაჩინო გახლდათ, საქართველოს ნაკრების თამაში ვერც შეცვლაზე ჯიღაურისა და მიქაუტაძის შესვლამ გაამწვავა და მესამე გოლიც გავუშვით.
მოედანზე კი კატასტროფა ხდებოდა, საქართველოს ნაკრები საერთოდ „აიჭრა“, ბურთს ვერ აკონტროლებდა, მარტივ სიტუაციებში კარგავდა. მეორე ტაიმში ერთადერთი მომენტი შეცვლაზე შესულ ჯიღაურს ჰქონდა, რომლის დარტყმული ბურთი ხარიხას მოხვდა.
რა შეიძლება რეზიუმეს სახით ითქვას: მოწინააღმდეგემ ყველა საფეხბურთო კომპონენტში დაგვჯაბნა, ევროპის ჩემპიონატის წინ კარგად წაივარჯიშა და შესანიშნავი განწყობა შეიქმნა. „ჯვაროსანთა“ თამაში კი ვერავითარ კრიტიკას ვერ უძლებს, ალბათ, სჯობს სანიოლმა ექსპერიმენტები დაასრულოს და მომავალში ოპტიმალური შემადგენლობა ათამაშოს.
ენსხედე. „გროლშ ვესტე“
ნიდერლანდები - საქართველო 3:0
გოლები: დეპაი (10, პენ), 2:0 ვეგჰორსტი (55), 3:0 გრავენბეხი (77)
ნიდერლანდები: სტეკელენბურგი, დუმფრისი, ტიმბერი (ბერგჰუისი 77), დე ვრი, ბლინდი (აკე 46), ვეინდალი (ვან ანჰოლტი 74), დე რონი, ვეინალდუმი (კლასენი 66), ფ. დე იონგი (გრავენბერხი 66), ვეგჰორსტი (მალენი 66), დეპაი
საქართველო: ლორია, კაკაბაძე, კაშია, ხოჭოლავა (ჯიღაური 66), დვალი, გიორბელიძე, გვილია (კვეკვესკირი 78), აბურჯანია (დაუშვილი 78), ლობჟანიძე (დავითაშვილი 46), კიტეიშვილი (კუხიანიძე 86), ზივზივაძე (მიქაუტაძე 66)
გაუტანს თუ არა მიქაუტაძე გრანდს?! - სავარაუდო შემადგენლობა ნიდერლანდების წინააღმდეგ
![საქართველოს ნაკრებს შეკრებაზე კიდევ 6 ფეხბურთელი შეუერთდა [VIDEO]](/pictures/image7/2207cc513a93f6eafb5a544422d7df25.jpg "საქართველოს ნაკრებს შეკრებაზე კიდევ 6 ფეხბურთელი შეუერთდა [VIDEO]")
![ზურიკო დავითაშვილი: მშვიდად ვართ, ნერვიულობა ნაკლებია - ევროპის ჩემპიონატზე მხოლოდ მონაწილეობის მისაღებად არ მივემგზავრებით [VIDEO]](/pictures/image7/692651026d604146b7fcf58ade0e633e.jpg "ზურიკო დავითაშვილი: მშვიდად ვართ, ნერვიულობა ნაკლებია - ევროპის ჩემპიონატზე მხოლოდ მონაწილეობის მისაღებად არ მივემგზავრებით [VIDEO]")
არამგონია რომ ელიგაში მოთამაშეებმა ამათზე მეტად შეგვარცხვინონ, ჰოდა რა აზრი აქვს ამათ გამოძახებას?ელიგაში ქემაინც ერთმანეთს იცნობენ და ერთ სტილში თამაშობენ, ხშირად ხვდბეიან ერთმანეთს.
თუ ვინმეს ამათგან მაგრად უნდა ნაკრებში, ელიგიდან მივიდეს და ეროვნულ ჩემპიონატს დაუბრუნდეს, იქ აჩვენოს თუ აქვს კლასი და მასთან ერთად გაიზრდებიან სხვებიც.
დღეს უკვე შეგვიძლია იმის თქმა რომ გვყავს კარგი გუნდი, რა თქმა უნდა ისეთი არა გვყავს როგორც 90-იანების დროს გვყავდა, მაგრამ ამ გუნდით შეიძლება უკეთესი შედეგების დადება. უკვე შეიძლება ცუდი შედეგების მწვრთნელზე გადაბრალება. თუ სანიოლს უნდა ექსპერიმენტების ჩატარება მაშინ სუსტი გუნდები უნდა ავირჩიოთ სპარინგად. ნიდერლანდები ის მეტოქეა, რომელთანაც ძირითადი ბირთვით უნდა ითამაშო და ჩემი აზრით სანიოლი უკვე უნდა ყოფილიყო ჩამოყალიბებული თუ ვინ არის ძირითადი თერთმეტეულის ფეხბურთელი.